ប្រទេសប៉ូឡូញ
១-ក្តីរំពឹង៖ ប្រធានក្រុម និងជាខ្សែប្រយុទ្ធដ៏មុតស្រួចផងនោះ កីឡាករ Robert Lewandowski ព្រមទាំងកីឡាករឆ្នើមៗដទៃទៀតដូចជាខ្សែបម្រើក្លិបSevilla កីឡាករGrzegorz Krychowiak នឹងធ្វើឱ្យក្រុមជម្រើសជាតិប៉ូឡូញមានសន្ទុះកាន់តែខ្លាំងមួយកម្រិតទៀត ។ អ្វីដែលគួរឱ្យចាប់អារម្មណ៍នោះគឺប៉ូឡូញមានសមត្ថភាពក្នុងការប្រកួតនានាក្នុងតំបន់របស់ខ្លួន ប៉ុន្តែប្រទេសនេះពុំសូវមានឱកាសបង្ហាញខ្លួនលើឆាកអន្តរជាតិប៉ុន្មានទេ ដោយបានឆ្លងត្រឹមវគ្គជម្រុះពូលប៉ុណ្ណោះ ។
គួរបញ្ជាក់ផងដែរថា ប៉ូឡូញធ្លាប់បានបំបាក់អាល្លឺម៉ង់ក្នុងវគ្គជម្រុះផងដែរក្នុងលទ្ធផល ២-០។
២-លទ្ធផលល្អ៖ នេះជាលើកទី២សម្រាប់ក្រុមជម្រើសជាតិប៉ូឡូញដែលបានជាប់ក្នុងវគ្គជម្រុះ។
៣-កីឡាករក្នុងចំណាប់អារម្មណ៍៖ កីឡាករ Robert Lewandowski ដែលបច្ចុប្បន្នជាខ្សែប្រយុទ្ធក្លិប Bayern ។ កីឡាកររូបនេះត្រូវបានគេទទួលស្គាល់ថាជាកីឡាករដ៏ឆ្នើមក្នុងពិភពលោក ដែលអាចរកបាន៣០គ្រាប់ក្នុង២៨ប្រកួតដំបូងនៃរដូវកាលនេះសម្រាប់ការលេងឱ្យក្លិប និងប្រទេសរបស់ខ្លួន ។
៤-គ្រូបង្វឹក៖ លោក Adam Nawalka ត្រូវបានតែងតាំងកាលពីខែតុលា ២០១៣។ គ្រូបង្វឹករូបនេះធ្លាប់បានចូលលេងឱ្យក្រុមជម្រើសជាតិប៉ូឡូញក្នុងព្រឹតិ្តការណ៍World Cup ១៩៧៨ ។
៥-បញ្ជីឈ្មោះសមាសភាពកីឡាករសរុប
(បណ្តោះអាសន្ន)៖
-អ្នកចាំទី៖ Artur Boruc (Bournemouth), Łukasz Fabiański (Swansea), Wojciech Szczęsny (Roma), Przemysław Tytoń (Stuttgart) ។
-ខ្សែការពារ៖ Jakub Wawrzyniak (Lechia Gdańsk), Łukasz Piszczek (Dortmund), Maciej Rybus (Terek Grozny), Kamil Glik (Torino), Artur Jędrzejczyk (Legia Warsaw), Michał Pazdan (Legia Warsaw), Bartosz Salamon (Cagliari), Igor Lewczuk (Legia Warsaw) ។
-ខ្សែបម្រើ៖ Jakub Błaszczykowski (Fiorentina), Tomasz Jodłowiec (Legia Warsaw), Kamil Grosicki (Rennes), Grzegorz Krychowiak (Sevilla), Piotr Zieliński (Empoli), Ariel Borysiuk (Legia Warsaw), Paweł Wszołek (Verona), Bartosz Kapustka (Cracovia), Filip Starzyński (Zagłębie Lubin) ។
-ខ្សែប្រយុទ្ធ៖ Robert Lewandowski (Captain)( Bayern), Arkadiusz Milik (Ajax), Łukasz Teodorczyk (Dynamo Kyiv) ៕
ចែករំលែកព័តមាននេះ