បន្ទាយមានជ័យ ៖ ប្រជាកសិករដាំដំឡូងមីសប្បាយរីករាយ និងដំឡូងមីមានតម្លៃខ្ពស់ តែទទួលផលបានតិច ព្រោះទឹកជំនន់ បណ្ដាលមកពីជនលិចធ្វើឲ្យរលួយ និងខូចខ្លះក៏ដោយ ដែលខុសពីផលស្រូវ មានតម្លៃធ្លាក់ចុះឆ្នាំនេះ…
បន្ទាយមានជ័យ ៖ ប្រជាកសិករដាំដំឡូងមីសប្បាយរីករាយ និងដំឡូងមីមានតម្លៃខ្ពស់ តែទទួលផលបានតិច ព្រោះទឹកជំនន់ បណ្ដាលមកពីជនលិចធ្វើឲ្យរលួយ និងខូចខ្លះក៏ដោយ ដែលខុសពីផលស្រូវ មានតម្លៃធ្លាក់ចុះឆ្នាំនេះ ។
លោក បឹម សំបូរ អាយុ៣៥ឆ្នាំ ជាមេការសៃឡូដំឡូងមួយ នៅក្នុងស្រុកស្វាយចេក នៅថ្ងៃទី០៩ ខែធ្នូ ឆ្នាំ២០២១នេះ បានប្រាប់ថា ៖ ឆ្នាំនេះដំឡូងមីមានហាងឆេងខ្ពស់គួរសមជាងឆ្នាំមុនព្រោះខាងថៃកំពុងមានតម្រូវការ ។ តម្លៃដំឡូងមីឆ្នាំនេះ បើដំឡូងស្រស់យើងទិញចូល១គីឡូ២,៣បាត (២បាត៣កាក់) លុយថៃ ចំណែកឆ្នាំទៅមិញទិញតែ១គីឡូ១៥,៥ (១បាតកន្លះ) ទៅ២០ (២បាត)លុយថៃប៉ុណ្ណោះ ។ បើដំឡូងស្ងួតយើងទិញចូល១គីឡូ៦,៣បាត (៦បាត៣កាក់) លុយថៃបើប្រៀបធៀបនឹងឆ្នាំមុន គឺមានការឡើងថ្លៃជាង ព្រោះឆ្នាំនេះអ្នកកសិករដាំដុះដំឡូងមី មិនសូវកើតប៉ុន្មាននោះទេ ដោយសារទឹកជន់លិចខូចខាតអស់មួយចំនួនធំ ។
លោក បឹម សំបូរ បានបន្តដឹងទៀតថា ៖ ចំពោះខែនេះខាងសៃឡូលោកមិនទាន់ទិញដំឡូងបានច្រើននៅឡើយទេ ព្រោះកសិកររវល់ប្រមូលស្រូវសិន តែខែក្រោយនេះទើបដំឡូងគេប្រមូលផលច្រើន ។
ដោយឡែក លោក យន់ ឡៃមី អាយុ៤៥ឆ្នាំ ជាកសិករដាំដំឡូង រស់នៅភូមិកកោះ ឃុំស្លរក្រាម ស្រុកស្វាយចេកក៏បាន្យដឹងថា ៖ ចំពោះការដាំដំឡូងមីនេះ គឺមានការចំណាយដើមច្រើនទាំងភ្ជួររាស់ និងការថែទាំថ្នាំបាញ់ស្មៅជីបំប៉នជាដើម ។ តែបើមិនមានទឹកលិចខូចខាតច្រើននោះទេ គឺបានកាក់កបគួរសមជាងដំណាំស្រូវទៅទៀត។ ព្រោះដំឡូងប្រើរយៈពេលនៃការដាំដុះតែ១០ខែប្រមូលផលបានហើយ ។ ចំណែកលោក លី កុ អាយុ៦០ឆ្នាំ ជាកសិករដាំដំឡូងមីដែរនោះក៏បានលើកឡើងមិនខុសគ្នាដែរថា ការដាំដំឡូងនេះមានការចំណាយច្រើន ប្រសិនបើហាងឆេងធ្លាក់ថ្លៃក្រោម២បាតក្នុង១គីឡូ គឺពិបាករកប្រាក់ចំណេញឃើញណាស់ ។
លោកលី កុ បានបន្តឲ្យដឹងទៀតថា ៖ បើសិនជាតម្លៃហាងឆេងដំឡូងនៅតែមានតម្លៃខ្ពស់ដូចខែនេះ គឺធ្វើដំឡូងបានផលចំណេញច្រើនជាងស្រូវ ។
ពាក់ព័ន្ធទៅនឹងបញ្ហានេះដែរ លោក ប៉ាង វណ្ណាសេដ្ឋ ប្រធាន មន្ទីរកសិកម្មខេត្តបន្ទាយមានជ័យបានបញ្ជាក់ប្រាប់ដឹងថា ៖ ចំពោះដំណាំដំឡូងមីនៅឆ្នាំនេះនៅតែមានហាងឆេងល្អ បើទោះបីជាមានទឹកលិចខូចខាតខ្លះក៏ដោយ ។ ចំពោះខេត្តបន្ទាយមានជ័យឆ្នាំនេះកសិករយើងដាំដំឡូងមីឆ្នាំសរុបចំនួន៨០,០០០ហិកតា ហើយជាមធ្យមក្នុង១ហិកតាទទួលបានផលក្នុងចន្លោះពី២២ទៅ២៥តោន ៕
ចែករំលែកព័តមាននេះ