ទីសត្តឃាតមួយកន្លែង បង្កផលប៉ះពាល់ដល់ការរស់នៅរបស់ប្រជាពលរដ្ឋ
ខេត្តប៉ៃលិន ៖ ប្រជាពលរដ្ឋជាច្រើននាក់ បានធ្វើការរិះគន់ទៅលើអាជ្ញាធរមូលដ្ឋាន ក៏ដូចជាម្ចាស់កន្លែងសត្តឃាតជ្រូកគោថា មិនចេះរៀបចំបង្ហូរទឹកស្អុយ កាកសំណល់
ខេត្តប៉ៃលិន ៖ ប្រជាពលរដ្ឋជាច្រើននាក់ បានធ្វើការរិះគន់ទៅលើអាជ្ញាធរមូលដ្ឋាន ក៏ដូចជាម្ចាស់កន្លែងសត្តឃាតជ្រូកគោថា មិនចេះរៀបចំបង្ហូរទឹកស្អុយ កាកសំណល់
ខេត្តប៉ៃលិន ៖ ប្រជាពលរដ្ឋជាច្រើននាក់ បានធ្វើការរិះគន់ទៅលើអាជ្ញាធរមូលដ្ឋាន ក៏ដូចជាម្ចាស់កន្លែងសត្តឃាតជ្រូកគោថា មិនចេះរៀបចំបង្ហូរទឹកស្អុយ កាកសំណល់ លាមកជ្រូក និងគោ ឱ្យបានសមរម្យ ពោលគឺមិនបានប្រើថ្នាំបំបាត់ក្លិនស្អុយឆួល ខណៈខ្យល់បក់មកលើផ្ទះពួកគាត់នោះឡើយ ។ បន្ទាប់ពីសម្លាប់ សត្វ ជ្រូក និងគោយកទៅលក់ដូរនៅទីផ្សារជារៀងរាល់ថ្ងៃ ។ ម្យ៉ាងវិញទៀត ពេលភ្លៀងធ្លាក់ជោគជាំនៅរដូវវស្សាវិញ ធ្វើឱ្យទឹកស្អុយទាំងនោះហូរចេញពីកន្លែងសត្តឃាត ចូលទៅតាមផ្ទះរបស់ពួកគាត់ ដែលនៅផ្នែកខា ងក្រោម បង្កឱ្យងាប់ ដំណាំដាំដុះថែមទៀតផង ។
ជាក់ស្តែងស្តង់សត្តឃាត ជ្រូក គោ មួ យកន្លែង ដែលមានម្ចាស់ ឈ្មោះ តាផល ភេទប្រុស អាយុប្រហែល៥០ឆ្នាំ ស្ថិតនៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ជះក្លិនស្អុយអសោច បង្កផលប៉ះពាល់ធ្ងន់ធ្ងរដល់បរិស្ថាន ដែលមានប្រជាពលរដ្ឋជាង៥០គ្រួសារកំពុងទទួលរងឥទ្ធិពលយ៉ាងធ្ងន់ធ្ងរនេះ ។ បើតាមការរៀបរាប់ពីលោក អេម សារិន អនុភូមិសួនអំពៅលិច សង្កាត់ប៉ៃលិន ក្រុង ប៉ៃលិន បានឱ្យដឹងថា ស្តង់កាប់ ជ្រូក គោ មួយកន្លែងនៅទល់មុខនឹងផ្ទះរបស់លោក ត្រូវបានបុរសម្នាក់ ឈ្មោះ សុផល រស់នៅភូមិប៉ាហ៊ី សង្កាត់ប៉ៃលិន ក្រុងប៉ៃលិន ជាអ្នកដេញថ្លៃយកមកកាប់ពេលយប់ៗ ហើយដឹកយកទៅលក់ដូរ ចែកចាយនៅផ្សារប៉ៃលិន ។ លោកបន្តទៀតថា ក្រោយពីកាប់ រួចកាកសំណល់ទាំងនោះ ត្រូវគេបង្ហូរចូលស្រះទឹកមួយនៅក្បែរកន្លែងនោះដែរ ហើយបង្កទៅជាក្លិនស្អុយជះចូលផ្ទះរបស់លោក និងផ្ទះប្រជាពលរដ្ឋផ្សេងៗ ទៀតជាង៥០គ្រួសារឯណោះ ។
លោកបញ្ជាក់ទៀតថា ប្រជាពលរដ្ឋជាច្រើននាក់ តែងតែនាំគ្នាមកជម្រាបប្រាប់លោកឱ្យរាយការណ៍ជូនអាជ្ញាធរ ក្រុង ខេត្ត ដើម្បីចុះមកពិនិត្យ និងរ កវិធីដោះស្រាយ ហើយកាលពីប៉ុន្មានខែមុនគេឃើញខាងបរិស្ថានចុះទៅមើលដែរ លុះក្រោយមកមិនទាន់ឃើញមានការកែប្រែ ឬលប់បំបាត់ក្លិនស្អុយចេញពីស្តង់នោះឡើយ ពោលគឺស្ងាត់ឈឹងទៅវិញរហូតមកដល់ពេលនេះ នៅតែមានក្លិនស្អុយដដែល ពិសេសពេលហូបបាយម្តងៗ លេបស្ទើរមិនចូលនោះឡើយ ស្អុយជាងគំរង់ទៅទៀត ។
ប្រជាពលរដ្ឋជាច្រើននាក់ បានរិះគន់អាជ្ញាធរ ក្រុង ខេត្ត ក៏ដូចជាមន្ទីរពាក់ព័ន្ធថា មិនគិតខ្វល់ខ្វាយពីសុភាពប្រជាពលរដ្ឋនោះឡើយ ដោយចេះបណ្តែតបណ្តោយឱ្យក្រុមឈ្មួញធ្វើអ្វីៗ ស្រេចតែនឹងចិត្ត គិតតែប្រយោជន៍ខ្លួនឯង ។ ម្យ៉ាងវិញទៀត ការកាប់ជ្រូក គោ បង្ហូរចូលក្នុងស្រះទឹកគ្មានដាក់ថ្នាំ កំចាត់ក្លិស្អុយនោះឡើយ ដោយទុកឱ្យជះក្លិនបង្កផ លប៉ះពាល់ដល់ការរស់នៅរបស់ពួកគាត់នៅជុំវិញនោះផងដែរ បង្កទៅជាជំងឺផ្លូវដង្ហើម និង រលាកសួតថែមទៀតផង ។
ពាក់ព័ន្ធទៅនឹងបញ្ហានេះ លោក គឹម សុខា ប្រធានមន្ទីរបរិស្ថានខេត្ត បានឱ្យដឹងតាមទូរស័ព្ទកាលពីព្រឹកថ្ងៃទី២០ ខែមេសា កន្លងទៅនេះថា ខាងលោកធ្លាប់ចុះទៅណែនាំឱ្យ ម្ចាស់ស្តង់រៀបចំឱ្យបានសមរម្យ ដើម្បីកុំឱ្យប៉ះពាល់ដល់សុខភាពប្រជាពលរដ្ឋដែរ ។ តែក្រោយមកខាងម្ចាស់ស្តង់សុំពន្យាពេលបន្តិចទៀត ព្រោះគេនឹងប្តូរចេញទៅដាក់នៅកន្លែងផ្សេង ឆ្ងាយពីលំនៅឋានរបស់ប្រជាពលរដ្ឋ ហើយបើសិនជានៅបន្តផលប៉ះពាល់ខាងលោកនឹងចុះទៅ ពិនិត្យនៅពេលក្រោយឆាប់ៗខាងមុខនេះ ៕
ចែករំលែកព័តមាននេះ