រឿងផ្សេងពីអាមេរិក! នូវែលសេឡង់ នឹងមិនបញ្ជូនមន្រ្តីការទូតទៅព្រឹត្តិការណ៍អូឡាំពិកក្រុងប៉េកាំង
ទីក្រុងវែលលីងតុន ៖ ប្រទេសនូវែលសេឡង់ នឹងមិនបញ្ជូនមន្ត្រីការទូតខ្លួន ទៅចូលរួមព្រឹត្តិការណ៍អូឡាំពិករដូវរងាឆ្នាំ ២០២២ នៅ
ទីក្រុងវែលលីងតុន ៖ ប្រទេសនូវែលសេឡង់ នឹងមិនបញ្ជូនមន្ត្រីការទូតខ្លួន ទៅចូលរួមព្រឹត្តិការណ៍អូឡាំពិករដូវរងាឆ្នាំ ២០២២ នៅ
ទីក្រុងវែលលីងតុន ៖ ប្រទេសនូវែលសេឡង់ នឹងមិនបញ្ជូនមន្ត្រីការទូតខ្លួន ទៅចូលរួមព្រឹត្តិការណ៍អូឡាំពិករដូវរងាឆ្នាំ ២០២២ នៅទីក្រុងប៉េកាំង ប្រទេសចិន។ នេះបើតាមលោកឧបនាយករដ្ឋមន្ត្រី Grant Robertson ប្រកាសនៅថ្ងៃទី៧ ខែធ្នូ ឆ្នាំ ២០២១។
លោក Robertson បានប្រាប់ទូរទស្សន៍ New Zealand ថា «យើងបានបញ្ជាក់យ៉ាងច្បាស់ថា យើងនឹងមិនបញ្ជូលមន្ត្រីការទូតទៅទីនោះទេ។ យើងក៏បានបញ្ជាក់យ៉ាងច្បាស់ដល់ប្រទេសចិនផងដែរ។ ហើយកត្តាជាច្រើនពីក្រោយការសម្រេចចិត្តនេះ ភាគច្រើនទាក់ទងនឹងវិបត្តិជំងឺកូវីដ១៩ ដែលមិនអំណោយផលសម្រាប់ការធ្វើដំណើរ»។ គួររំលឹកថា ផ្លូវការ! អាមេរិកប្រកាសធ្វើពហិការ ការទូតព្រឹត្តិការណ៍អូឡាំពិកក្រុងប៉េកាំង
សូមជម្រាបថា កាលពីថ្ងៃទី៦ ខែធ្នូ ឆ្នាំ ២០២១ សហរដ្ឋអាមេរិកបានប្រកាសជាផ្លូវការ ធ្វើពហិការការទូតមិនចូលរួមព្រឹត្តិការណ៍អូឡាំពិកឆ្នាំក្រោយ ដោយសារការព្រួយបារម្ភអំពីឧក្រិដ្ឋកម្មប្រឆាំងមនុស្សជាតិ និងការរំលោ.ភសិទ្ធិមនុស្សធ្ងន់ធ្ងររបស់ចិន លើជនជាតិភាគតិចអ៊ុយហ្គឺ (Uighur) និងជនជាតិភាគតិចមូស្លីមផ្សេងទៀតនៅតំបន់ស៊ីនជាំង។
ទោះយ៉ាងណា ការសម្រេចចិត្តរបស់សហរដ្ឋអាមេរិក និងនូវែលសេឡង់ នឹងប៉ះពាល់ដល់ការបញ្ជូនអត្តពលិករបស់ខ្លួន ទៅចូលរួមការប្រកួតដណ្តើមមេដាយព្រឹត្តិការណ៍នោះឡើយ។
បើទោះជានូវែលសេឡង់ សម្រេចមិនបញ្ជូនមន្ត្រីការទូតខ្លួនទៅចូលរួម ក្រោមហេតុផលវិបត្តិកូវីដ១៩ យ៉ាងណាក៏ដោយ ប៉ុន្តែលោក Grant Robertson បានលើកឡើងថា នូវែលសេឡង់ក៏ធ្លាប់បានបញ្ជាក់យ៉ាងច្បាស់ដល់ប្រទេសចិន នៅក្នុងឱកាសជាច្រើនកន្លងមក អំពីកង្វល់របស់ខ្លួនអំពីបញ្ហាសិទ្ធិមនុស្សផងដែរ៕ ដកស្រង់ចេញពី (The Straits Times)
ចែករំលែកព័តមាននេះ