ខេត្តកំពង់ឆ្នាំង ៖ ប្រជាពលរដ្ឋរស់នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ដែលមានមុខរបរដាំស្ពៃជារៀងរាល់ឆ្នាំបានត្អូញត្អែរពីដំណាំស្ពៃរបស់ពួកគាត់ត្រូវបានលិចទឹក បន្ទាប់ពីក្រុមហ៊ុនមួយចាក់ដីធ្វើផ្លូវបិទប្រឡាយបង្ហូរទឹក។ លោក ឈឿង ហួរ…
ខេត្តកំពង់ឆ្នាំង ៖ ប្រជាពលរដ្ឋរស់នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ដែលមានមុខរបរដាំស្ពៃជារៀងរាល់ឆ្នាំបានត្អូញត្អែរពីដំណាំស្ពៃរបស់ពួកគាត់ត្រូវបានលិចទឹក បន្ទាប់ពីក្រុមហ៊ុនមួយចាក់ដីធ្វើផ្លូវបិទប្រឡាយបង្ហូរទឹក។
លោក ឈឿង ហួរ អាយុ៥៣ឆ្នាំ មានទីលំនៅភូមិកោះក្របី និងស្ត្រីឈ្មោះ ផា បានបញ្ជាក់ប្រាប់នៅព្រឹកថ្ងៃទី០៦ ធ្នូ នេះថា ជារៀងរាល់ឆ្នាំ ពួកគាត់បានដាំស្ពៃនៅទីនេះដើម្បីចិញ្ចឹមជីវិត ។ ហើយឆ្នាំនេះ ពួកគាត់បានជួលដីដាំស្ពៃដូចសព្វដង ។ ប៉ុន្តែយប់
មិញ (យប់ថ្ងៃទី៥ ធ្នូ) បន្ទាប់ពីមានក្រុមហ៊ុនមួយបានចាក់ដីធ្វើផ្លូវបិទប្រឡាយទឹកហូរចេញបណ្តាលឲ្យជន់លិចស្ពៃរបស់ពួកគាត់ខូចខាតតែម្តង។ ក្នុងរយៈពេលមួយយប់ប៉ុណ្ណោះ ស្ពៃរបស់ពួកគាត់បានលិចលង់អស់ជាច្រើនរង ។
ដូច្នេះ ពួកគាត់សំណូមពរដល់អាជ្ញាធរ ខេត្ត ក្រុង សូមមេត្តាជួយអន្តរាគមន៍ឲ្យក្រុមហ៊ុនខាងលើ ជួយដាក់ប្រព័ន្ធលូរំដោះទឹកចេញ ដើម្បីឲ្យពួកគាត់អាចដាំស្ពៃបានដូចសព្វដងផង។
ជុំវិញការធ្វើផ្លូវបិទប្រឡាយរំដោះទឹកនេះដែរ លោក បេ សារុំ អភិបាលរងក្រុងកំពង់ឆ្នាំងបានបញ្ជាក់ថា អាជ្ញាធរខេត្តបានឲ្យក្រុមហ៊ុនមួយធ្វើផ្លូវបេតុងប្រវែង៣គីឡូម៉ែត្រចូលទៅដី ដែលត្រៀមវិនិយោគធ្វើបុរីមួយកន្លែងនៅក្នុងភូមិកោះក្របី ដោយ អាជ្ញាធរខេត្តបានអនុញ្ញាតច្បាប់រួចហើយ ។
ទន្ទឹមនេះ លោកហ៊ីង ភ័ព្វមីនា អភិបាលរងក្រុងកំពង់ឆ្នាំងបានបញ្ជាក់ដែរថា លោកមិនបានដឹងរឿងហ្នឹងទេ ប៉ុន្តែលោកនឹងចុះអន្តរាគមន៍ ក្រោយពេលទទួលដំណឹងនេះ៕
ចែករំលែកព័តមាននេះ