យន្តហោះចិន៣គ្រឿងឈ្លានពានដែនអាកាសរបស់កោះតៃវ៉ាន់
តៃវ៉ាន់ ៖ យន្តហោះយោធាចិនចំនួន ៣គ្រឿងបានហោះឈ្លានពានចូលតំបន់ការពារដែនអាកាសរបស់តៃវ៉ាន់កាលពីថ្ងៃព្រហស្បតិ៍
តៃវ៉ាន់ ៖ យន្តហោះយោធាចិនចំនួន ៣គ្រឿងបានហោះឈ្លានពានចូលតំបន់ការពារដែនអាកាសរបស់តៃវ៉ាន់កាលពីថ្ងៃព្រហស្បតិ៍ ដែលនេះជាការលុកលុយចូលលើកទី ២ក្នុងខែធ្នូនេះ។
ក្រសួងការពារជាតិតៃវ៉ាន់បាននិយាយថា យន្តហោះចំបាំងប្រភេទ Chengdu J-10 ចំនួន ២គ្រឿងរបស់កងទ័ពរំដោះប្រជាជនចិន និងយន្តហោះប្រឆាំងនាវាមុជទឹកប្រភេទ Shaanxi Y-8 មួយគ្រឿង បានហោះចូលដែនអាកាសរបស់តៃវ៉ាន់នៅភាគនិរតី។
កោះតៃវ៉ាន់បានធ្វើការឆ្លើយតប ដោយបានបញ្ជូនយន្តហោះចម្បាំងខ្លួនចេញ ចេញការព្រមានតាមវិទ្យុទាក់ទង និងដាក់ពង្រាយប្រព័ន្ធមីស៊ីលការពារដើម្បីត្រួតពិនិត្យយន្តហោះរបស់ចិន។
ការឈ្លានពានរបស់ចិនកាលពីថ្ងៃព្រហស្បតិ៍គឺជាការឈ្លានពានទី ២៩ថ្ងៃជាប់គ្នាចូលក្នុងដែនអាកាសរបស់តៃវ៉ាន់ ពីសំណាក់មហាយក្សចិន។
ចាប់តាំងពីខែកញ្ញា ឆ្នាំមុនមក ចិនបានបង្កើនការប្រើប្រាស់យុទ្ធសាស្ត្រតំបន់ប្រផេះដោយធ្វើការបញ្ជូនយន្តហោះចូលក្នុងដែនអាកាសរបស់តៃវ៉ាន់ជាប្រចាំ ដែលការឈ្លានពាននោះភាគច្រើនកើតឡើងនៅភាគនិរតីនៃតំបន់អាកាសរបស់ខ្លួន។
ចិនតែងចាត់ទុកកោះតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនៅពេលអនាគត ប៉ុន្តែមេដឹកនាំតៃវ៉ាន់ បានប្រកាសធ្វើអ្វីៗគ្រប់យ៉ាងដើម្បីការពារសេរីភាព និងប្រជាជនរបស់ខ្លួន។
តៃវ៉ាន់បានផ្តាច់ចេញពីចិននៅក្នុងឆ្នាំ ១៩៤៩ បន្ទាប់ពីមានសង្គ្រាមស៊ីវិល៕ (យោងតាមប្រភព៖ Taiwan News)
ចែករំលែកព័តមាននេះ