នៅទីបំផុត! Lionel Messi បើកគណនីគ្រាប់បាល់ដំបូងនៅក្នុងក្របខណ្ឌ Ligue 1
បារាំង ៖ នៅទីបំផុត ខ្សែប្រយុទ្ធឆ្នើម Lionel Messi បើកគណនីគ្រាប់បាល់លើដំបូងនៅក្នុងក្របខណ្ឌលីគកំពូលបារាំង Ligue 1
បារាំង ៖ នៅទីបំផុត ខ្សែប្រយុទ្ធឆ្នើម Lionel Messi បើកគណនីគ្រាប់បាល់លើដំបូងនៅក្នុងក្របខណ្ឌលីគកំពូលបារាំង Ligue 1
បារាំង ៖ នៅទីបំផុត ខ្សែប្រយុទ្ធឆ្នើម Lionel Messi បើកគណនីគ្រាប់បាល់លើកដំបូងនៅក្នុងក្របខណ្ឌលីគកំពូលបារាំង Ligue 1 របស់ខ្លួនហើយ ក្រោយរង់ចាំអស់ច្រើនខែ ចាប់តាំងពីផ្លាស់ពីក្លិប Barcelona មកចូលរួមជាមួយ Paris Saint-Germain កាលពីដើមខែសីហាកន្លងមក។
នៅជំនួបសប្តាហ៍ទី១៤ ដែលធ្វើឡើងនៅកីឡដ្ឋាន Parc des Princes ម្ចាស់ផ្ទះ PSG បានយកឈ្នះលើក្រុមភ្ញៀវ Nantes ដោយលទ្ធផល ៣-១ ដែល៣គ្រាប់របស់ម្ចាស់ផ្ទះរកបានដោយខ្សែប្រយុទ្ធ Kylian Mbappe នៅនាទី២ និងគ្រាប់បាល់ចូលទីខ្លួនឯងដោយខ្សែបម្រើ Dennis Appiah នៅនាទី៨១។ ស្របពេលគ្រាប់បាល់ទី៣ សម្រេចបានដោយ Lionel Messi នៅនាទី៨៧ ដែលជាគ្រាប់បាល់ដំបូងនៅក្នុងលីគកំពូលបារាំងរបស់ខ្សែប្រយុទ្ធអាហ្សង់ទីនវ័យ៣៤ឆ្នាំរូបនេះ។ ខណៈ១គ្រាប់របស់ក្រុមភ្ញៀវរកបានដោយខ្សែប្រយុទ្ធ Randal Kolo Muani នៅនាទី៧៦។
តាមរយៈលទ្ធផលនេះ PSG ក្រោមការដឹកនាំរបស់លោក Mauricio Pochettino បន្តកាន់កាប់តំណែងកំពូលតារាង ក្រោយឆ្លងកាត់១៤ប្រកួតកន្លងមក ឈ្នះ១២ ស្មើ១ និងចាញ់១ មាន៣៧ពិន្ទុ ដាច់ក្រុមលេខ២ Rennes រហូតដល់១២ពិន្ទុ។
គួរបញ្ជាក់ថា គិតចាប់តាំងពីផ្លាស់ពីក្លិប Barcelona មកចូលរួមជាមួយ PSG កាលពីថ្ងៃទី១០ ខែសីហា កន្លងមក Lionel Messi ស៊ុតបញ្ចូលទីបាន៤គ្រាប់ហើយ ពីការបង្ហាញខ្លួនសរុបចំនួន៩ប្រកួតនៅគ្រប់កម្មវិធីទាំងអស់៕
ចែករំលែកព័តមាននេះ