ខេត្តបន្ទាយមានជ័យ ៖ ដីតំបន់បីខេត្តបន្ទាយមានជ័យមានចំនួន១២.២៩៧ហិកតា ក្នុងនោះបានរកឃើញអ្នកទន្ទ្រានចំនួន៤៣៩នាក់ដែលកាន់កាប់យកដីចំនួន៥.៣៥០ហិកតា ហើយសម្រាប់អ្នកដែលរុករាននោះត្រូវតែដាំឫស្សីផ្អែមឡើងវិញ ។ នេះជាប្រសាសន៍របស់ឯកឧត្តម ជា សុផារ៉ា ឧបនាយករដ្ឋមន្ត្រី ដែលបានលើកឡើងក្នុងកិច្ចប្រជុំមួយ កាលពីរសៀលថ្ងៃទី០៦ ធ្នូ ឆ្នាំ២០២១ ស្ថិតនៅសាលប្រជុំសាលាខេត្តបន្ទាយមានជ័យ ។
ឯកឧត្តមជា សុផារ៉ា បានបញ្ជាក់ទៀតថា ដីព្រៃលិចទឹកតំបន់៣ភូមិសាស្ត្រខេត្តបន្ទាយមានជ័យ បានរកឃើញមានការទន្ទ្រានកាន់កាប់ត្រូវដកហូតជាសម្បត្តិរដ្ឋវិញឱ្យអស់ ហើយត្រូវពង្រឹងការបង្ក្រាបទប់ស្កាត់ការរុករានទន្ទ្រានដីព្រៃលិចទឹកអោយបានមិនអោយរំលោភបំពានបន្តទៀត ។ បើរកឃើញប្រជាពលរដ្ឋណាអាស្រ័យផលស្រូវជិតទុំនោះ បន្តអោយគាត់ប្រមូលផល ហើយធ្វើកិច្ចសន្យាអោយបញ្ឈប់សកម្មភាពបន្ត និងព្រៃលិចទឹក ដែលត្រូវបានជនណាទន្ទ្រានកាន់កាប់ ត្រូវដាំឫស្សីផ្អែមឡើងវិញ ហើយអាជ្ញាធរនិងមន្ត្រីជំនាញត្រូវត្រូវពិនិត្យនិងបោះបង្គោលឡើងវិញ តាមគោលដៅចាស់ហើយត្រូវលើកប៉ាណូអប់រំណែនាំអោយបញ្ឈប់សកម្មភាពរុករានទន្ទ្រានព្រៃលិចទឹកតំបន់បន្តទៀត ត្រូវចូលរួមទាំងអស់គ្នាការពារព្រៃលិចទឹកដែនជម្រោកមច្ឆាជាតិ ។
ឯកឧត្តម អ៊ុ រាត្រី អភិបាលខេត្តបន្ទាយមានជ័យក៏បានរាយការណ៍ថា រាជរដ្ឋាភិបាលបានចេញអនុក្រិត្យលេខ១៩៧បានកំណត់បង្កើតដែលព្រៃលិចទឹកតំបន់៣ខេត្ត ជាប់បឹងទន្លេសាបខេត្តបន្ទាយមានជ័យ បានដីតំបន់៣មានទំហំ១២.២៧៩ហិកតា ក្នុងស្រុកចំនួន២ មានស្រុកព្រៈនេត្រព្រៈ មានចំនួន៣៤ចំណុច និងស្រុកមង្គលបូរី មានចំនួន១៤ចំណុច ដែលស្រាវជ្រាវបឋមដោយមន្ត្រីកសិកម្មរុក្ខាប្រមាញ់ និងនេសាទខេត្ត រកឃើញការទន្ទ្រានដីព្រៃតំបន់៣ មានចំនួន១១ទីតាំង ស្មើផ្ទៃដីប្រមាណ៥.៣៥០ហិកតា ស្ថិតក្នុងឃុំចំនួន២ស្រុកព្រៈនេត្រព្រៈ មាន១.ឃុំប្រាសាទបានទន្ទ្រានកាន់កាប់ដីតំបន់បីចំនួន៣ទីតាំង ស្មើ៦៥០ហិកតា ក្នុងនោះមានត្រង់ចំណុចបឹងអាល្បងប្រហែល១០០ហិកតា ចំណុចបឹងសំបុកសត្វប្រហែល៥០០ហិកតា ចំណុចបឹងជ្រោងប្រហែល៥០
ហិកតា ។ ស្ថិតនៅឃុំភ្នំលៀបបានទន្ទ្រានកាន់កាប់ដីក្នុងតំបន់៣ចំនួន៨ទីតាំង ស្មើ៤.៧០០ហិកតា ក្នុងនោះ មានចំណុចបឹងក្ងានប្រហែល៥០០ហិកតា បឹងក្ងានកើតប្រហែល៥០០ហិកតា ចំណុចក្រៅអាងតាម៉ាក់ប្រហែល១.០៧០ហិកតា ចំណុចក្រៅអាង លី សំអាន ប្រហែល១.២៥០ហិកតា ចំណុចក្រៅអាងតាស៊ុនប្រហែល៧០០ហិកតា ចំណុចកៀនស្បូវដល់ក្រពើស្គមប្រហែល៤៧០ហិកតា ចំណុចក្របៅប្រហែល៣០០ហិការ។
ឯកឧត្តមបានបញ្ជាក់ថា ក្រោយបទបញ្ជាសម្តេចតេជោ ហ៊ុន សែន នាយករដ្ឋមន្ត្រីនៃព្រៈរាជាណាចក្រកម្ពុជា ក្រុមការងារចម្រុះស្រាវជ្រាវកម្លាំងចម្រុះចុះអនុវត្តការងារគោលដៅទាំង៣ក្នុងភូមិសាស្គ្រស្រុកព្រៈនេត្រព្រៈមានការរំលោភចូលអាស្រ័យផលពីប្រជាពលរដ្ឋចំនួន៤៣៩នាក់អស់ផ្ទៃដីប្រហែល៧.៨៣៤ហិកតា ក្នុងនោះមានប្រជាពលរដ្ឋមូលដ្ឋានចំនួន៤១៩នាក់ស្មើផ្ទៃដីប្រហែល៣.៦០៨ហិកតា ប្រជាពលរដ្ឋក្រៅស្រុកចំនួន២០នាក់ស្មើផ្ទៃដីប្រហែល៣៣២ហិកតា។
ក្រុមការងារថ្នាក់ជាតិ និងខេត្តបានស្វែងរកផ្ទៀងផ្ទាត់បង្គោលព្រំតំបន់៣ ក្នុងភូមិសាស្ត្រខេត្តបន្ទាយមានជ័យ ចំនួន២៦បង្គោល បង្គោលរកឃើញរក្សាទ្រង់ទ្រាយដើម មានចំនួន៨បង្គោល បង្គោលដែលរកឃើញសដួលទ្រេតរំលំចំនួន៣បង្គោល បង្គោលដែលបាត់១០បង្គោល តែបន្សល់ទុកស្នាក់ស្នាមខ្លៈ បង្គោលមិនអាចចូលដល់ទីតាំងមាន២បង្គោលរកឃើញផ្ទៃដីតំបន់៣ជាក់ស្តែងមានចំនួន១២.២៦២ហិកតា (ការលំអៀងថយចុះ៣៦ហិកតា ។
ចែករំលែកព័តមាននេះ