អ្នកពុទ្ធនិយមបានពន្យល់ថា ចូលអ្នកកុំខ្វល់ថាអ្នកដទៃគិតបែបណាអំពីអតីតកាលរបស់អ្នក ព្រោះអ្នកមិនមែនដូចពីមុនទេ ។ អ្នកកំពុងតែព្យាយាមដុសខាត់កែខៃខ្លួនឯងឲ្យកាន់តែល្អប្រសើរហើយតើ ។ អ្នកកំពុងចាប់ផ្ដើមសាជាថ្មី ដែលនេះគឺជាហេតុផលដែលអ្នកគួរសាទរខ្លួនឯង ។ ត្រូវចាំថា…
អ្នកពុទ្ធនិយមបានពន្យល់ថា ចូលអ្នកកុំខ្វល់ថាអ្នកដទៃគិតបែបណាអំពីអតីតកាលរបស់អ្នក ព្រោះអ្នកមិនមែនដូចពីមុនទេ ។ អ្នកកំពុងតែព្យាយាមដុសខាត់កែខៃខ្លួនឯងឲ្យកាន់តែល្អប្រសើរហើយតើ ។ អ្នកកំពុងចាប់ផ្ដើមសាជាថ្មី ដែលនេះគឺជាហេតុផលដែលអ្នកគួរសាទរខ្លួនឯង ។
ត្រូវចាំថា ទោះអ្នកមិនអាចផ្លាស់ប្ដូរអតីតកាលបានក៏ពិតមែន តែអ្នកនៅតែអាចផ្លាស់ប្ដូរបច្ចុប្បន្នរបស់អ្នកបាន ហើយអនាគតដ៏ស្រស់បំព្រងកំពុងរង់ចាំអ្នកហើយ ។ ថាតើវាអាចទៅរួច ឬអត់យ៉ាងណានោះ គឺវាស្ថិតនៅត្រង់ការប្រើប្រាស់ពេលវេលារបស់អ្នកក្នុងពេលឥឡូវនេះតែប៉ុណ្ណោះ ។
អតីតកាលរបស់អង្គុលីមាល៍ជាវេលាដែលពោរពេញទៅដោយរឿងអាស្រូវបំផុតនៅក្នុងសង្គមមនុស្ស តែបច្ចុប្បន្នភាពកាលនោះរបស់ព្រះអង្គុលីមាល៍បានធ្វើឱ្យមនុស្សនៅក្នុងសង្គមឥណ្ឌាមានការស្ញប់ស្ញែង កោតសរសើរនឹងទង្វើដ៏ត្រឹមត្រូវរបស់លោកយ៉ាងក្រៃលែងដោយការចាប់យកឱកាសបច្ចុប្បន្នឱ្យជាផលប្រយោជន៍សម្រាប់ជីវិតរបស់ខ្លួន គឺដើរតាមគន្លងពុទ្ធឱវាទដ៏ប្រសើរឆ្ពោះទៅមុខជានិច្ច មិនជាប់ជំពាក់នឹងអតីតកាលឡើយ ។
ដូច្នេះចូរអ្នកព្យាយាមប្រើប្រាស់ពេលវេលារបស់អ្នកឲ្យបានល្អឡើង ប្រើក្នុងផ្លូវប្រយោជន៍ កុំចំណាយពេលសោកសៅនឹងអ្វីដែលបានកន្លងហួសទៅហើយនោះ ព្រោះវាមិនបានជួយអ្វីដល់អ្នកឡើយ ។
ចូរចាំថាគ្មាននរណាម្នាក់អាចជួយអ្នកគ្រប់ពេល ក្រៅពីអ្នកខ្លួនឯងនោះទេ ដូច្នេះចូរសង្គ្រោះខ្លួនឯងដោយការខិតខំប្រឹងប្រែងសព្វការងារក្នុងផ្លូវសុចរិត នោះជីវិតអ្នកនឹងបានរួចចាកទុក្ខ ជួបតែសុខសួស្តីមិនខាន ៕ សាន សារិន
ចែករំលែកព័តមាននេះ