ខេត្តកំពង់ឆ្នាំង ៖ លោកឧត្តមសេនីយ៍ឯក ហ៊ុន ម៉ាណែត នាយរងសេនាធិការចម្រុះ មេបញ្ជាការរងកងទ័ពជើងគោក និងជាមេបញ្ជាការបញ្ជាការដ្ឋានជាតិពិសេសប្រឆាំងភេរវកម្ម កាលពីរសៀលថ្ងៃទី២២ ឧសភា ២០១៦ បាននាំយកអាវភ្លៀងជាង២ពាន់ ទៅផ្តល់ជូនកងកម្លាំង នៅទិសយោធភូមិភាគពិសេស ។
ខេត្តកំពង់ឆ្នាំង ៖ លោកឧត្តមសេនីយ៍ឯក ហ៊ុន ម៉ាណែត នាយរងសេនាធិការចម្រុះ មេបញ្ជាការរងកងទ័ពជើងគោក និងជាមេបញ្ជាការបញ្ជាការដ្ឋានជាតិពិសេសប្រឆាំងភេរវកម្ម កាលពីរសៀលថ្ងៃទី២២ ឧសភា ២០១៦ បាននាំយកអាវភ្លៀងជាង២ពាន់ ទៅផ្តល់ជូនកងកម្លាំង នៅទិសយោធភូមិភាគពិសេស ។
ពីធីនេះ បានធ្វើឡើងនៅទីបញ្ជាការកងប្រតិបត្តិការសឹករងខេត្តកំពង់ឆ្នាំង ដោយមានការអញ្ជើញចូលរួមពីលោកនាយឧត្តមសេនីយ៍ គីម ប៊ុនថាន នាយករងខុទ្ទកាល័យសម្តេចតេជោ ហ៊ុន សែន, លោកឈួរ ចាន់ឌឿន អភិបាលខេត្តកំពង់ឆ្នាំង, លោក មេបញ្ជាការរងយោធភូមិភាគពិសេស នាយទាហាន ពលទាហាន នាយអាវុធហត្ថ ពលអាវុធហត្ថ និងនាយនគរបាល ពលនគរបាល ជាច្រើនរូបផងដែរ ។
យោងតាមសេចក្តីរាយការណ៍របស់លោកមេបញ្ជាការរងយោធភូមិភាគពិសេសឱ្យដឹងថា អាវភ្លៀងដែលលោកឧត្តមសេនីយ៍ឯក ហ៊ុន ម៉ាណែត យកមកចែកជូនក្នុងថ្ងៃនេះ មានចំនួនជាង២ពាន់៥០០អាវ សម្រាប់ចែកជូនដល់កងកម្លាំង យោធភូមិភាគពិសេស មកពី៥ រាជធានី-ខេត្ត មាន១៦អង្គភាព ។
វត្តមានរបស់លោកហ៊ុន ម៉ាណែត ក្នុងថ្ងៃនេះ សបញ្ជាក់បានថា ប្រមុខរាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា បានយកចិត្តទុកដាក់ដោះស្រាយរាល់ការលំបាក និងទំនុកបំរុងថែបំប៉នផ្គត់ផ្គង់ទាំងសម្ភារ ថវិកា និងស្មារតី ដល់កងយោធពលខេមរភូមិន្ទ ជាពិសេសរៀងរាល់រដូវកាល គឺខែភ្លៀងផ្តល់អាវភ្លៀង និងរដូវរងារផ្តល់ អាវ រងារ ដូចមានក្នុងកម្មវិធីនាដើមរដូវភ្លៀងនេះស្រាប់ ។
ចែករំលែកព័តមាននេះ