រាជធានីភ្នំពេញ ៖ ដើម្បីលើកទឹកចិត្តដល់កីឡាការិនីតៃក្វាន់ដូជម្រើសជាតិកម្ពុជា កញ្ញា ស៊ន សៀវម៉ី ដែលទទួលបានសិទ្ឋិចូលរួមប្រកួតកីឡាអូឡាំពិករដូវក្តៅនៅប្រទេសប្រេស៊ីល បន្ទាប់ពីឈ្នះមេដាយមាសក្នុងការប្រកួតជម្រុះកីឡាអូឡាំពិកជាលើក
រាជធានីភ្នំពេញ ៖ ដើម្បីលើកទឹកចិត្តដល់កីឡាការិនីតៃក្វាន់ដូជម្រើសជាតិកម្ពុជា កញ្ញា ស៊ន សៀវម៉ី ដែលទទួលបានសិទ្ឋិចូលរួមប្រកួតកីឡាអូឡាំពិករដូវក្តៅនៅប្រទេសប្រេស៊ីល បន្ទាប់ពីឈ្នះមេដាយមាសក្នុងការប្រកួតជម្រុះកីឡាអូឡាំពិកជាលើកដំបូងក្នុងរយៈពេលជាង៦០ឆ្នាំនោះរួចមក គណៈកម្មាធិការជាតិកីឡាអូឡាំពិកកម្ពុជា (NOCC) បានផ្តល់ប្រាក់លើកទឹកចិត្តចំនួន១ពាន់ដុល្លារ ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងនៅប៉ុន្មាននាទីមុននេះទៀតថា ចូលរួមក្នុងពិធីអបអរសាទរដល់កញ្ញា ស៊ន សៀវម៉ី និងគណៈប្រតិភូកីឡាតៃក្វាន់ដូនៅទីស្នាក់ការ NOCC ដែលទើបនឹងបិទបញ្ចប់នៅមុននេះបន្តិចគឺមានការចូលរួមពីលោក ថោង ខុន ប្រធានគណៈកម្មាធិការជាតិកីឡាអូឡាំពិកកម្ពុជា រដ្ឋមន្ត្រីក្រសួងអប់រំ ហង់ ជួនណារ៉ុន លោកនាយឧត្តមសេនីយ៍ សៅ សុខានិងថ្នាក់ដឹកនាំគណៈកម្មាធិការជាតិកីឡាអូឡាំពិកកម្ពុជា ក្រសួងអប់រំជាច្រើនរូបទៀត ។
សេចក្តីរាយការណ៍ក៍បានបញ្ជាក់ទៀតថា ក្រៅពី សៀវ ម៉ី កីឡាការិនីតៃក្វាន់ដូ ឈឿង ពុទ្ឋរីម ដែលទទួលបានមេដាយសំរឹទ្ឋជើងឯកអាស៊ីនៅហ្វីលីពីននិងគ្រូបង្វឹកក៍ទទួលបានប្រាក់លើកទឹកចិត្តពី NOCC ក្នុងម្នាក់១ពាន់ដុល្លារផងដែរ ។
ដោយឡែកបើទោះបីជាពុំមានចែងនៅក្នុងអនុក្រឹត្យស្តីពីការផ្តល់ប្រាក់រង្វាន់សម្រាប់កីឡាករកីឡាការិនីដែលប្រកួតជម្រុះទទួលបានសិទ្ឋិចូលរួមកីឡាអូឡាំពិកនោះក្តី ប៉ុន្តែដោយសារតែក្នុងរយៈពេលជាង៦០ឆ្នាំ ទើបតែមានកញ្ញា ស៊ន សៀវម៉ីម្នាក់នោះ សម្តេចតេជោ ហ៊ុន សែន បានសម្រេចផ្តល់ប្រាក់រង្វាន់ស្មើនឹងប្រាក់រង្វាន់ក្នុងអនុក្រឹត្យមេដាយមាសទ្វីបអាស៊ីចំនួន៨០លានរៀលដល់ស៊ន សៀវម៉ីផងដែរ ៕
ចែករំលែកព័តមាននេះ