សង្គ្រាមអ៉ីរ៉ង់ ៖ ជាអាជ្ញាកណ្ដាលពិភពលោករយៈពលប៉ុន្មានឆ្នាំចុងក្រោយនេះ ប្រទេសកាតា កាលពីថ្ងៃទី១០ មីនា បានធ្វើការព្រមានត្រង់ៗទៅអ៉ីរ់ង់ ព្រមទាំងសហរដ្ឋអាមេរិក និងអ៉ីស្រាអែល។ ចាប់តាំងពីឆ្នាំ២០២៣មកកាតាតែងព្រមានពិភពលោក…
សង្គ្រាមអ៉ីរ៉ង់ ៖ ជាអាជ្ញាកណ្ដាលពិភពលោករយៈពលប៉ុន្មានឆ្នាំចុងក្រោយនេះ ប្រទេសកាតា កាលពីថ្ងៃទី១០ មីនា បានធ្វើការព្រមានត្រង់ៗទៅអ៉ីរ់ង់ ព្រមទាំងសហរដ្ឋអាមេរិក និងអ៉ីស្រាអែល។ ចាប់តាំងពីឆ្នាំ២០២៣មកកាតាតែងព្រមានពិភពលោក ពីលទ្ធផលប្រកបដោយគ្រោះមហន្ត រាយ ដែលយើងឃើញក្នុងតំបន់ទាំងមូលនិងបណ្ដាផលវិបាករបស់ពិភពលោក ចំពោះការបង្កើនសង្គ្រាមដែលកំពុងបន្តជាមួយអ៉ីរ៉ង់។
អ្នកនាំពាក្យក្រសួងការបរទេសកាតា និងជាទីប្រឹក្សារបស់នាយករដ្ឋមន្ត្រី លោកបណ្ឌិត MAJED AL-ANSARI ថ្លែងទៅកាន់សារព័ត៌មាន កាលពីថ្ងៃទី១០ មីនា នៅក្រុងដូហាថា នោះជាគ្រោះមហន្តរាយធំណាស់ហើយខ្ញុំនិយាយច្បាស់ថា នោះជាគ្រោះមហន្តរាយនៃប្រវត្តិសាស្ត្រពិភពលោក។ លោកបន្តថា កាតានិយាយចាប់តាំងពីថ្ងៃដំបូងនៃសង្គ្រាមមកម្ល៉េះថា ការកើនឡើងនៃភាពតានតឹងដែលចាប់ផ្ដើមពីឆ្នាំ២០២៣មក ដែលមិនត្រូវបានដោះស្រាយ នោះវានឹងនាំទៅរកសង្គ្រាមតំបន់មួយ។ ឥឡូវយើងឃើញសង្គ្រាមតំបន់នោះហើយ។
លោកបណ្ឌិតMAJED AL-ANSARIបន្តទៀតថា កាតាយល់ថាសង្គ្រាមនឹងនៅបន្តហើយសង្គ្រាមនោះ ពិតណាស់គ្រោះថ្នាក់ខ្លាំងបំផុតសម្រាប់តំបន់ហើយយើងសូមព្រមានជាថ្មីម្ដងទៀតថា ប្រសិនបើយើងមិនធ្វើអ្វីសោះ ហើយប្រសិនបើជម្លោះឈានចេញពីបន្ទប់ចរចាទៅរកទីលានប្រយុទ្ធនោះបណ្ដាផលវិបាកនឹងកាន់តែប្រកបដោយគ្រោះមហន្តរាយខ្លាំងថែមទៀតសម្រាប់បណ្ដាប្រជាជនតំបន់។
លោកថា អ៉ីរ៉ង់ត្រូវបញ្ឈប់ការវាយប្រហាររបស់ខ្លួនមុនរាល់ការចរចា ស្ដីពីដំណោះស្រាយការទូតហើយបានចោទប្រកាន់អ៉ីរ៉ង់ថា យកបណ្ដាហេដ្ឋារចនាសម្ព័ន្ធស៊ីវិលជាគោលដៅវាយប្រហារ ដែលនោះជាគ្រោះថ្នាក់ធ្ងន់ធ្ងរសម្រាប់ប្រជាជនក្នុងតំបន់និងហួសពីនេះទៀត។
អ៉ីរ៉ង់អះអាងជាច្រើនលើកថា ខ្លួនវាយប្រហារតែលើបណ្ដាផលប្រយោជន៍អាមេរិកក្នុងតំបន់ ឈូងសមុទ្រតែដោយគំរាមថា រាល់ការទ្រទ្រង់របស់តំបន់ដល់អាមេរិកនោះនឹងត្រូវអ៉ីរ៉ង់ចាត់ទុកថា ជាអំពើប្រទូស្តរ៉ាយដែលអ៉ីរ៉ង់ត្រូវវាយប្រហារ៕
ចែករំលែកព័តមាននេះ