ឆេះសំណង់មិនរៀបរយអស់១២ខ្នង និងរាលដាលដល់ផ្ទះសមាគមតម្បាញអស់១ខ្នងធំទៀត
- ភ្នំពេញ
រាជធានីភ្នំពេញ ៖ ផ្ទះសមាគមតម្បាញមួយខ្នងធំ រួមទាំងសំណង់មិនរៀបរយចំនួន១២ខ្នង ត្រូវបានអគ្គីភ័យឆាបឆេះយ៉ាងសន្ធៅ
រាជធានីភ្នំពេញ ៖ ផ្ទះសមាគមតម្បាញមួយខ្នងធំ រួមទាំងសំណង់មិនរៀបរយចំនួន១២ខ្នង ត្រូវបានអគ្គីភ័យឆាបឆេះយ៉ាងសន្ធៅ
រាជធានីភ្នំពេញ ៖ ផ្ទះសមាគមតម្បាញមួយខ្នងធំ រួមទាំងសំណង់មិនរៀបរយចំនួន១២ខ្នង ត្រូវបានអគ្គីភ័យឆាបឆេះយ៉ាងសន្ធៅសន្ធៅអស់គ្មានសល់ ខណៈពេលដែលអ្នករស់នៅសំណង់មិនរៀបរយដុតទៀនទុកចោល។
អគ្គីភ័យខាងលើបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី៥ ខែធ្នូ ឆ្នាំ២០២១ នៅជាមណ្ឌលសុខភាពគីឡូម៉ែត្រលេខ៩ ស្ថិតនៅតាមបណ្តាយផ្លូវជាតិលេខ៥ ភូមិ៥ ក្រុម៤ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
តាមព័ត៌មានអោយដឹងថា នៅមុនពេលកើតហេតុ គេឃើញភ្លើងបានឆាបឆេះចេញពីសំណង់មិនរៀបរយសង់ជាខ្ទមៗនៅតាមដងផ្លូវចូលយ៉ាងសន្ធោសន្ធៅ និងបានឆេះរាលដាលយ៉ាងរហ័សទៅផ្ទះសមាគមតម្បាញដែលស្ថិតនៅជាន់ទី១ នៅក្បែរនោះ ។ ភ្លាមៗនោះ នគរបាលក៍បានចុះទៅអន្តរាគមន៍ទាក់ទងរថយន្តពន្លត់អគ្គីភ័យទៅអន្តរាគមន៍ ។
តាមនគរបាលការិយាល័យបង្ការពន្លត់អគ្គីភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញបានអោយដឹងថា នៅក្នុងហេតុការណ៍ រថយន្តពន្លត់អគ្គីភ័យចំនួន១៤គ្រឿង បានទៅអន្តរាគមន៍បាញ់ពន្លត់ហើយ ភ្លើងបានរលត់ទៅវិញនៅវេលាម៉ោងប្រមាណ៨និង៣០នាទីព្រឹកថ្ងៃដដែល។
តាមនគរបាលអោយដឹងទៀតថា ផ្ទះខ្ទមសំណង់មិនរៀបរយចំនួន១២ខ្នង ត្រូវភ្លើងឆេះបំផ្លាញទាំងស្រុង ហើយបានឆេះរាលដាលទៅផ្ទះសមាគមតម្បាញ១ខ្នង ធ្វើពីឈើលើថ្មក្រោម ទំហំ ប្រវែង១៥ម៉ែត្រ គុណ១៥ម៉ែត្រ មានម្ចាស់ ឈ្មោះចាន់ សារីម ភេទស្រី អាយុ ៦១ឆ្នាំ មុខរបរគ្រូតំម្បាញ ។
ផ្ទះសិប្បកម្មសូត្រតម្បាញនិងហូល រួមមានសម្ភារៈ កុំព្យូទ័រចំនួន ៣គ្រឿង, ទូរទឹកកកចំនួន ១គ្រឿង, លុយចំនួន២លានរៀល និងលុយដុល្លារចំនួន១០០០ដុល្លារត្រូវភ្លើងឆេះរងការខូចខាតទាំងស្រុង ។ ទោះបីជាយ៉ាងណា ផ្ទះដើមហេតុ សមត្ថកិច្ចពុំបានស្គាល់អត្តសញ្ញាណម្ចាស់ឡើយ ដោយរត់គេចខ្លួនបាត់ ៕
ចែករំលែកព័តមាននេះ