រន្ធ.ត់ណាស់! គ្រូបង្វឹកម្នាក់បាត់បង់ជីវិត ក្រោយអបអរគ្រាប់ជ័យជម្នះក្រុមនៅចុងម៉ោង
អេហ្ស៊ីប ៖ ជារឿងដ៏សោកស្តាយ និងភ្ញាក់ផ្អើលបំផុតមួយ បន្ទាប់ពីលោក Adham El-Selhadar គ្រូបង្វឹកក្រុមបាល់ទាត់ El Magd
អេហ្ស៊ីប ៖ ជារឿងដ៏សោកស្តាយ និងភ្ញាក់ផ្អើលបំផុតមួយ បន្ទាប់ពីលោក Adham El-Selhadar គ្រូបង្វឹកក្រុមបាល់ទាត់ El Magd
អេហ្ស៊ីប ៖ ជារឿងដ៏សោកស្តាយ និងភ្ញាក់ផ្អើលបំផុតមួយ បន្ទាប់ពីលោក Adham El-Selhadar គ្រូបង្វឹកក្រុមបាល់ទាត់ El Magd នៅលីគលំដាប់ទី២ ប្រទេសអេហ្ស៊ីប ដែលបានបាត់បង់ជីវិតដោយសារជំងឺគាំងបេះដូង ក្រោយអបអរគ្រាប់បាល់ជ័យជម្នះក្រុមរបស់លោក នៅចុងម៉ោង (នាទី៩០+២) នៃការប្រកួត។ នេះបើតាមការចេញផ្សាយពី Goal.com កាលពីថ្ងៃទី៤ ខែធ្នូ។
គ្រូបង្វឹកវ័យ៥៣ឆ្នាំរូបនេះ បានគាំងបេះដូងភ្លាមៗនៅទីលានប្រកួត បន្ទាប់ពីអបអរគ្រាប់បាល់ជ័យជម្នះរបស់ក្រុមលោក ទល់នឹងក្រុម El Zarqa ដោយលទ្ធផល ១-០ កាលពីថ្ងៃទី២ ខែធ្នូ កន្លងទៅ។ លោក El-Selhadar ត្រូវបានបញ្ជូនទៅកាន់មន្ទីរពេទ្យភា្លមៗ ប៉ុន្តែជាអកុសលក្រុមគ្រូពេទ្យមិនអាចសង្គ្រោះជីវិតលោកបានឡើយ។
ដំណឹងមរណៈភាពលោក El-Selhadar បង្កជាការភ្ញាក់ផ្អើលយ៉ាងខ្លាំង ខណៈក្លិបនៅលីគកំពូលអេហ្ស៊ីប Al Ahly SC និង Ismaily SC បានសម្តែងការសោកស្តាយ និងចូលរួមរំលែកទុក្ខដល់ក្រុមគ្រួសារនៃស.ព។
ក្លិប El Magd ក៏បានប្រកាសកាន់ទុក្ខរយៈពេល៦ថ្ងៃ ខណៈការប្រកួតបន្ទាប់របស់ពួកគេជាមួយនឹងក្រុម Pioneers FC ក៏ត្រូវបានផ្អាកជាផ្លូវការផងដែរ។
សូមជម្រាបជូនថា លោក Adham El-Selhadar រីករាយជាមួយអាជីពក្នុងនាមជាកីឡាករ ដោយជោគជ័យក្នុងការឈ្នះពានរង្វាន់ Eygptian Premier League និង Eygptian Cup ជាមួយក្លិប Ismaily SC ។ ខណៈសម្រាប់អាជីពជាគ្រូបង្វឹកវិញ លោកគឺបុគ្គលមួយរូប ដែលទទួលបានការកោតសរសើរ និងគោរពយ៉ាងខ្លាំងពីសំណាក់ប្រជាជនអេហ្ស៊ីប ៕
ចែករំលែកព័តមាននេះ