កីឡាករ កីឡាការិនី ជម្រើសជាតិហែលទឹក ត្រៀមចេញទៅប្រកួតជើងឯកពិភពលោកឆ្នាំ២០២១ នៅអារ៉ាប់រួម
- ភ្នំពេញ
រាជធានីភ្នំពេញ ៖ សហព័ន្ធខ្មែរកីឡាហែលទឹក បានបង្ហាញសមាសភាពគ្រូបង្វឹក កីឡាករ កីឡាការិនី ហែលទឹកជម្រើសជាតិកម្ពុជា
រាជធានីភ្នំពេញ ៖ សហព័ន្ធខ្មែរកីឡាហែលទឹក បានបង្ហាញសមាសភាពគ្រូបង្វឹក កីឡាករ កីឡាការិនី ហែលទឹកជម្រើសជាតិកម្ពុជា
រាជធានីភ្នំពេញ ៖ សហព័ន្ធខ្មែរកីឡាហែលទឹក បានបង្ហាញសមាសភាពគ្រូបង្វឹក កីឡាករ កីឡាការិនី ហែលទឹកជម្រើសជាតិកម្ពុជា ត្រៀមចេញដំណើរចេញទៅចូលរួមការប្រកួតជ្រើសរើសជើងឯកពិភពលោក (អាងហែលទឹក២៥ម៉ែត្រ) នៅទីក្រុងអាប៊ូដាប៊ី ប្រទេសអារ៉ាប់រួម នាពេលព្រឹកថ្ងៃទី១២ ខែឆ្នូ ឆ្នាំ២០២១ ខណៈការប្រកួត គ្រោងនឹងចាប់ផ្តើមពីថ្ងៃទី១៦-២១ ខែធ្នូ ឆ្នាំ២០២១។
លោក ហែម គីរី អគ្គលេខាធិការសហព័ន្ធខ្មែរកីឡាហែលទឹកគូសបញ្ជាក់ថា តាមពិតព្រឹត្តិការណ៍នេះ ត្រូវធ្វើឡើងតាំងតែពីឆ្នាំ២០២០មកម្ល៉េះ ប៉ុន្តែដោយវិបត្តិជំងឺកូវីដ-១៩ ទើបពន្យារពេលមកធ្វើឡើងវិញ នៅក្នុងខែធ្នូ ឆ្នាំ២០២១នេះវិញ។ សម្រាប់សមាសភាពក្រុមជម្រើសជាតិកម្ពុជា ដែលត្រៀមចូលរួមការប្រកួតជើងឯកពិភពលោកកីឡាហែលទឹកលើកនេះ គឺសហព័ន្ធនឹងបញ្ជូនគ្រូបង្វឹកម្នាក់ កីឡាករ២នាក់ និងកីឡាការិនី២នាក់ ដោយចំនួននេះ គឺជាការកំណត់ជាគោលការណ៍របស់សហព័ន្ធកីឡាហែលទឹកអន្តរជាតិ (FINA)។
អគ្គលេខាធិការរូបនេះ សង្កត់ធ្ងន់ថា ការចូលរួមប្រកួតរបស់កម្ពុជា ពេលនេះ គឺមានសារសំខាន់ណាស់ ក្នុងការផ្តល់ឱកាសជូនដល់កីឡាករ កីឡាការិនី ជម្រើសជាតិកម្ពុជា ដែលកំពុងហ្វឹកហាត់នៅសហរដ្ឋអាមេរិក នៅប្រទេសថៃ រួមទាំងកីឡាការិនីហ្វឹកហាត់ក្នុងស្រុកបានចូលរួមប្រកួត បង្កើនគុណភាពបច្ចេកទេស ក៏ដូចជាបានវាស់ស្ទង់បទពិសោធន៍បន្ថែម ដោយសារនេះគឺជាការប្រកួតកម្រិតខ្ពស់ របស់ពិភពលោក ដោយប្រភេទកីឡាហែលទឹកនេះ មានការចូលរួមមិនក្រោម ១៨០ប្រទេស នោះទេ។ ការចូលរួមនេះ ក៏ជាចំណែកមួយនៃដំណើរការអភិវឌ្ឍ ដើម្បីជាការកំណត់គោលដៅនៃការចូលរួមប្រកួតប្រជែង ស៊ីហ្គេម លើកទី៣១ នាខែឧសភា ឆ្នាំ២០២២ នៅប្រទេសវៀតណាម និងគោលដៅដ៏ធំនៃដំណើរឆ្ពោះទៅទទួលធ្វើម្ចាស់ផ្ទះ ការប្រកួតកីឡា ស៊ីហ្គេម លើកទី៣២ ឆ្នាំ២០២៣ នៅកម្ពុជា។
«ប្រសិនបើក្រុមជម្រើសជាតិហែលទឹកកម្ពុជា អាចបង្កើនសិទ្ធផលល្អថ្មី នៅក្នុងការប្រកួតជើងឯកពិភពលោកនេះបាន នោះយើងនឹងអាចដឹងកាន់តែច្បាស់លាស់ ក្នុងការកំណត់គៅលដៅសម្រាប់ការត្រៀមចូលរួមប្រជែងស្វែងរកមេដាយ នៃស៊ីហ្គេម ២លើក ចំពោះមុខ»។ នេះជាការបញ្ជាក់បន្ថែមរបស់លោក ហែម គីរី៕
ចែករំលែកព័តមាននេះ