ខ្សែបម្រើក្លិប Gladbach វ័យ២៣ឆ្នាំ Granit Xhaka បង្ហាញពីអារម្មណ៍ពុះកញ្ជ្រោលទៅលេងឱ្យក្លិបកាំភ្លើងធំ Arsenal នៅរដូវក្តៅនេះ ដើម្បីបំពេញក្តីសុបិនរបស់គេតាំងពីក្មេងមកម្ល៉េះ ។ កីឡាករសញ្ជាតិស្វីសរូបនេះ
ខ្សែបម្រើក្លិប Gladbach វ័យ២៣ឆ្នាំ Granit Xhaka បង្ហាញពីអារម្មណ៍ពុះកញ្ជ្រោលទៅលេងឱ្យក្លិបកាំភ្លើងធំ Arsenal នៅរដូវក្តៅនេះ ដើម្បីបំពេញក្តីសុបិនរបស់គេតាំងពីក្មេងមកម្ល៉េះ ។ កីឡាករសញ្ជាតិស្វីសរូបនេះ បានធ្វើឱ្យអ្នកគាំទ្ររបស់គេភ្ញាក់ផ្អើលជាមួយនឹងរូបថតក្នុងឈុតសម្លៀកបំពាក់របស់ក្លិប Arsenal ហើយខ្សែបម្រើរូបនេះសង្ឃឹមថា រូបគេនឹងក្លាយជាផ្នែកមួយរបស់ក្លិបកាំភ្លើងធំក្នុងរយៈពេលដ៏ខ្លីខាងមុខនេះ ។
ក្លិប Arsenal នឹងចុះកុងត្រាជាមួយ Xhaka ក្នុងតម្លៃខ្លួន៣៥ លានផោន ហើយរូបគេនឹងក្លាយជាកីឡាករដែលមានតម្លៃខ្លួនថ្លៃជាងគេទី២ បន្ទាប់ពី Mesut Ozil ដែលទិញពីក្លិប Real M កាលពីឆ្នាំ២០១៣ ។ ចំណែកតម្លៃខ្លួនក្នុង១សប្តាហ៍របស់ Xhaka វិញ ជាង១ម៉ឺនដុល្លារឯណោះ ។ កីឡាករដែលមានតម្លៃខ្លួនជាង១ម៉ឺនដុល្លារ ឬច្រើនជាងនេះក្នុង១សប្តាហ៍របស់ក្លិប Arsenal មានតែកីឡាករ Petr Cech, Theo Walcott, Alex Sanchez និង Mesut Ozil តែប៉ុណ្ណោះ ។ ដោយឡែកតម្លៃខ្លួនរបស់ Xhaka ជាង១ម៉ឺនដុល្លារក្នុង១សប្តាហ៍នឹងបន្តរហូតដល់បញ្ចប់ រដូវកាល ២០២០-២០២១ ។
យោងតាមគេហទំព័រ ឌេលី ម៉ែល រាយការណ៍ថា Xhaka ត្រូវពិនិត្យសុខភាពនៅឯពហុកីឡដ្ឋាន Emirates Stadium របស់ក្លិប Arsenal ប៉ុន្តែអ្វីៗពិភាក្សាគ្នាជាមុនសិន ពាក់ព័ន្ធនឹងការទាមទារតម្លៃខ្លួនរបស់កីឡាកររូបនេះ ។ នៅពេលការដោះដូរផ្លូវការមកដល់ក្នុងរដូវក្តៅនេះ Xhaka នឹងក្លាយជាសមាជិកក្រុមចុងក្រោយគេទី១០០ របស់ក្លិប Arsenal ។
ខ្សែបម្រើក្លិប Gladbach និងជាក្រុមជម្រើសជាតិស្វីស Xhaka និយាយថា ក្របខ័ណ្ឌ ប្រឺមីញេលីក គឺជាក្តីសុបិនរបស់ខ្ញុំតាំងពីកុមារភាព ។ បច្ចុប្បន្នខ្ញុំជាកីឡាកររបស់ក្លិប Gladbach ប៉ុន្តែក្នុងរយៈពេលប៉ុន្មាន សប្តាហ៍ទៀតនឹងមានការផ្លាស់ប្តូរ ឬយ៉ាងណា គឺអាស្រ័យលើរូបខ្ញុំតែម្នាក់គត់ ។
Granit Xhaka រកគ្រាប់បាល់បាន៦គ្រាប់ ក្នុងចំណោមការប្រកួត ១០២លើក នៅឯពហុកីឡដ្ឋានតាំងពីចូលលេងឱ្យក្លិប Glabach ក្នុងឆ្នាំ ២០១២ មកម្ល៉េះ ។
ចែករំលែកព័តមាននេះ