កំពូលហោរចិនសែបានធ្វើការបកស្រាយពីជោគជតារាសីនៃឆ្នាំទាំង១២ក្នុងនោះឆ្នាំ មមែ ច រោង ឆ្លូវ ថោះ ជួបលាភសំណាង ង៉ូវហេងខ្លាំង ដោយហេតុថាឆ្នាំទាំងនេះប្រាកដណាស់ជាអ្នកមានលុយវាល់លាន មានសំណាងធំ…
កំពូលហោរចិនសែបានធ្វើការបកស្រាយពីជោគជតារាសីនៃឆ្នាំទាំង១២ក្នុងនោះឆ្នាំ មមែ ច រោង ឆ្លូវ ថោះ ជួបលាភសំណាង ង៉ូវហេងខ្លាំង ដោយហេតុថាឆ្នាំទាំងនេះប្រាកដណាស់ជាអ្នកមានលុយវាល់លាន មានសំណាងធំ មាស ប្រាក់ កែវកង ទ្រព្យសម្បត្តិ ឋានៈ បុណ្យស័ក្តិឧដុង្គឧត្តម ក៏ដូចជាសុភមង្គលមហាប្រសើរ ដែលតម្រូវឲ្យលោកអ្នកបួងសួង សុំលាភសក្ការៈឥឡូវនេះ ។
ទេវតានឹងប្រទានពរជ័យលាភសំណាងដល់លោកអ្នកដែលមានចិត្តស្មោះត្រង់ មានសន្តានចិត្តល្អ ចេះធ្វើបុណ្យបំពេញទានដល់អ្នកដទៃ ។ ជាក់ស្តែងអ្នកកើតឆ្នាំទាំង៥នេះដែលមាននិស្ស័យនឹងទេវតាទ្រព្យ មានបុគ្គលិកលក្ខណៈជាមនុស្សមានវាសនាល្អគួរទទួលកំណប់ទ្រព្យគាប់ប្រសើរពេញមួយជីវិតរបស់ពួកគេក្នុងជាតិនេះហើយ លេខនាំហេង ២៥៨ ពណ៌នាំសំណាង ខៀវ មាន និងបៃតង មានលាភមានជ័យជុំសិរីសួស្តី ។
ឆ្នាំមមែ រាសីឡើងខ្ពស់ត្រដែតមានតែភាពស្រស់ស្រាយនិងស្នាមញញឹមជានិច្ច ។ ពេញមួយជីវិតនេះជាអ្នកបរិបូណ៌ទ្រព្យធន ទោះជាលោកអ្នកធ្វើកិច្ចការអ្វីរមែងហុចផ្លែផ្កាតបមកវិញយ៉ាងគាប់ប្រសើរ ។ បើជាអ្នកប្រកបរបររកស៊ីជួញដូរវិញទោះចេញធ្វើជំនួញទីជិតទីឆ្ងាយមានការលូតលាស់ទៅមុខជានិច្ចឯផលកម្រៃទៀតសោតក៏ចូលមកយ៉ាងក្រាស់ក្រៃគួរជាទីគាប់ចិត្ត ។ ការធ្វើដំណើរទៅទីជិតឆ្ងាយជួបតែសុខក្សេមក្សាន្តទាំងពេលទៅនិងត្រឡប់មកវិញ។ ចំពោះសម្ព័ន្ធភាពស្នេហាប្រុសស្រីមានតែការយល់ចិត្តគ្នាល្អណាស់
ឆ្នាំច ទោះបីជាសុនខមានរូបរាងមិនសូវធំក៏ពិតមែនតែពោរពេញទៅដោយភាពឆ្លាតវៃប្រៀបបាននឹងអ្នកសព្វថ្ងៃនេះ ។ តាមជោគវាសនារបស់អ្នកបានចារមកថាពេញមួយជីវិតនេះអ្នកនឹងត្រូវមានជីវភាពធូរធារខ្លាំងគឺមិនដែលស្គាល់ពាក្យថាខ្វះខាតឡើយ ពិសេសការរកស៊ីរកប្រាក់ ឬអាជីវកម្មការងាររបស់អ្នកនឹងមានភាពរីកចម្រើនពីតូចទៅធំ ធំឡើងៗរហូតលុយក្នុងឃ្លាំងពេញហូរហៀរ ។
ឆ្នាំរោង ពេញមួយជីវិតនេះរាសីរបស់អ្នកឡើងខ្ពស់ត្រដែត ជាអ្នកមានលាភមានជ័យមានលុយសម្បូរហូរហៀរមិនដែលស្គាល់ពាក្យថាខ្វះចាយសោះឡើយ ។ ចំណែកអ្នកដែលចង់ធ្វើជំនួញ បើចង់ធ្វើការដាក់ទុនរកស៊ីឬចរចារឿងសំខាន់អ្វីក៏ដោយរមែងទទួលផលល្អជានិច្ចបានផ្លែផ្កាតបមកវិញយ៉ាងគាប់ប្រសើរ ។ រីឯសម្ព័ន្ធភាពស្នេហាគូស្វាមីភរិយាមានតែភាពស្រស់ស្រាយ និងផ្អែមល្ហែមរកគ្នាប្រពៃណាស់ ។
ឆ្នាំជូត ជីវិតការងាររបស់អ្នកពិតជាមានភាពល្អប្រសើរខ្លាំងបំផុតពេញមួយជីវិតនេះពិសេសនឹងក្លាយជាអ្នកដឹកនាំគេមិនខាន ។ រាល់បញ្ហាទាំងឡាយទាំងពួងនឹងត្រូវរលាយផុតរលត់បាត់ពីជីវិតរបស់អ្នកដោយមានការប្រទានលាភជ័យពីទេវតាទ្រព្យ ធ្វើឱ្យជីវិតអ្នកពោរពេញដោយសេចក្តីសុខនិងសុភមង្គលអស់មួយជីវិត ។
ឆ្នាំថោះ កំពូលហោរប្រាប់ថា ពេញមួយជីវិតនេះនឹងមានមនុស្សល្អម្នាក់ចូលមកក្នុងជីវិតអ្នកដើម្បីជួយជ្រោមជ្រែងនិងកែតម្រូវជីវិតអ្នកឱ្យកាន់តែមានភាពល្អប្រសើរពោរពេញដោយសុខសុភមង្គលដោយគំនរទ្រព្យធន ។ មានឱកាសបង្កើនសម្ថភាពខ្លួនឯងឱ្យល្អប្រសើរជាងមុនបានយ៉ាងពិតប្រាកដ ពិសេសមានមនុស្សមិនច្រើនឡើយដែលអាចធ្វើបានដូចអ្នកបាន ដូចនេះត្រូវចេះក្តោបក្តាប់ឱកាសនេះឱ្យបានល្អ អ្នកនឹងសម្បូរលុយដូចសេដ្ឋីរយលាន ៕ សាន សារិន
ចែករំលែកព័តមាននេះ