ខេត្តក្រចេះ ៖ ក្នុងការចុះជួបសំណេះសំណាល សួរសុខទុក្ខ និងនាំយកអំណោយប្រគល់ជូនលោកយាយលោកតាចំនួន៥០នាក់ ដែលមកពីភូមិបឹងគៀប និងភូមិព្រៃគោ ស្ថិតក្នុងឃុំដំរីផុង ស្រុកឆ្លូង ខេត្តក្រចេះ…
ខេត្តក្រចេះ ៖ ក្នុងការចុះជួបសំណេះសំណាល សួរសុខទុក្ខ និងនាំយកអំណោយប្រគល់ជូនលោកយាយលោកតាចំនួន៥០នាក់ ដែលមកពីភូមិបឹងគៀប និងភូមិព្រៃគោ ស្ថិតក្នុងឃុំដំរីផុង ស្រុកឆ្លូង ខេត្តក្រចេះ កាលថ្ងៃទី០៧ ខែធ្នូ ឆ្នាំ ២០២១ លោក វ៉ា ថន អភិបាលខេត្តក្រចេះ បានធ្វើការអំពាវនាវទៅដល់បងប្អូនប្រជាពលរដ្ឋ សូមប្រុងប្រយ័ត្ន និងថែរក្សាសុខភាពឱ្យបានល្អក្នុងរយៈពេលរដូវខែរងារនេះ ដើម្បីបន្ថែមការងារពារពីជម្ងឺកូវីដ-១៩ ដែលនេះជាកិច្ចចម្បងរបស់ប្រមុខរាជរារដ្ឋាភិបាល ក៏ដូចជាអាជ្ញាធរ ត្រូវតែគិតគូរនិងយកចិត្តទុកដាក់ចំពោះប្រជាពលរដ្ឋ ។
លោកបន្តថា ខែរងារបានចូលមកដល់ហើយ ដូច្នោះ សូមបងប្អូនប្រជាពលរដ្ឋ ពិសេស សមាជិកគ្រួសារដែលមានមនុស្សវ័យចាស់ សូមយកចិត្តទុកដាក់ចំពោះសុខភាពរបស់គាត់ ហើយត្រូវពាក់អាវណាក្រាស់ៗ ដើម្បីកុំឱ្យរងារ ។
ទន្ទឹមនឹងការយកចិត្តទុកដាក់ថែទាំសុខភាពក្នុងរដូវធ្លាក់ខ្យល់ខែរងានេះ បងប្អូនប្រជាពលរដ្ឋក៏ត្រូវតែប្រុងប្រយ័ត្នផងដែរចំពោះបញ្ហាភ្លើងទៀនធូបជាដើម ដែលអាចជាហានិភ័យភ្លើងឆេះផ្ទះបាន ដូច្នេះ មុនចេញពីផ្ទះត្រូវពិនិត្យមើលឱ្យបានច្បាស់នូវភ្លើងទៀន ធូប និងត្រូវភ្លើងអគ្គិសនី ដើម្បីធានាបាននូវទ្រព្យសម្បត្តិរបស់យើង ក៏ដូចជាទ្រព្យសម្បត្តិអ្នកជិតខាងយើងផង ។
ចែករំលែកព័តមាននេះ