Man Utd តែងតាំងបិតាបាល់ទាត់ទំនើបអាល្លឺម៉ង់ជាអ្នកចាត់ការបណ្តោះអាសន្ន
អង់គ្លេស ៖ បើទោះមិនទាន់ប្រកាសជាផ្លូវការក៏ពិតមែន ប៉ុន្តែតាមរយៈសារព័ត៌មានធំៗ ជាពិសេស The Athletic បានចេញផ្សាយ
អង់គ្លេស ៖ បើទោះមិនទាន់ប្រកាសជាផ្លូវការក៏ពិតមែន ប៉ុន្តែតាមរយៈសារព័ត៌មានធំៗ ជាពិសេស The Athletic បានចេញផ្សាយ
អង់គ្លេស ៖ បើទោះមិនទាន់ប្រកាសជាផ្លូវការក៏ពិតមែន ប៉ុន្តែតាមរយៈសារព័ត៌មានធំៗ ជាពិសេស The Athletic បានចេញផ្សាយកាលពីថ្ងៃទី២៥ ខែវិច្ឆិកា ឆ្នាំ ២០២១ ថា លោក Ralf Rangnic បានឈានដល់កិច្ចព្រមព្រៀងជាមួយក្លិបបិសាចក្រហម Manchester United ដើម្បីក្លាយជាអ្នកចាត់ការបណ្តោះអាសន្នរបស់ពួកគេរយៈពេល៦ខែ។
លោក Ralf Rangnic គឺជាគ្រូបង្វឹកពោរពេញដោយបទពិសោធន៍យ៉ាងជោគជាំធ្លាប់ដឹកនាំក្លិបជាច្រើន ដែលត្រូវបានគេដាក់រហស្សនាមថា «បិតាបាល់ទាត់សម័យទំនើបអាល្លឺម៉ង់» នឹងដើរចេញពីតួនាទីជាប្រធានផ្នែកកីឡា និងអភិវឌ្ឍន៍របស់ក្លិប Lokomotiv Moscow នៅលីគកំពូលរុស្ស៊ី ដើម្បីធ្វើដំណើរមកកាន់ទឹកដីអង់គ្លេសនៅពេលឆាប់ៗខាងមុខ។
ប្រភពពី The Athletic បន្តថា បុរសវ័យ៦៣ឆ្នាំរូបនេះ បានយល់ព្រមដឹកនាំ Man Utd រហូតដល់ចុងខែឧសភា ឆ្នាំ២០២២ ជាមួយលក្ខខណ្ឌពិសេស ដោយលោកនឹងបន្តការងារ២ឆ្នាំបន្ថែមទៀត ក្នុងតួនាទីជាអ្នកប្រឹក្សាយោបល់ក្លិប។ ប៉ុន្តែទោះយ៉ាងណា លោកមិនទាន់អាចដឹកនាំក្រុមសម្រាប់ជំនួបតទល់នឹង Chelsea នៅចុងសប្តាហ៍នេះបានឡើយ ដោយកំពុងរង់ចាំទទួលលិខិតការងារជាមុនសិន។
លោក Rangnic គឺជាគ្រូបង្វឹកប្រកាន់ខ្ជាប់វិន័យដ៏តឹងរឹងបំផុត ហើយក៏ជាគ្រូដែលឆ្អិននឹងតាក់តិចបាល់ទាត់តែម្តង។ គ្រូបង្វឹកវ័យក្មេងជាច្រើន ជាពិសេសគឺលោក Thomas Tuchel ធ្លាប់ឆ្លងកាត់ការបណ្តុះបណ្តាលពីរូបលោក។ ខណៈលោក Jurgen Klopp ក៏បានយកក្បួនប្រដេញបាល់ខ្លាំង និងវាយបកលឿនដ៏ល្បីរបស់លោក Rangnic ទៅប្រើប្រាស់ផងដែរ ។
គួរបញ្ជាក់ថា Man Utd ក្រោមការដឹកនាំរបស់លោក Michael Carrick ដែលជាអ្នកចាត់ការបណ្តោះអាសន្នជំនួសលោក Ole Gunnar Solskjaer ដែលលាលែងពីតំណែងកាលពីសប្តាហ៍មុននោះ កំពុងឈរនៅចំណាត់ថ្នាក់លេខ៨ ក្នុងតារាង Premier League ក្រោយឆ្លងកាត់១២ប្រកួតកន្លងមក ឈ្នះ៥ ស្មើ២ និងចាញ់៥ មាន១៧ពិន្ទុ និងមានគម្លាត១២ពិន្ទុ ពីក្រុមកំពូលតារាង Cheslea៕ (ដកស្រង់ចេញពី The Athletic និង BBC)
ចែករំលែកព័តមាននេះ