ខេត្តកំពង់ឆ្នាំង ៖ ក្រោយពីសារព័ត៌មានកោះសន្តិភាព បានចេញផ្សាយពីទុក្ខលំបាករបស់ប្រជាពលរដ្ឋ រស់នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ដែលប្រកបរបរដាំស្ពៃ ត្រូវលិចលង់ដោយសារការលើកផ្លូវមិនដាក់ប្រព័ន្ធលូរួចមក នៅល្ងាចថ្ងៃទី០៦ ធ្នូ (ជាថ្ងៃកើតហេតុដដែល) អាជ្ញាធរក្រុងដោយទទួលបានបទបញ្ជាពីឯកឧត្តមអភិបាលខេត្ត ក៏បានចុះចំណាត់ការឲ្យក្រុមហ៊ុនកាយប្រឡាយរំដោះទឹករួចរាល់ហើយ ធ្វើឱ្យប្រជាពលរដ្ឋសប្បាយរីករាយក្រៃលែង ។ សូមរំលឹក៖ បន្លែស្ពៃត្រូវលិចលង់ដោយសារក្រុមហ៊ុនមួយ ពលរដ្ឋសុំមានការអន្តរាគមន៍ជួយផង
លោក ឈឿង ហួរ តំណាងឲ្យប្រជាពលរដ្ឋជាអ្នកដាំស្ពៃ ស្ថិតភូមិកោះក្របីបានថ្លែងអំណរគុណដល់ឯកឧត្តមអភិបាលខេត្ត អភិបាលក្រុង និងអ្នកសារព័ត៌មាន ដែលបានចុះផ្សាយពីទុក្ខលំបាករបស់ពួកគាត់ ដែលពេលនេះចំណាត់ការបានរួចរាល់ហើយ ដោយទឹកបានហូរស្រកផុតដំណាំស្ពៃរបស់ពួកគាត់ហើយ ។
សូមរំលឹកថា ក្រុមហ៊ុនមួយដែលទទួលបានសិទ្ធិវិនិយោគដីមួយកន្លែង នៅចំណុចភូមិកោះក្របី បានធ្វើផ្លូវបិទប្រព័ន្ធប្រឡាយបង្ហូរទឹកធ្វើឲ្យស្ទះចរន្តទឹកលិចលង់ស្ពៃរបស់ពួកគាត់ តែក្នុងមួយយប់អស់ជាច្រើនរង ។ ប៉ុន្តែពេលនេះបានដោះស្រាយរួចរាល់ហើយបន្ទាប់ពីសារព័ត៌មានបានធ្វើការចុះផ្សាយ ។
ចែករំលែកព័តមាននេះ