ការកាត់បន្ថយបុគ្គលិកកើតឡើងនៅ Intel ដែលជាក្រុមហ៊ុនផលិតបន្ទះ Chip ធំជាងគេរបស់ពិភពលោក ។ ក្រុមហ៊ុនបានប្រកាសកាត់បន្ថយបុគ្គលិកប្រមាណជា១២.០០០នាក់នៅទូទាំងពិភពលោក ដែលចំនួនបុគ្គលិកស្មើនឹងទំហំ១១
ការកាត់បន្ថយបុគ្គលិកកើតឡើងនៅ Intel ដែលជាក្រុមហ៊ុនផលិតបន្ទះ Chip ធំជាងគេរបស់ពិភពលោក ។ ក្រុមហ៊ុនបានប្រកាសកាត់បន្ថយបុគ្គលិកប្រមាណជា១២.០០០នាក់នៅទូទាំងពិភពលោក ដែលចំនួនបុគ្គលិកស្មើនឹងទំហំ១១ ភាគរយនៃកម្លាំងការងាររបស់ក្រុមហ៊ុនមាន ។
ក្រុមហ៊ុននាំមុខគេផ្នែកបន្ទះ Chip អេឡិចត្រូនិកមានបុគ្គលិកសរុបចំនួន ១០៧.៣០០ នាក់កាលពីចុងឆ្នាំមុននិយាយថា ភាគច្រើននៃដំណើរការកាត់បន្ថយបុគ្គលិកទាំងនោះនឹងត្រូវធ្វើឡើងក្នុងរយៈពេលពីរទីបីខែទៀត ខណៈរយៈពេលកាត់បន្ថយនឹងអូសបន្លាយពេញ១ឆ្នាំឯណោះ ។
ក្រុមហ៊ុន Intel រំពឹងថា កំណែទម្រង់ថ្មីនេះនឹងជួយធ្វើឱ្យក្រុមហ៊ុនសន្សំប្រាក់បានចំនួន៧៥០ លានដុល្លារក្នុងឆ្នាំ២០១៦នេះ និងក្បែរ១,៥ ពាន់លានដុល្លារនៅពាក់កណ្តាលឆ្នាំបន្ទាប់ទៀត។
ការកាត់បន្ថយបុគ្គលិកនេះធ្វើឡើងតាមរយៈការស្ម័គ្រចិត្ត និងតាមរយៈការកំណត់ពីថ្នាក់លើរបស់ក្រុមហ៊ុន ៕
ចែករំលែកព័តមាននេះ