កីឡាទ្រីយ៉ាត្លុង បង្ហាញពីជំហរ សម្រាប់ការប្រកួតថ្នាក់ជាតិឆ្នាំ២០២១នេះ
- ភ្នំពេញ
រាជធានីភ្នំពេញ ៖ នៅថ្ងៃទី១២ ធ្នូ ឆ្នាំ២០២១នេះ ការប្រកួតទ្រីយ៉ាត្លុងថ្នាក់ជាតិនឹងបង្ហាញខ្លួនហើយ នៅក្នុងខេត្តកែប ដោយតាម
រាជធានីភ្នំពេញ ៖ នៅថ្ងៃទី១២ ធ្នូ ឆ្នាំ២០២១នេះ ការប្រកួតទ្រីយ៉ាត្លុងថ្នាក់ជាតិនឹងបង្ហាញខ្លួនហើយ នៅក្នុងខេត្តកែប ដោយតាមតួលេខគឺមានកីឡាករកីឡាការិនីចូលប្រកួតចង់ច្រើនជាងឆ្នាំកន្លងទៅដែលគ្មានកូវីត១៩នោះផង។ មុនការប្រកួតនេះ សហព័ន្ធក៏មានកម្មវិធីបោះជំរុំហ្វឹកហាត់កីឡាទ្រីយ៉ាត្លុង ដើម្បីសមត្ថភាពផង ខណៈដែលមន្ត្រីទទួលបន្ទុកអះអាងថា ការប្រកួតថ្នាក់ជាតិឆ្នាំនេះ នឹងជ្រើសអោយបានជើងខ្លាំងនដែលអាចដណ្ដើមបានមេដាយ នៅក្នុងការប្រកួតស៊ីហ្គេម ដែលកម្ពុជាធ្វើជាម្ចាស់ផ្ទះយ៉ាងហោចនោះផង។
លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជាគូសបញ្ជាក់ថា សម្រាប់ការប្រកួតថ្នាក់ជាតិនៅក្នុងឆ្នាំនេះ សហព័ន្ធមានការត្រៀមទុកច្រើន ដោយមានការបោះជំរុំហ្វឹកហាត់ដល់ក្រុមជម្រើសជាតិកីឡាទ្រីយ៉ាត្លុងមយនប៉ុន្មានថ្ងៃ ហើយក៏មានការ បង្វឹកពីគ្រូបង្វឹកជាតិ-អន្តរជាតិ រហូតទៅដល់៣រូប គឺលោក Francisco ជនជាតិអ៊ីតាលី ជាអ្នកជំនាញផ្តល់ការបង្រៀនតាមប្រព័ន្ធអនឡាញ, លោក Derrick Murray ជនជាតិណូវែលសេឡង់ ជាគ្រូបង្វឹកជម្រើសជាតិទ្រីយ៉ាត្លុងកម្ពុជា (បង្ហាត់ផ្ទាល់) និងគ្រូជម្រើសជាតិទ្រីយ៉ាត្លុងកម្ពុជា លោក ចេង ចាន់ដារ៉ា ជាអ្នកជួយសម្របសម្រួល ដើម្បីបង្កើនសមត្ថភាព។ គោលដៅរបស់សហព័ន្ធ គឺដើម្បីអោយកីឡាករកីឡាការិនី កាន់តែមានសមត្ថភាពខ្លាំងសម្រាប់ការប្រកួតកីឡាទ្រីយ៉ាត្លុងជ្រើសរើសជើងឯកថ្នាក់ជាតិ ប្រចាំឆ្នាំ២០២១ ដែលដល់កំណត់នៅថ្ងៃទី១២ ខែធ្នូ ឆ្នាំ២០២១ នេះ នៅខេត្តកែប។
អគ្គលេខាធិការរូបនេះបញ្ជាក់ថា ការពុះពាររបស់សហព័ន្ធ គឺចង់ផលិតធនធានដែលខ្លាំង ដែលមានស្ដង់ដារ និងអាចប្រកួតប្រជែងបាន ហើយសកម្មភាពដែលធ្វើឡើងនេះ គឺទទួលបានការគាំទ្រពីគណៈកម្មាធិការជាតិអូឡាំពិកកម្ពុជា (NOCC) តាមរយៈអង្គការសាមគ្គីអូឡាំពិក (OS) និងក្រោមការឧបត្ថម្ភគាំទ្រពីក្រសួងអប់រំ យុវជន និងកីឡា ដែលកាន់តែធ្វើអោយសហព័ន្ធមានសមត្ថភាពពង្រីកខ្លួន។
លោកបន្តថា ការហ្វឹកហាត់បង្កើនគុណភាពបច្ចេកទេសរបស់ក្រុមជម្រើជាតិ គឺសហព័ន្ធកីឡាទ្រីយ៉ាត្លុងកម្ពុជា យកចិត្តទុកដាក់យ៉ាងខ្លាំង ហើយនៅក្នុងឆ្នាំនេះ គឺទទួលបានការយកចិត្តទុកច្រើនជាងមុនពីថ្នាក់ដឹកនាំ ទើបក្លាយជាក្ដីសង្ឃឹមដ៏ធំ។ លោកបន្តទៀតថា រាល់សំណើស្នើសុំទៅក្រសួងអប់រំ យុវជន និងកីឡា ក្នុងការប្រមូលផ្តុំហ្វឹកហាត់រយៈពេលវែងនៅខេត្តកែបនាពេលកន្លងមក គឺតែងតែទទួលបានការគាំទ្រ ទើបសម្រាប់ការត្រៀមចេញទៅប្រកួតស៊ីហ្គេម និងការប្រកួតអន្តរជាតិនានា របស់សហព័ន្ធ បានធ្វើអោយសហព័ន្ធមើលឃើញគោលដៅកាន់តែច្បាស់ ជាពិសេសសម្រាប់ការប្រកួតស៊ីហ្គេមនៅកម្ពុជា២០២៣ ដែលសហព័ន្ធត្រូវតែប្រឹងដណ្ដើមអោយបានមេដាយ ក្នងនាមជាម្ចាស់ផ្ទះនោះ៕
ចែករំលែកព័តមាននេះ