សេក គឹមសាន្ត នៅតែគ្មានឱកាសសងសឹក ខណៈធឿន ធារ៉ា ធ្វើឱ្យគូប្រកួតលើកទង់សនៅត្រឹមទឹកទី៣
- ភ្នំពេញ
រាជធានីភ្នំពេញ ៖ កីឡាករអេ ណារ័ត្ន មកពីសមាគមកីឡាប្រដាល់ក្រសួងកសិកម្ម បានធ្វើឱ្យកីឡាករសេក គឹមសាន្ត មកពីក្លិប
រាជធានីភ្នំពេញ ៖ កីឡាករអេ ណារ័ត្ន មកពីសមាគមកីឡាប្រដាល់ក្រសួងកសិកម្ម បានធ្វើឱ្យកីឡាករសេក គឹមសាន្ត មកពីក្លិប
រាជធានីភ្នំពេញ ៖ កីឡាករអេ ណារ័ត្ន មកពីសមាគមកីឡាប្រដាល់ក្រសួងកសិកម្ម បានធ្វើឱ្យកីឡាករសេក គឹមសាន្ត មកពីក្លិបអង្គរមានជ័យខេត្តសៀមរាប បាត់បង់ឱកាសសងសឹកបានសម្រេចសាជាថ្មីម្ដងទៀត បន្ទាប់ពីប្រកួតគ្នាអស់រយៈពេល៥ទឹកពេញនៅលើសង្វៀនស៊ីអិនស៊ី ក្នុងកម្មវិធីមីស៊ីលថាមពលអ្នកប្រយុទ្ធគុនខ្មែរកាលពីថ្ងៃអាទិត្យទី២១ វិច្ឆិកា ទីបំផុតត្រូវបានគេប្រកាសឱ្យចាញ់ពិន្ទុដាច់ទាំង៥ទឹកតែម្ដង។
បើតាមតែគេធ្លាប់ដឹងរវាងកីឡាករអេ ណារ័ត្ន និងកីឡាករសេក គឹមសាន្ត ធ្លាប់បានប៉ះគ្នាច្រើនលើករួចមកហើយ ។ ប៉ុន្តែអេ ណារ័ត្ន ធ្វើបានល្អជាង ជាក់ស្ដែងសម្រាប់ការជួបគ្នារវាងគេទាំងពីរលើកនេះ សេក គឹមសាន្ត ត្រូវអេ ណារ័ត្ន ធ្វើការព្រមានយ៉ាងចាស់ដៃតាំងពីទឹកទី១មកម៉្លេះ ។ សេក គឹមសាន្តព្យាយាមបញ្ជូនស្នៀតកណ្ដាប់ដៃនិងស្នៀតជើងទាត់យ៉ាងគំហុកសំដៅទៅលើកន្លែងសំខាន់ៗរបស់អេ ណារ័ត្ន ប៉ុន្តែមិនត្រឹមតែមិនអាច់ចំគោលដៅបានល្អប៉ុណ្ណោះ ។ ផ្ទុយទៅវិញ ត្រូវបានអេ ណារ័ត្ន ម៉ាត់និងទាត់បកសងវិញភ្លាម ដែលជាហេតុធ្វើឱ្យកីឡាករដែលមកពីខេត្តសៀមរាបម្នាក់នេះ ស្ទើតែមិនអាចតដៃរួចម្ដងៗទៅហើយ ។
ទោះជាយ៉ាងណា សេក គឹមសាន្ត ដែលជាកីឡាករជើងចាស់ និងមានបទពិសោធន៍ប្រកួតនៅលើសង្វៀនជោគជាម្នាក់ដែរនោះ គេមិនអាចបោះបង់ចោលការប្រកួតដោយងាយនោះឡើយ ទោះបីជារងនូវការដាក់សម្ពាធពីគូប្រកួតយ៉ាងណាក៏ដោយ។គឺគេនៅតែព្យាប្ដូកណ្ដាប់ដៃជាមួយអេ ណារ័ត្ន រហូតចប់ទឹកទី៥។
ចំណែកកីឡាករធឿន ធារ៉ា មកពីសមាគមកីឡាប្រដាល់ក្រសួងកសិកម្មវិញនោះ បានធ្វើឱ្យកីឡាករពុទ្ធ ឆាយរិទ្ធី មកពីក្លិបពុទ្ធសេរីវង្សពោធិសែនជ័យបោះបង់ចោលការប្រកួតត្រឹមទឹកទី៣យ៉ាងអស់ចិត្តបំផុត ។ គូនេះគេហ៊ានទាយទុកមុនតាំងពីមិនទាន់ឡើងសង្វៀនប្រកួតមកម៉្លេះ ថាពុទ្ធ ឆាយរិទ្ធី មិនអាចតស៊ូប្រកួតជាមួយធឿន ធារ៉ា ដល់ទឹកទី៥បានឡើយ ។
ពិតជាដូចការរំពឺងទុកមែន ទោះបីជាធឿន ធារ៉ា មិនបើកការវា.យសម្រុកភ្លាមៗតាំងពីទឹកទី១ក៏ដោយ ប៉ុន្តែស្នៀតជើងរបស់គេគ្រាន់តែធាក់ចេញម្ដងៗធ្វើឱ្យពុទ្ធ ឆាយរិទ្ធីស្ទើតែបោះបង់ចោលការប្រកួតម្ដងៗទៅហើយ ។ មិនតែប៉ុណ្ណោះនៅត្រឹមទឹកទី៣ធឿន ធារ៉ា បានទាត់ចូលពោះទឹក រិទ្ធី រហូតត្រូវបានលោកអាជ្ញាកណ្ដាលរាប់៨ម្ដង ទើបអាចក្រោកប្រកួតបន្តទៀតបាន ។ លុះចូលដល់ទឹកទី៤មិនទាន់បានមួយនាទីស្រួលបួលផង ធារ៉ាបានទាត់ចូលកណ្ដៀតក្អមយ៉ាងធ្ងន់និងធ្វើឱ្យពុទ្ធ ឆាយរិទ្ធីមិនអាចក្រោកប្រកួតបានទៀតឡើយ ហើយត្រូវបានលោកអជ្ញាកណ្ដាលបញ្ឈប់ការប្រកួតតែម្ដង ៕
ចែករំលែកព័តមាននេះ