ក្រោយឈ្នះមេដាយពិភពលោក កីឡាការិនី អ៊ុក ស្រីមុំ ត្រូវគេចាត់ទុកថាអាចស្នងអ្នកស្រី កែ ឡេង
- ភ្នំពេញ
រាជធានីភ្នំពេញ ៖ ថ្វីតែទើបតែឈ្នះមេដាយពិភពលោកជាប្រវត្តិសាស្ត្រលើកមុខអោយកម្ពុជា បន្ទាប់ពីអ្នកស្រី កែ ឡេង បានចូល
រាជធានីភ្នំពេញ ៖ ថ្វីតែទើបតែឈ្នះមេដាយពិភពលោកជាប្រវត្តិសាស្ត្រលើកមុខអោយកម្ពុជា បន្ទាប់ពីអ្នកស្រី កែ ឡេង បានចូល
រាជធានីភ្នំពេញ ៖ ថ្វីតែទើបតែឈ្នះមេដាយពិភពលោកជាប្រវត្តិសាស្ត្រលើកមុខអោយកម្ពុជា បន្ទាប់ពីអ្នកស្រី កែ ឡេង បានចូលនិវត្តន៍ តែគេសុទ្ធតែមើលឃើញគ្រប់គ្នាថា កីឡាការិនី អ៊ុក ស្រីមុំ កំពុងស្នងតំណែងអ្នកស្រី កែ ឡេង ហើយបើទោះជាមេដាយពិភពលោកលើកនេះ គឺទើបតែដណ្ដើមបានលើកដំបូង ដែលអាចនិយាយបានថា មិនទាន់ស្មើនឹងនឹងស្នាដៃដែល អ្នកស្រី កែ ឡេង ធ្លាប់ដណ្ដើមបាន តែច្បាស់ណាស់ថា គឺក្នុងពេលបន្តបន្ទាប់ អ្នកស្រី នឹងមានឱកាសដណ្ដើមបានបន្តបន្ទាប់ ស្របពេលដែលអ្នកស្រី អ៊ុក ស្រីមុំ ក៏មានសមត្ថភាពខ្ពស់ និងតិចនិកខ្លាំង ដែលមិនអាចអោយកីឡាករកីឡាការិនីបរទេសមើលស្រាលបានឡើយ ។
ការយល់ឃើញបែបនេះ មិនមែនតែម្នាក់ ឬ គ្រាន់តែជាការយល់ឃើញរបស់មហាជននោះទេ តែសូម្បីតែថ្នាក់ដឹកនាំកីឡាក៏យល់ស្របផងដែរ ថាសហព័ន្ធកីឡាប៉េតង់ និងប៊ូល គឺមានកីឡាការិនី អ៊ុក ស្រីមុំ ជាអ្នកអាចជំនួសអ្នកស្រី កែ ឡេង បាន។ ការយល់ឃើញត្រូវបានគេឮតាំងពីអ្នកស្រី អ៊ុក ស្រីមុំ ត្រូវបាន ប្រកាសថាយកឈ្នះកីឡាការិនីកាណាដានៅវគ្គ ១/៤ ក្នុងលទ្ធផល២៩ ទល់២ និងបន្តឈ្នះកីឡាការិនីន័រវេស នៅវគ្គពាក់កណ្តាលផ្តាច់ព្រ័ត្រ ក្នុងលទ្ធផល២៥ ទល់១៨ និងបានយកឈ្នះក្នុងវគ្គផ្តាច់ព្រ័ត្រលើកីឡាការិនី ថៃ ក្នុងលទ្ធផល៣៧ ទល់២៩ នោះឯណោះ ដោយសារតែកីឡាការិនីថៃ ដែលចាញ់អ្នកស្រី គឺជាម្ចាស់មេដាយពិភពលោកល្បីឈ្មោះមួយរូបដែរ។
ជ័យជំនះនេះ បានធ្វើឲ្យកីឡាការិនី អ៊ុក ស្រីមុំ ក្លាយជាកីឡាការិនីទី២របស់កម្ពុជា ដែលរកបានមេដាយមាស៥ជំនាន់ជាប់ៗគ្នា បន្ទាប់ពីវីរកីឡាការិនី កែ ឡេង ឈ្នះក្នុងឆ្នាំ២០១៣, ឆ្នាំ២០១៥ , ឆ្នាំ២០១៧ , ឆ្នាំ២០១៩ និងឆ្នាំ២០២១។ កាលពីឆ្នាំ២០១៧ កីឡាការិនី អ៊ុក ស្រីមុំ ធ្លាប់ឈ្នះមេដាយមាស ជូនព្រះរាជាណាចក្រកម្ពុជាម្ដងហើយ ជាមួយនឹងកីឡាការិនី កែ ឡេង ខណៈដែលពេលនេះគឺអ្នកស្រីបានកាន់កាប់តំណែងជាម្ចាស់មេដាយមាសតែម្នាក់ឯងតែម្ដង ដែលជាលទ្ធផលមិនធម្មតា។
លោក សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការសហព័ន្ធកីឡាប៊ូល និងប៉េតង់ កម្ពុជា ជាអ្នកដឹកនាំ ទៅចូលរួមការប្រកួតនេះ បានចាត់ទុកថា អ្នកស្រី អ៊ុក ស្រីមុំ គឺជាវិរៈនារីដ៏អស្ចារ្យរបស់កម្ពុជា ដែលបានលើកមុខកម្ពុជា បន្ទាប់ពីអ្នកស្រី កែ ឡេង ចូលនិវត្តន៍ ស្របពេលដែលលោកធ្លាប់បានលើកឡើងថា អ្នកស្រី អ៊ុក ស្រីមុំ កំពុងធ្វើអោយពិភពលោកកាន់តែស្គាល់ពីកម្ពុជា ដែលមានន័យថា បើទោះជាអ្នកស្រី កែ ឡេង បានចូលនិវត្តន៍ តែកម្ពុជាក៏នៅតែមានជើងខ្លាំង ដែលមានសមត្ថភាពដណ្ដើមយកមេដាយបានដូចគ្នា ដែលបង្ហាញយ៉ាងច្បាស់ថា កម្ពុជាគឺមានធនធានខ្លាំងៗ ខណៈដែលអ្នកជំនាន់ក្រោយផ្សេងទៀត ក៏មានសមត្ថភាពមិនធម្មតា ៕
ចែករំលែកព័តមាននេះ