- កំពង់ចាម
កំពង់ចាម៖ ហេតុការណ៍រំលោភសម្លា.ប់យុវតីម្នាក់ អាយុ ១៦ឆ្នាំ ជាសិស្សថ្នាក់ទី១២ កាលពីព្រលប់ថ្ងៃទី២០ ខែវិច្ឆិកា ឆ្នាំ២០២១ នៅចំការពោត ក្នុងភូមិ១១…
កំពង់ចាម៖ ហេតុការណ៍រំលោភសម្លា.ប់យុវតីម្នាក់ អាយុ ១៦ឆ្នាំ ជាសិស្សថ្នាក់ទី១២ កាលពីព្រលប់ថ្ងៃទី២០ ខែវិច្ឆិកា ឆ្នាំ២០២១ នៅចំការពោត ក្នុងភូមិ១១ ឃុំចំការអណ្តូង ស្រុកចំការលើ ខេត្តកំពង់ចាម បានធ្វើឲ្យកក្រើកបណ្តាញសង្គមហ្វេសប៊ុក។ នេះជាករណីថ្មី ដែលមហាជនថ្កោលទោស និងលើកសំណូមពរថា មិនគួរកើតមានក្នុងសង្គមយើងតទៅទៀតឡើយ។ ករណីនេះ ក៏គួរតែរាជរដ្ឋាភិបាលបង្កើតច្បាប់ គ្រៀវ លើជនល្មើស ដែលរំលោ.ភសេពសន្ថវៈ ក្រៅពីកាត់ទោសធ្ងន់ធ្ងរ ឲ្យជាប់ពន្ធនាគារ។
ករណីរំលោភសម្លាប់នោះ បានកើតឡើង ខណៈក្មេងស្រីរងគ្រោះ ជិះម៉ូតូម្នាក់ឯង ចេញពីរៀនគួរ ដើម្បីត្រៀមប្រឡងបាក់ឌុប។ ក្មេងស្រីរងគ្រោះ រស់នៅជាមួយជីដូន ដោយឪពុកស្លា.ប់ចោល ហើយម្តាយ កំពុងធ្វើការ នៅប្រទេសថៃ។
នៅថ្ងៃទី២២ ខែវិច្ឆិកា ឆ្នាំ២០២១ យុវជន ជាឃាតក ត្រូវបានប៉ូលិសចាប់បាន នាំយកទៅតុលាការ កាត់ទោស តាមផ្លូវច្បាប់។ ជនសង្ស័យ មានឈ្មោះ ម៉ាប់ កំសត់ ហៅ អាលាន អាយុ ១៦ឆ្នាំ ជាអ្នករស់នៅភូមិ-ឃុំជាមួយយុវតីរងគ្រោះ។ ជនសង្ស័យជាឃាតកនោះ ត្រូវបានសមត្ថកិច្ចជំនាញ ស្រាវជ្រាវ ឈានដល់ការឃាត់ខ្លួនបាន នៅថ្ងៃទី២២ ខែវិច្ឆិកា ឆ្នាំ២០២១ វេលាម៉ោង ១៤:១៥នាទីរសៀល នៅចំណុចក្នុងព្រៃចំការ ក្រោយវត្តមណ្ឌលវិប្បសនា ស្ថិតក្នុងភូមិប៉ាង ឃុំជនាង ស្រុកតាំងគោក ខេត្តកំពង់ធំ។
ជនសង្ស័យ បានសារភាពថា ខ្លួនពិតជាបានធ្វើសកម្មភាពរំលោភ និងសម្លា.ប់ជនរងគ្រោះ ហើយយកទូរស័ព្ទជនរងគ្រោះ ទៅលក់នៅភ្នំពេញ បានតម្លៃម្ភៃម៉ឺនរៀល យកទៅទិញខោអាវ ហើយជិះឡានត្រឡប់មកស្រុកវិញ។ នៅថ្ងៃទី២៣ ខែវិច្ឆិកា សមត្ថកិច្ចជំនាញ បានបញ្ជូនយុវជន ជាជនសង្ស័យនោះ ទៅតុលាការខេត្តកំពង់ចាម ដើម្បីចាត់ការតាមច្បាប់។
ករណីរំលោភ ហើយសម្លា.ប់ស្ត្រីជនរងគ្រោះនោះ កើតឡើងច្រើនករណីមកហើយ នៅក្នុងប្រទេសយើង មិនថា នៅភ្នំពេញ ឬនៅតាមបណ្តាខេត្តនានា ស្រុកស្រែចំការនោះទេ។ ករណីខ្លះ ជាក្មេងស្រីមិនទាន់គ្រប់អាយុ ១៨ឆ្នាំ ខណៈទៀត ជាស្ត្រីមេម៉ាយ និងក៏មានករណីស្ត្រីរកស៊ីផ្លូវភេទ ក៏ត្រូវក្រុមយុវជន ៥-៦នាក់ ចាប់រំ.លោ.ភ ហើយសម្លា.ប់បំបិទមាត់ក៏មាន ក្នុងពេលកន្លងមក។ ក្នុងនោះ ក៏មានករណីបុរសរំ.លោភកុមារា ហើយសម្លា.ប់ចោល ផងដែរ។
ករណីរំលោ.ភសម្លា.ប់ស្ត្រីរងគ្រោះ រួមទាំងកុមារាផងនោះ ត្រូវបានគេលើកឡើងថា អាចមកពីឥទ្ធិពលនៃគ្រឿងញៀនផង ជនល្មើសខ្វះការអប់រំផង ហើយគួបផ្សំនឹងការរីកចម្រើននៃបច្ចេកវិទ្យាទំនើបផង ដែលធ្វើឲ្យជនល្មើស ងាយស្រួលនឹងមើលរឿងអា.ស.អា.ភា.ស ហើយក៏កើតចំណង់ ប្រព្រឹត្តិអំពើឧក្រិដ្ឋដូច្នេះ។ ដូច្នេះមានការទទូចឲ្យបញ្ឈប់ការជួញដូរ និងការសេពគ្រឿងញៀន ដើម្បីការពារសង្គមកម្ពុជាយើង ពិសេសការពារជនរងគ្រោះ ដែលជាមនុស្សមិនដឹងអ្វីសោះ និងមិនគួររងគ្រោះ ព្រោះតែសង្គម ដែលមានអ្នក.គ្រឿង.ញៀន និងគ្រឿង.ស្រវឹង ដោយគ្រឿងអបាយមុខអស់ទាំងនេះ អាចរកទិញបានដោយងាយ មិនថា នៅភ្នំពេញ នៅទីប្រជុំជន ឬក៏នៅជនបទស្រុកស្រែចំការនោះឡើយ។
អំពើរំ.លោ.ភសម្លា.ប់លើក្មេងស្រី អាយុ ១៦ឆ្នាំ នៅស្រុកចំការលើ ខេត្តកំពង់ចាម គឺជាអំពើព្រៃផ្សៃ ដែលត្រូវតែរួមគ្នា គិតគូរ ទប់ស្កាត់ កុំឲ្យកើតមានតទៅទៀត។ ក្នុងនោះ ទាំងអាជ្ញាធរសមត្ថកិច្ច រាជរដ្ឋាភិបាល រួមទាំងសង្គមស៊ីវិល ត្រូវតែរួមគ្នា ផ្ដល់ការអប់រំបន្ថែមលើបុរស និងក្មេងប្រុស ដើម្បីកុំឲ្យប្រព្រឹត្តអំពើល្មើសច្បាប់ សេពគ្រឿងញៀន គ្រឿងស្រវឹង រហូតដល់ចាប់.រំលោ.ភ និងសម្លា.ប់.ដូច្នេះ។
ក្រៅពីនោះ ក៏ត្រូវពង្រឹងសុវត្ថិភាពបន្ថែមដល់ស្ដ្រី និងក្មេងស្រី តាមរយៈការអប់រំដល់បុរស និងក្មេងប្រុស ឲ្យយល់ថា ស្ដ្រី គឺជាមនុស្ស ដែលត្រូវទទួលបានការគោរព ហើយមានភាពថ្លៃថ្នូរនៃជីវិត មិនមែនជាទំនិញ ឬមួយក៏មិនមែនជាវត្ថុ ដែលអ្នកណាចង់យកទៅលក់ដូរ ឬក៏ចាប់រំ.លោ.ភ តាមតែអំពើចិត្តនោះទេ។
បុរសៗ ពិសេសយុវជនឈាមរាវ ត្រូវយល់ថា អំពើរំ.លោ.ភ ហើយថែមទាំងសម្លា.ប់.ជនរងគ្រោះទៀតនោះ គឺជាអំពើឧក្រិដ្ឋ ដែលត្រូវជាប់គុកមួយជីវិត ហើយកុំគិតថា សម្លា.ប់ជនរងគ្រោះ ដើម្បីកុំឲ្យបែកការណ៍ ហើយគ្មាននរណាដឹងថា ខ្លួនជាឃាតកនោះឲ្យសោះ។ កុំភ្លេច ឃាត.កម្មកន្លងមក រួមទាំងករណីថ្មីៗនេះ គឺប៉ូលិសឥឡូវ មានជំនាញស្រាវជ្រាវ ស៊ើបអង្កេត ទោះជារត់ទៅដល់ណា មិនថា នៅក្នុងស្រុក ឬចេញក្រៅប្រទេសទេ ក៏នៅតែអាចចាប់ជនល្មើស យកមកផ្តន្ទាទោសបានដែរ។
ករណីយុវជន អាយុ ១៦ឆ្នាំ ចាប់រំ.លោភ ហើយសម្លា.ប់ក្មេងស្រីរងគ្រោះ អាយុ ១៦ឆ្នាំ ដោយសារតែនៅក្នុងស្រុកភូមិជាមួយគ្នានោះ គឺយុវជន ជាជនសង្ស័យ គិតខ្លី ក៏សម្រេចចិត្តធ្វើដូច្នេះ។ ចូរកុំភ្លេច ច្បាប់កំណត់រួចហើយថា ឃាតកម្មដែលកើតក្នុងពេល ឬក្រោយពេលប្រព្រឹត្តអំពើទារុណកម្ម អំពើឃោឃៅ ឬអំពើរំលោភសេពសន្ថវៈ ត្រូវផ្ដន្ទាទោសដាក់ពន្ធនាគារអស់មួយជីវិត។ ក្រៅពីដាក់ពន្ធនាគារធ្ងន់ធ្ងរហើយនោះ ស្រុកយើង គួរតែបង្កើតច្បាប់ គ្រៀវលើជនល្មើស ក្នុងករណីរំលោភសេពសន្ធវៈនេះតែម្តង។
បើស្រឡាញ់គេ ចូលសារភាពត្រង់ៗ ហើយឲ្យឪពុកម្តាយ ចូលស្តីដណ្តឹងគេ ដោយខ្លួនឯង ត្រូវខិតខំរៀនសូត្រ ឬក៏រកស៊ី ធ្វើការងារ បង្កើតមុខរបរ ដែលអាចចិញ្ចឹមខ្លួនឯងផង និងចិញ្ចឹមប្រពន្ធផង។ បើគេនៅរៀន ក៏ចូលស្តីដណ្តឹងទុកឲ្យហើយ ពេលខាងស្រីរៀនចប់ រៀបការតាមប្រពៃណី។ ម្នាក់នឹងមិនត្រូវ រកអ្នកផ្សេងទៀត មិនត្រូវគិតខ្លីដូច្នេះឡើយ។
ផ្ទុយទៅវិញ នៅពេលគិតស្លុយ លេងផ្លូវកាត់ ហើយថែមជាបទឧក្រិដ្ឋ ដែលសង្គមស្អប់ខ្ពើម និងខុសច្បាប់ដូច្នេះ គឺយុវជន ជាជនដៃដល់ ច្បាស់ជាអស់អនាគត។ បានរំលោភគេមែន តែក៏ត្រូវជាប់គុកដែរ ហើយរហូតសម្លាប់គេទៀត គឺជាប់គុកអស់មួយជីវិត។ ក្រៅពីនោះ ក៏បង្កើតជាវិប្បដិសារីអស់មួយជីវិត មិនត្រឹមតែខ្លួនឯងទេ គឺបង្កើតការឈឺចាប់ដល់ក្រុមគ្រួសារយុវតីរងគ្រោះ ហើយក្រុមគ្រួសារខ្លួនឯង ក៏មិនដឹង យកមុខទៅទុកឯណា បើមានកូន មានចៅ មានបង មានប្អូន ជាឃាតក រំលោ.ភ.សម្លា.ប់ដូច្នេះ។
ចំពោះឪពុកម្តាយ អាណាព្យាបាល ជីដូនជីតាវិញ ក៏ត្រូវតែបង្កើនការប្រុងប្រយ័ត្ន មើលថែកូនស្រីឲ្យបានដិតដល់ជាងមុន។ កុំឲ្យក្មេងស្រី នៅផ្ទះតែឯង ឬធ្វើដំណើរទៅណាមកណាតែម្នាក់ឯងឲ្យសោះ។ ទៅរៀន បើថា ផ្លូវឆ្ងាយ ត្រូវមានគ្នាធ្វើដំណើរជាមួយ ជាចាស់ទុំ ហើយបើមិនមានអ្នកជូនទៅបានជាគ្នាទេ គួរតែនៅផ្ទះ ឬក៏រៀនតាមអនឡាញ ប្រសើរជាង។ ក្មេងស្រី និងយុវតី ក៏ដូចគ្នា ត្រូវតែចេះថែរក្សាខ្លួន និងកុំហ៊ាននៅ ឬទៅកន្លែងស្ងាត់ៗ។
ព័ត៌មានបានផ្សាយរួចហើយ កន្លងមក ក្នុងសង្គមយើង សូម្បីតែឪពុកបង្កើត ឬឪពុកចុង ក៏មានដល់ថ្នាក់ចាប់រំ.លោ.ភ.កូន។ នេះក៏ដោយសារតែជនល្មើស មានការអប់រំតិចតួច ឬមិនបានទទួលការរៀនសូត្រ ហើយគួបផ្សំនឹងឥទ្ធិពលគ្រឿងញៀន គ្រឿងស្រវឹង ព្រមទាំងការរកមើលរឿងអា.ស.អា.ភា.ស.ងាយស្រួល តាមអ៊ិនថឺណេតទៀត ក៏ជាកត្តារួមផ្សំ នាំឲ្យកើតមានករណីចាប់.រំ.លោ.ភ រហូតដល់សម្លា.ប់.ដូច្នេះ៕
ចែករំលែកព័តមាននេះ