ខេត្តព្រៃវែង ៖ រដ្ឋបាលខេត្តព្រៃវែងបានប្រកាសនៅយប់ថ្ងៃទី០៤ ខែធ្នូនេះថា ផ្អាកបណ្តោះអាសន្ននូវការធ្វើចរាចរណ៍យានយន្តគ្រប់ប្រភេទលើកំណត់ផ្លូវជាតិលេខ១១ (ចាប់ពីម៉ោង ២៣:២៥នាទី ថ្ងៃទី០៥ ខែធ្នូ ឆ្នាំ២០២១…
ខេត្តព្រៃវែង ៖ រដ្ឋបាលខេត្តព្រៃវែងបានប្រកាសនៅយប់ថ្ងៃទី០៤ ខែធ្នូនេះថា ផ្អាកបណ្តោះអាសន្ននូវការធ្វើចរាចរណ៍យានយន្តគ្រប់ប្រភេទលើកំណត់ផ្លូវជាតិលេខ១១ (ចាប់ពីម៉ោង ២៣:២៥នាទី ថ្ងៃទី០៥ ខែធ្នូ ឆ្នាំ២០២១ រហូតដល់ម៉ោង១២:០០នាទី ថ្ងៃទី០៦ ខែធ្នូ ឆ្នាំ២០២១ ) ។
រដ្ឋបាលខេត្តព្រៃវែង សូមជម្រាបជូនដំណឹងដល់បងប្អូនប្រជាពលរដ្ឋ និងសាធារណៈជន មេត្តាជ្រាបថា ក្រសួងសាធារណការ និងដឹកជញ្ជូនសហការជាមួយរដ្ឋបាលខេត្តព្រៃវែងនឹងរៀបចំពិធីសម្ពោធដាក់ឲ្យប្រើប្រាស់ផ្លូវជាផ្លូវការផ្លូវជាតិលេខ១១(អ្នកលឿង-ថ្នល់ទទឹង) នាថ្ងៃទី០៦ ខែធ្នូ ឆ្នាំ២០២១ នៅភូមិបារាយណ៍កើត សង្កាត់បារាយណ៍ ក្រុងព្រៃវែង ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ដើម្បីបញ្ចៀសការកកស្ទះ និងសម្រួលដល់ការធ្វើចរាចរណ៍របស់ថ្នាក់ដឹកនាំ ក៏ដូចជា បងប្អូនប្រជាពលរដ្ឋ ដែលអញ្ជើញចូលរួមពិធី រដ្ឋបាលខេត្តព្រៃវែង សូមធ្វើការផ្អាកចរាចរណ៍បណ្តោះអាសន្ន ចំពោះយានយន្តគ្រប់ប្រភេទ ដែលឆ្លងកាត់លើកកំណាត់ផ្លូវជាតិលេខ១១ នៅចំណុចទីតាំងដូចខាងក្រោម ៖
១-ចំណុចរង្វង់មូលកែងស្នេហ៍ ស្ថិតភូមិព្រៃកណ្តៀង ឃុំព្រែកណ្ដៀង ស្រុកពាមរក៍
២-ចំណុចច្រមុះជ្រូកនាគព័ន្ធ ភូមិបារាយណ៍កើត សង្កាត់បារាយណ៍ ក្រុងព្រៃវែង
៣-ចំណុចរង្វង់មូលភគ្គនេស្ស ភូមិភ្លយ សង្កាត់តាកោ ក្រុងព្រៃវែង ៕
ចែករំលែកព័តមាននេះ