F1៖ Hamilton ប្រដេញពិន្ទុខ្លាំងជាមួយ Verstappen ក្រោយឈ្នះទីលាននៅកាតា
កាតា ៖ ការឈ្នះលើ២ទីលានជាប់ៗគ្នា (ទីលានទី១៩ និងទី២០) របស់កីឡាករ Lewis Hamilton បានធ្វើឱ្យការប្រកួតប្រជែងដណ្តើម
កាតា ៖ ការឈ្នះលើ២ទីលានជាប់ៗគ្នា (ទីលានទី១៩ និងទី២០) របស់កីឡាករ Lewis Hamilton បានធ្វើឱ្យការប្រកួតប្រជែងដណ្តើម
កាតា ៖ ការឈ្នះលើ២ទីលានជាប់ៗគ្នា (ទីលានទី១៩ និងទី២០) របស់កីឡាករ Lewis Hamilton បានធ្វើឱ្យការប្រកួតប្រជែងដណ្តើមជើងឯកពានរង្វាន់ Formula 1 Championship 2021 កាន់តែក្តៅគគុកថែមទៀត។ ដោយម្ចាស់ជើងឯក៧សម័យកាលសញ្ជាតិអង់គ្លេសវ័យ៣៦ឆ្នាំរូបនេះ កំពុងតែប្រដេញពិន្ទុគ្នាជាមួយកីឡាករហូឡង់ Max Verstappen ដែលឈរនៅកំពូលតារាង ខណៈការប្រកួតនៅសល់២ទីលានទៀត និងបញ្ចប់ការប្រកួតសម្រាប់រដូវកាលនេះ ។
ការប្រកួតទីលានទី២០ ដែលធ្វើឡើងលើទីលានមានឈ្មោះថា Losail International Circuit នៅទីក្រុង Lusail រដ្ឋ Al Daayen ប្រទេសកាតា កាលពីថ្ងៃទី២១ ខែវិច្ឆិកា បានបញ្ចប់ទៅដោយកីឡាករ Lewis Hamilton របស់ក្រុម Mercedes ទទួលបានចំណាត់ថ្នាក់លេខ១ ខណៈកីឡាករ Max Verstappen របស់ក្រុម Red Bull បានចំណាត់ថ្នាក់លេខ២ និងលេខ៣បានទៅលើកីឡាករអេស្ប៉ាញ Fernando Alonso របស់ក្រុម Alpine-Renault។
ជាមួយជ័យជម្នះនេះ Lewis Hamilton ដែលជាម្ចាស់ជ័យជម្នះការប្រកួតទីលានទី១៩ កម្មវិធី Sao Paulo Grand Prix ប្រទេសប្រេស៊ីល កាលពីថ្ងៃទី១៤ ខែវិច្ឆិកា បានបន្តឈរនៅចំណាត់ថ្នាក់លេខ២ មាន៣៤៣,៥ពិន្ទុ ដោយកាត់បន្ថយគម្លាតពិន្ទុពីកីឡាករ Max Verstappen ដែលនៅកំពូលតារាងមាន៣៥១,៥ពិន្ទុ ខណៈកីឡាករហ្វាំងឡង់ Valtteri Bottas របស់ក្រុម Mercedes ស្ថិតនៅចំណាត់ថ្នាក់លេខ៣ មាន២០៣ពិន្ទុ។
ការប្រកួតបន្ទាប់ (ទីលាន២១) កម្មវិធី Saudi Arabian Grand Prix នឹងត្រូវធ្វើឡើងនាថ្ងៃទី៦ ខែធ្នូ ខាងមុខនេះ មុនពេលឈានដល់ការប្រកួតទីលានចុងក្រោយសម្រាប់រដូវកាលនេះ នៅកម្មវិធី Abu Dhabi Grand Prix ៕ (ដកស្រង់ចេញពី BBC)
ចែករំលែកព័តមាននេះ