ខេត្តឧត្តរមានជ័យ ៖ លំនៅឋានប្រជាពលរដ្ឋសរុប៧១ខ្នងបានរងការខូចខាត ដោយខ្លះដួលរលំ ខ្លះប៉ើងដំបូល បន្ទាប់ពីមានភ្លៀងធ្លាក់ លាយឡំដោយខ្យល់កន្ត្រាក់ កាលពីវេលាម៉ោង០៣ និង៣០នាទីរសៀលថ្ងៃទី០៣ ឧសភា ២០១៦ កើតឡើងលើឃុំចំនួន៣ ឃុំអន្លង់វែង ឃុំត្រពាំងប្រិ៍ និងឃុំលំទង ក្នុងស្រុកអន្លង់វែង ខេត្តឧត្តរមានជ័យ ។
ប្រភពពីប្រជាពលរដ្ឋឱ្យដឹងថា មុនពេលកើតហេតុ មេឃមានកម្តៅខ្លាំងស្ទើរតែទ្រាំមិនបាន ស្រាប់តែមេឃប្រែពណ៌ខ្មៅងងិត ។ភ្លាមៗ ក៏មានទឹកភ្លៀងធ្លាក់មកមួយមេធំលាយឡំខ្យល់បក់បោកខ្លាំងមកលើលំនៅឋាន បណ្តាលឱ្យផ្ទះជាច្រើនខ្នងដួលរលំ និងប៉ើងដំបូល រួមទាំងប៉ាណូជាច្រើនផ្ទាំងត្រូវដួលរលំ ។
ប្រភពពីប៉ូលិសស្រុកថា គ្រោះធម្មជាតិនេះ បានបំផ្លាញផ្ទះដួលដល់ចំនួន៣ខ្នង និងប៉ើងដំបូល៦៨ខ្នង ។ នេះមិនមែនជាលើកទី១ ទេ នៅក្នុងខេត្តឧត្តរមានជ័យកន្លងមក ។
ចែករំលែកព័តមាននេះ