បរទេស ៖ ខ្សែប្រយុទ្ធ Cristiano Ronaldo និង​មិត្ត​ស្រី​គឺ​នាង Georgina Rodriguez កាលពី​ថ្ងៃ​ទី​២៨ ខែតុលា បាន​ប្រកាស​ដំណឹង​គួរ​ឱ្យ​ភ្ញាក់ផ្អើល​នៅ​លើ​គណនី Instagram ផ្ទាល់ខ្លួន​ដោយ​បាន​បញ្ជាក់​ថា មិត្ត​ស្រី​របស់​ខ្លួន​កំពុង​ពពោះ​កូនភ្លោះ​។ គួររំលឹកថា អបអរសាទរ​! Cristiano Ronaldo និង​មិត្ត​ស្រី​ប្រកាស​ទទួល​បាន​ចំណងដៃ​កូនភ្លោះ

គិត​រហូត​មក​ទល់​ថ្ងៃ​ទី​៣១ ខែតុលា រូបថត​ប្រកាស​ដំណឹង​កូនភ្លោះ ដែល​បង្ហោះ​ដោយ​ខ្សែប្រយុទ្ធ​ក្រុម​បិសាច​ក្រហម Manchester United វ័យ​៣៦​ឆ្នាំ​រូប​នេះ បាន​បំបែក​កំណត់​ត្រា​ក្លាយជា​រូបថត​របស់​អត្ត​ព​លិ​ក (​កីឡា​គ្រប់​ប្រភេទ​) ដែល​មាន​អ្នក​ចុច Likes (​សញ្ញា​បេះដូង​) នៅ​លើ​គណនី Instagram ច្រើន​ជាងគេ​បំផុត​នៅ​លើ​ពិភពលោក ពោល​គឺ​ជាង​៣០​លាន​នាក់ នៅ​លើ​គណនី​ដែល​មាន​អ្នកគាំទ្រ (Followers) សរុប​ប្រមាណ​៣៦១​លាន​នាក់​របស់​កីឡាករ​រូប​នេះ​។

ដោយ​បំបែក​កំណត់​ត្រា​រូបថត​ដែល​បង្ហោះ​ដោយ​ខ្សែប្រយុទ្ធ Lionel Messi នៅ​ថ្ងៃ​បង្ហាញខ្លួន​លើក​ដំបូង​ជាមួយ​ក្រុម PSG នៅ​ឯ​កីឡដ្ឋាន Parc des Princes ក្រោយ​ការ​ចាក​ចេញពី​ក្លិប Barcelona ដែល​មាន​ចំនួន​អ្នក​ចុច Likes ជាង​២២​លាន​នាក់ នៅ​លើ​គណនី​ដែល​មាន​អ្នកគាំទ្រ​សរុប​ប្រមាណ​២៧៨​លាន​នាក់​៕ (​ដកស្រង់​ចេញពី ESPN)