ការប្រកួតនៅក្នុងពូលAកាលពីថ្ងៃសៅរ៍ នៅលើទីលានដំរីសនោះ អ្វីដែលធ្វើឱ្យគេមានការចាប់អារម្មណ៍បំផុតនោះ គឺក្រុម Multi Media ចាប់ផ្ដើមមានទឹកមាត់លេបបន្តិចវិញហើយ បន្ទាប់ពីបានយកឈ្នះក្រុម Blue Dragon ក្នុងលទ្ធផល៤-២ ។ តាមពិតក្រុមអ្នកកាសែតមួយនេះ លេងចាញ់គេ២ប្រកួតរួចមកហើយទើបតែលើកនេះគេមានឱកាសរកបាន៣ពិន្ទុ ។ មួយប្រកួតទៀតក្រុមDN Youth FC បានត្រឹមស្មើ២-២ ជាមួយក្រុម V.train ។ ចំណែកការប្រកួតនៅក្នុងពូលB នៅលើទីលានដំរីសដដែលមានទាំងអស់៤ប្រកួត ។ ពេលព្រឹកមាន២ប្រកួត ក្រុមGood Hill FCបានយកឈ្នះក្រុមNissay FC ១-០ ខណៈមួយប្រកួតទៀតក្រុមPoukmak FC បានយកឈ្នះក្រុមHHK ៧-១ ។ ពេលល្ងាច ក្រុមYFCបានយកឈ្នះលើក្រុមWhite Bird FC ១០-០ និងមួយប្រកួតទៀតក្រុមKhmer United រកបាន៣ពិន្ទុបន្ថែមដោយស្វ័យប្រវត្តិដោយសារតែក្រុមRFL FC ជាប់លេងជាមួយក្រុមផ្សេងទៀតមិនបានមកប្រកួត ។ សម្រាប់ពូល A ក្រុម Khmer United នៅតែបន្តនាំមុខក្នុងតារាងដោយការប្រកួតទាំង៣លើកឈ្នះទាំង៣លើកមាន៩ពិន្ទុ ។
ការប្រកួតនៅក្នុងពូល B ក្រុមBlack Tiger និងក្រុម White Tiger ទទួលបាន៣ពិន្ទុបន្ថែមពីការប្រកួតកាលពីថ្ងៃសៅរ៍ដូចគ្នា ។ ក្រុម Black Tiger ដែលប្រកួតជាមួយក្រុម Fort នោះត្រូវបានគណៈកម្មការរៀបចំការប្រកួតប្រកាសឱ្យឈ្នះដោយស្វ័យប្រវត្តិ ខណៈក្រុមWhite Tiger ក៏ត្រូវបានគណៈកម្មការរៀបចំការប្រកួតប្រកាសឱ្យឈ្នះលើក្រុមស្ថាបនាដូចគ្នា ដោយសារក្រុមមួយនេះជាប់រវល់ចូលរួមពិធីមង្គលការប្រធានក្រុមរបស់គេ ។
ការប្រកួតនៅក្នុងពូល B ថ្ងៃអាទិត្យ ពេលព្រឹកមាន២ប្រកួត ក្រុមV.K Unitedបានយកឈ្នះលើក្រុមកូនខ្មែរ២-០ ខណៈក្រុមអាកាសចរណ៍ស៊ីវិលបានយកឈ្នះលើក្រុមព្រៃសិលា៦-៣ ។ ការប្រកួតពេលល្ងាច ក្រុមAnvaya បានយកឈ្នះក្រុមបាសាក់ ២-១ នៅមុនក្រុមរុក្ខកីឡាចាញ់ក្រុម EDC ៣-១ ។
គិតត្រឹមសប្ដាហ៍នេះក្រុម EDC នៅតែបន្តនាំមុខក្នុងតារាងដោយលេង៣ប្រកួតឈ្នះទាំង៣ប្រកួតមាន៩ពិន្ទុ បន្ទាប់មកក្រុម Black Eagle ឈ្នះ២ស្មើ១មាន៧ពិន្ទុ និងក្រុម White Tiger ឈរនៅលេខរៀងទី៣ឈ្នះ២ចាញ់១មាន៦ពិន្ទុ ៕
ចែករំលែកព័តមាននេះ