Demarai Gray ខ្សែបម្រើឆ្នើមក្លិប Leicester ក្នុងក្របខ័ណ្ឌប្រឺមីញេលីកអង់គ្លេសប៊ិះរងគ្រោះថ្នាក់ដល់ជីវិតក្នុងពេលជិះឧទ្ធម្ភាគចក្រទៅចូលរួមពិធីប្រកាសរង្វាន់កីឡាករឆ្នើមរបស់សមាគមកីឡាករបាល់ទាត់អាជីព(PFA)នៅទីក្រុងឡុង ចក្រភពអង់គ្លេស។
ហេតុការណ៍បានកើតឡើងនៅពេលDemarai Gray ចុះពីឧទ្ធម្ភាគចក្រដែលចុះចតនៅក្រុងឡុង រួចដើរឆ្ពោះទៅកង្ហារខាងក្រោយឧទ្ធម្ភាគចក្រ ប៉ុន្តែសំណាងល្អត្រូវបានសន្តិសុខឃើញទាន់ស្រែកហៅ និងចាប់ទាញមកវិញ បើមិនដូច្នោះទេកីឡាកររូបនេះច្បាស់ជាត្រូវកង្ហារឧទ្ធម្ភាគចក្រកាត់ដាច់កមិនខាន ។ Demarai Gray និងកីឡាករជាច្រើនរូបទៀត បានធ្វើដំណើរដោយឧទ្ធម្ភាគចក្រក្រោយពេលចប់ការប្រកួតផ្ដួលក្លិបSwansea ៤-០ ដើម្បីទៅទស្សនាការផ្ដល់រង្វាន់ដល់កីឡាករឆ្នើមរបស់PFA កាលពីថ្ងៃទី២៤ មេសា កន្លងមក ៕
ចែករំលែកព័តមាននេះ