អ្នកដែលធ្លាប់ធ្វើល្អ រមែងទទួលបានផលល្អ, អ្នកដែលធ្លាប់ធ្វើអាក្រក់រមែងទទួលបានផលអាក្រក់ ដោយហេតុថាសព្វសត្វទាំងអស់ប្រព្រឹត្តទៅតាមកម្ម ដែលបានតាក់តែងពួកគេរៀងៗខ្លួន ។ ផលកម្ម និងវាសនា របស់ពួកគេខុសគ្នា ព្រោះតែគេបានធ្វើកម្មផ្សេងៗគ្នា ។
លក្ខណៈដែលកម្មកើតឡើងយ៉ាងដូចម្តេច និងលក្ខណៈនៃកម្មឱ្យផលយ៉ាងដូចម្តេចនោះត្រូវបានកំណត់ដោយច្បាប់កម្ម ។ ដោយមានជំនួយពីច្បាប់កម្ម យើងអាចពន្យល់ហេតុផលខុសគ្នាតាមផលកម្ម និងវាសនារបស់មនុស្ស ព្រមទាំងបញ្ហាជីវិតជាច្រើនផងដែរ ។
ច្បាប់កម្ម គឺមិនត្រូវបានត្រួតត្រាដោយអាទិទេពដែលមានអំណាចណាមួយឡើយ ។ វាជាច្បាប់ធម្មជាតិ ដែលដំណើរការទៅតាមហេតុរបស់វាផ្ទាល់ ។ វាមិនបានគាំទ្រឬលម្អៀងដល់អ្នកមាន ឬអ្នកក្រទេ ។ អ្នកធ្វើនឹងបានទៅកាន់សុគតិភព ឯអ្នកប្រព្រឹត្តអាក្រក់នឹងកាន់អបាយភូមិ នេះជាសត្យានុមតិរបស់ច្បាប់កម្មផល ៕ សាន សារិន
ចែករំលែកព័តមាននេះ