ផ្អើលពេញហាង! បុរស២នាក់ផឹកស្រវឹង ស្រាប់តែដកកាំភ្លើងសំញ៉ែងគេឯងក្នុងហាង
- ភ្នំពេញ
មានបុរស២នាក់បានចូលទៅផឹកស៊ីនៅហាងមួយកន្លែង លុះស្រវឹងធ្លាក់ភ្នែកក៏ដកកាំភ្លើងខ្លីសំញ៉ែងគេឯងផ្អើលពេញក្នុងហាង ហើយក៏ត្រូវបាន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានបុរស២នាក់បានចូលទៅផឹកស៊ីនៅហាងមួយកន្លែង លុះស្រវឹងធ្លាក់ភ្នែកក៏ដកកាំភ្លើងខ្លីសំញ៉ែងគេឯងផ្អើលពេញក្នុងហាង ហើយក៏ត្រូវបានរាយការណ៍ជូនសមត្ថកិច្ចខណ្ឌចំការមន ឱ្យចុះទៅឃាត់ខ្លួនយកទៅសួរនាំភ្លាមៗ បង្កការភ្ញាក់ផ្អើលនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២ ខែវិច្ឆិកា ឆ្នាំ២០២១ នៅចំណុចហាងយីហោ «វីហ្រេន» ដែលស្ថិតនៅតាមបណ្ដោយផ្លូវ៤៧៤ កែង១០១ ក្នុងសង្កាត់បឹងត្របែក ខណ្ឌចំការមន ។
ហើយសមត្ថកិច្ចនៅមិនទាន់បង្ហាញអត្តសញ្ញាណបុរសទាំង២នាក់ខាងលើនេះថា តើនៅអង្គភាពណានៅឡើយទេ? គ្រាន់តែដឹងថា បានធ្វើការដកហូតកាំភ្លើងខ្លីមួយ និងរថយន្តម៉ាកឡីចស៊ីស RX300 ពាក់ស្លាកលេខ ភ្នំពេញ 2BC 7125 មួយគ្រឿង ។
តាមប្រភពពីកន្លែងកើតហេតុ បានអោយដឹងថា មុនពេលកើតហេតុ គេបានឃើញបុរស២នាក់ បានបើករថយន្តស៊េរីទំនើបម៉ាក ឡិចស៊ីស RX300 ពណ៌ខ្មៅ មួយគ្រឿង ចូលមកផឹកស៊ីនៅក្នុងហាងខាងលើ ដោយមិនដឹងថា គាត់ចូលចិត្តលេងកាំភ្លើង ឬអួតថាគាត់មានកាំភ្លើងនោះទេ ប៉ុន្តែលុះពេលផឹកស្រវឹង ក៏ស្រាប់តែដកកាំភ្លើងខ្លីចេញពីចង្កេះ រួចសំញ៉ែងគេឯងផ្អើលពេញក្នុងហាងតែម្តង។
ប្រភពដដែលបន្តថា ហើយពេលនោះ គាប់ជួនក៏មានកម្លាំងសមត្ថកិច្ចមួយក្រុមស្លៀកពាក់ស៊ីវិល ដែលបានមកអង្គុយផឹកស៊ីនៅក្បែរនោះ ឃើញសភាពមិនស្រួល ក៏បានទាក់ទងហៅកម្លាំងសមត្ថកិច្ចនៃអធិការដ្ឋាននគរបាលខណ្ឌចំការមន អោយចុះទៅទីតាំងកើតហេតុនោះតែម្ដង ។
ពាក់ព័ន្ធក្នុងករណីខាងលើនេះដែរ សមត្ថកិច្ចខណ្ឌចំការមន បានសួរនាំ និងបានឆែកឆេរក្នុងរថយន្ត ក៏រកឃើញកាំភ្លើងខ្លីមួយដើមម៉ាកឡុក តែកាំភ្លើងនោះមិនទាន់បានផ្ទុះនោះទេ ទើបសមត្ថកិច្ចក៏សំរេចនាំបុរសទាំង២នាក់ យកទៅសាកសួរនៅអធិការដ្ឋាននគរបាលខណ្ឌចំការមន ជាបន្តទៀត ។
ទោះជាយ៉ាងណា ក្នុងករណីខាងលើនេះដែរ សមត្ថកិច្ចមិនទាន់អោយដឹងថា តើបុគ្គល២នាក់នោះ អាចមានទោសទាន់ ឬបានត្រឹមធ្វើការអប់រំ រួចអោយត្រលប់ទៅផ្ទះវិញឬយ៉ាងណានោះទេ? ៕
ចែករំលែកព័តមាននេះ