ធុងសំរាមចល័តជាង២០០ ត្រៀមដាក់ពង្រាយតាមទីសាធារណៈ និងផ្សារនានា
រាជធានីភ្នំពេញៈ ៖ ធុងសំរាមចល័តចំនួន២២៦ធុង (ក្នុងនោះធុងដែលមានកង់រុញចំនួន១០៣ធុង និងអត់កង់ចំនួន១២៣ធុង) ត្រូវបានសាលារាជធានីភ្នំពេញ
រាជធានីភ្នំពេញៈ ៖ ធុងសំរាមចល័តចំនួន២២៦ធុង (ក្នុងនោះធុងដែលមានកង់រុញចំនួន១០៣ធុង និងអត់កង់ចំនួន១២៣ធុង) ត្រូវបានសាលារាជធានីភ្នំពេញ
រាជធានីភ្នំពេញៈ ៖ ធុងសំរាមចល័តចំនួន២២៦ធុង (ក្នុងនោះធុងដែលមានកង់រុញចំនួន១០៣ធុង និងអត់កង់ចំនួន១២៣ធុង) ត្រូវបានសាលារាជធានីភ្នំពេញ ប្រគល់ឲ្យមន្ទីរសាធារណៈការ និងដឹកជញ្ជូនរាជធានីភ្នំពេញសម្រាប់យកទៅដាក់ពង្រាយ នៅតាមទីសួនសាធារណៈ និងតាមផ្សារនានាក្នុងរាជធានីភ្នំពេញ ដើម្បីលើកស្ទួយសោភ័ណភាព និងថែរក្សាបរិស្ថានទីក្រុងឲ្យកាន់តែប្រសើរឡើង ។
ក្នុងពេលចុះពិនិត្យធុងសំរាម បន្ទាប់ពីធ្វើរួច កាលពីថ្ងៃអង្គារ ទី២៦មេសា២០១៦នេះ លោក ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញមានប្រសាសន៏ថា រទេះរុញសម្រាប់ប្រមូលសំរាមចល័តទាំងនេះ នឹងយកទៅប្រើប្រាស់តាមផ្សារ តាមទីសាធារណៈ រមណីយដ្ឋាន និងតាមសួនច្បារនានាក្នុងរាជធានីភ្នំពេញ ដែលអាចប្រើចល័ត តាមតម្រូវការក្នុងការប្រមូលសំរាម រួមចំណែកលើកកំពស់សោភ័ណភាព បរិស្ថានទីក្រុងឲ្យបានកាន់តែប្រសើរឡើង។
លោកបន្តថា រាជធានីភ្នំពេញក្នុងពេលបច្ចុប្បន្នមានប្រជាពលរដ្ឋរស់នៅប្រមាណជិត២លាននាក់ហើយប្រជាពលរដ្ឋទាំងនោះបានផលិតសំរាមប្រមាណ១៥០០តោនទៅជិត២០០០តោន ក្នុងមួយថ្ងៃ ដែលត្រូវដឹកចេញទៅក្រៅក្រុង ។ ចំពោះការងារសម្អាតសំរាម គឺផ្តើមចេញពីប្រជាពលរដ្ឋយើងម្នាក់ៗមិនចាំបាច់តែអាជ្ញាធរឬក្រុមហ៊ុនស៊ីនទ្រីនោះទេព្រោះយើងទាំងអស់គ្នាជាអ្នកបង្កើតសំរាម ដូច្នេះយើងក៏ជាអ្នកសំអាតដែរ ។
ក្នុងពេលនោះ លោក ប៉ា សុជាតិវង្ស បានអំពាវនាវឲ្យប្រជាពលរដ្ឋក្នុងរាជធានីភ្នំពេញ ទុកដាក់វេចខ្ចប់សំរាមឲ្យបានត្រឹមត្រូវ កុំចេះតែងាយដៃ យកសំរាមទៅបោះចោលពាសវាលពាសកាល និងត្រូវយកទៅដាក់ក្នុងធុងសំរាមដែល មិនបង្កផលប៉ះពាល់ដល់បរិស្ថាន សោភ័ណភាព និងសុខភាពប្រជាពលរដ្ឋទូទៅ ជាពិសេសមិនត្រូវយកសំរាមទៅចោលក្នុងអណ្តូងលូ ឬក្នុងប្រឡាយទេ ៕
ចែករំលែកព័តមាននេះ