ទឹកនោមផ្អែមគឺជាជំងឺរ៉ាំរ៉ៃមួយប្រភេទដែលត្រូវតែធ្វើការព្យាបាលពេញមួយជីវិត ។ អ្នកដែលមានរោគទឹកនោមផ្អែមភាគច្រើនគឺមិនបានដឹងខ្លួនទេ ដោយសារតែជំងឺនេះមិនមានរោគសញ្ញាលេចចេញច្បាស់លាស់
ទឹកនោមផ្អែមគឺជាជំងឺរ៉ាំរ៉ៃមួយប្រភេទដែលត្រូវតែធ្វើការព្យាបាលពេញមួយជីវិត ។ អ្នកដែលមានរោគទឹកនោមផ្អែមភាគច្រើនគឺមិនបានដឹងខ្លួនទេ ដោយសារតែជំងឺនេះមិនមានរោគសញ្ញាលេចចេញច្បាស់លាស់ ដែលអាចបញ្ជាក់ថា ជាជំងឺទឹកនោមផ្អែម ដូច្នេះទើបអ្នកជំងឺភាគច្រើនទម្រាំបានដឹងគឺហួសពេលទៅហើយ។ ដោយសារតែបែបនេះហើយទើបគ្រូពេទ្យណែនាំឱ្យមានការទៅពិនិត្យតាមដានសុខភាពក្នុងរយៈពេល១ឆ្នាំឬ៦ខែម្តងដើម្បីរកវិធីបង្ការ ។
ថ្វីបើជំងឺនេះមិនមានរោគសញ្ញាបញ្ជាក់ច្បាស់លាស់ក៏ពិតមែន តែតាមការជួបប្រទះនាពេលកន្លងមក អ្នកជំងឺដែលកើតមានជំងឺទឹកនោមផ្អែមច្រើនតែបង្ហាញនូវសញ្ញាមួយចំនួនដូចជា៖
នោមញឹក, ស្ងួតក, ស្រេចទឹក, ស្រកទម្ងន់,អស់កម្លាំងញឹកញាប់, ស្រវាំងភ្នែក, ទទួលទានច្រើន…។ នៅពេលលោកអ្នកកើតមានសញ្ញាដូចដែលបានរៀបរាប់ខាងលើនេះ គួរតែទៅជួបជាមួយគ្រូពេទ្យដើម្បីពិនិត្យរកមើលជំងឺទឹកនោមផ្អែម ។ ប៉ុន្តែករណីមួយចំនួនអ្នកជំងឺមិនមានអាការអ្វីទាំងអស់ គឺចាប់ផ្តើមកើតយ៉ាងស្ងៀមស្ងាត់ រហូតដល់ធ្លាក់ខ្លួនធ្ងន់ធ្ងរទើបដឹងថាខ្លួនកើតមានជំងឺទឹកនោមផ្អែម ដែលរូបភាពបែបនេះមិនងាយនឹងព្យាបាលឡើយ ។
ទោះជាយ៉ាងណាក៏ដោយ ជំងឺទឹកនោមផ្អែម បើកាលណាអ្នកជំងឺគ្រប់គ្រងកម្រិតជាតិស្ករក្នុងឈាមបានល្អ ក៏អាចមានជីវិតរស់នៅដូចមនុស្សធម្មតាដែរ ៕
ចែករំលែកព័តមាននេះ