UCL ៖ ដឹកនាំប្រកួតដំបូង Carrick នាំ Man Utd បានកៅអីឡើងទៅវគ្គ១៦ក្រុម
អេស្ប៉ាញ ៖ ក្រុមបិសាចក្រហម Manchester United បានកៅអីឡើងទៅវគ្គ១៦ក្រុមចុងក្រោយក្របខណ្ឌ UEFA Champions
អេស្ប៉ាញ ៖ ក្រុមបិសាចក្រហម Manchester United បានកៅអីឡើងទៅវគ្គ១៦ក្រុមចុងក្រោយក្របខណ្ឌ UEFA Champions
អេស្ប៉ាញ ៖ ក្រុមបិសាចក្រហម Manchester United បានកៅអីឡើងទៅវគ្គ១៦ក្រុមចុងក្រោយក្របខណ្ឌ UEFA Champions League ក្រោយយកឈ្នះលើក្រុមម្ចាស់ផ្ទះ Villarreal ដោយលទ្ធផល ២-០ កាលពីថ្ងៃទី២៣ ខែវិច្ឆិកា ក្រោមការដឹកនាំរបស់អ្នកចាត់ការទូទៅបណ្តោះអាសន្ន Michael Carrick ។
នេះគឺជាការដឹកនាំប្រកួតដំបូងសម្រាប់ Michael Carrick ក្នុងនាមជាអ្នកចាត់ការបណ្តោះអាសន្នរបស់ Man Utd ជំនួសកៅអីលោក Ole Gunnar Solskjaer ដែលបានលាលែងកាលពីចុងសប្តាហ៍មុន។
ក្រឡែកមកកាន់ការប្រកួតក្នុងពូល F ដែលធ្វើឡើងនៅឯកីឡដ្ឋាន El Madrigal គ្រាប់បាល់ជ័យជម្នះរបស់ក្រុមភ្ញៀវ Man Utd សម្រេចបានដោយ Cristiano Ronaldo នៅនាទី៧៨ ស្របពេល Jadon Sancho រកគ្រាប់បាល់លើកដំបូងឱ្យ Man Utd ចាប់តាំងពីផ្លាស់មកកាន់ទឹកដីអង់គ្លេសកាលពីខែកក្កដាកន្លងទៅ ដែលសម្រេចបាននៅនាទី៩០។
ឆ្លងកាត់៥ប្រកួតកន្លងមក Man Utd ឈ្នះ៣ ស្មើ១ និងចាញ់១ មាន១០ពិន្ទុ បានកៅអីឡើងទៅវគ្គ១៦ក្រុមចុងក្រោយ ខណៈ Villarreal នៅលេខ២ មាន៧ពិន្ទុ Atalanta មាន៦ពិន្ទុ និង Young Boys មាន៤ពិន្ទុ។
គិតត្រឹមពេលនេះ ក្រុមដែលបានកៅអីឡើងទៅវគ្គ១៦ក្រុមចុងក្រោយ Champions League រួមមាន ៖ Liverpool , Ajax, Bayern Munich, Manchester United, Chelsea និង Juventus។
ខ្សែប្រយុទ្ធប៉ូឡូញ Robert Lewandowski របស់ក្រុម Bayern Munich កំពុងឈរជាអ្នករកគ្រាប់បាល់ច្រើនជាងគេបណ្តោះអាសន្នពោលចំនួន៩គ្រាប់ តាមក្រោយដោយខ្សែប្រយុទ្ធបារាំង Sebastien Haller របស់ក្រុម Ajax មាន៧គ្រាប់៕ (ដកស្រង់ចេញពី UEFA)
ចែករំលែកព័តមាននេះ