ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​នៅ​តែ​កំណត់​យក​ខែធ្នូ ឆ្នាំ២០២១ ធ្វើ​ជា​ម្ចាស់ផ្ទះ​ប្រកួត​កីឡា​ទូកក្ដោង​អន្តរជាតិ

1 ខែ មុន
  • ភ្នំពេញ

រាជធានីភ្នំពេញ ៖ បើ​ទោះជា​ស្ថានភាព​កូ​វីត​១៩ នៅ​តែ​បន្ត​រីក​រាល​រាល ក៏​​កម្ពុជា​នៅ​រក្សា​ជំហរ​ធ្វើ​ជា​ម្ចាស់ផ្ទះ​ក្នុង​ការ​រៀបចំ​ការ​

រាជធានីភ្នំពេញ ៖ បើ​ទោះជា​ស្ថានភាព​កូ​វីដ​១៩ នៅ​តែ​បន្ត​រីក​រាល​រាល ក៏​​កម្ពុជា​នៅ​រក្សា​ជំហរ​ធ្វើ​ជា​ម្ចាស់ផ្ទះ​ក្នុង​ការ​រៀបចំ​ការ​ប្រកួត​កីឡា​ទូកក្តោង​ជើងឯក​អាស៊ី​អាគ្នេយ៍ នា​ចុងឆ្នាំ​២០២១​នេះ នៅ​ក្នុង​ខេត្ត​ព្រះ​សីហ​នុ​។ គម្រោង​នេះ ត្រូវ​បាន​រំពឹង​ថា នឹង​ទាក់ទាញ​អ្នក​ទេសចរណ៍​ជាតិ និង​អន្តរជាតិ អោយ​ចាប់អារម្មណ៍​នោះ​ផង ។

យោង​តាម​សេចក្ដី​ប្រកាស​ចុង​ក្រោយ ប្រធាន​គណៈកម្មការ​រៀបចំ​ការ​ប្រកួត​កីឡា​ទូកក្តោង​ជើងឯក​អាស៊ី​អាគ្នេយ៍ ឆ្នាំ​២០២១ លោក ថោ​ង ខុន នៅ​តែ​បន្ត​ថ្លែង​ថា​ការ​ប្រកួត​កីឡា​ទូកក្តោង​ជើងឯក​អាស៊ី​អាគ្នេយ៍ នៅ​ខេត្ត​ព្រះ​សីហ​នុ នឹង​នៅ​តែ​កម្ពុជា​ធ្វើ​ជា​ម្ចាស់ផ្ទះ បើ​ទោះជា​ការ​រៀបចំ​នេះ គឺ​មិន​អាច​មាន​កីឡាករ​មក​ច្រើន​ប្រទេស​ចូលរួម​។ ប្រព្រឹត្ត​នេះ នៅ​តែ​រក្សា​ធ្វើ​ឡើង​នៅ​ឆ្នេរ​អូរ​ឈើ​​ទាល​ ពី​ថ្ងៃ​ទី​១២ ដល់​ថ្ងៃ​ទី​១៧ ខែធ្នូ ដោយ​មាន​ប្រទេស​ប្រហែលជា​៧​ប្រទេស​ចូលរួម​។

ការ​ប្រកួត​កីឡា​ទូកក្តោង​ដែល មាន​កិច្ចសហការ​ជាមួយនឹង​សហព័ន្ធ​កីឡា​ទូកក្ដោង​សិង្ហ​បុរី​នេះ គឺជា​ព្រឹត្តិការណ៍​អន្តរជាតិ ដោយ​កម្ពុជា​ធ្វើ​ជា​ម្ចាស់ផ្ទះ ដែល​កម្ពុជា​ត្រូវ​រក្សា​ការពារ​អោយ​ម៉ត់ចត់​បំផុត ដើម្បី​កុំអោយ​មាន​ហានិភ័យ​ពី​កូ​វីត​១៩​។

អគ្គលេខាធិការ​នៃ​គណៈកម្មាធិការ​ជាតិ​រៀបចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣ លោក​វ៉ា​ត់ ចំរើន បាន​ថ្លែង​ថា គោលដៅ​ចម្បង​នៃ​ការ​ទទួល​ធ្វើ​ម្ចាស់ផ្ទះ​ទូកក្តោង​នៅ​ចុងឆ្នាំ​២០២១​នេះ គឺ​ដើម្បី​ជម្រុញ​លើក កម្ពស់​គុណ​ផល កីឡា​កម្រិត​ខ្ពស់​របស់​កីឡា​ទូកក្ដោង​កម្ពុជា​នៅ​មុន​ការ​ត្រៀម​កីឡា​ស៊ី​ហ្គេ​ម​ឆ្នាំ​២០២៣ ដែល កម្ពុជា​នឹង​ធ្វើ​ជា​ម្ចាស់ផ្ទះ​។ ថ្វី​ដ្បិតតែ​ការ​រៀបចំ​នៅ​ក្នុង​បរិបទ​នា​ពេល​នេះ គឺ​មិន​អាច​អោយ​កម្ពុជា​រៀបចំ​អោយ​គគ្រឹកគគ្រេង​ខ្លាំង តែ​ក៏​ត្រូវ​តែ​បាន​ជោគជ័យ​ផង​ដែរ​។

លោក វ៉ា​ត់ ចំរើន បន្ត​ថា ការ​រៀបចំ​ការ​ប្រកួត​កីឡា​ទូកក្តោង​ជ្រើសរើស​ជើងឯក​អាស៊ី​អាគ្នេយ៍​ឆ្នាំ​២០២១ នៅ​ក្រុងព្រះសីហនុ គឺជា​ការ​ប្រកួត​តេស្ត​សាកល្បង​មើល​ការ​រៀបចំ​ប្រភេទ​កីឡា​មួយ ដើម្បី​ទុកជា​បទ​ពិសោធ​ឆ្ពោះទៅ​ការ​រៀបចំ​ប្រកួត​កីឡា​ស៊ី​ហ្គេ​ម​លើក​ទី​៣២ ឆ្នាំ ២០២៣ ព្រោះ​បើ​កម្ពុជា​រៀបចំ​បាន​ល្អ សម្រាប់​ស៊ី​ហ្គេ​មខាង​មុខ ក៏​កាន់តែ​មិន​ពិបាក​។ យ៉ាងណាមិញ​លោក​ថា បរិយាកាស​នៃ​ការ​រៀបចំ​គឺ​មិន​ដូច​គ្នា​នោះ​ទេ ដោយសារ​តែ​ការ​ប្រកួត​នៅ​ចុងឆ្នាំ​នេះ ត្រូវ​ចំ​កូ​វីត​មិន​ទាន់​ស្ងប់ ដែល​ពិបាក​រៀបចំ​អោយ​កក្រើក តែ​សម្រាប់​ស៊ី​ហ្គេ​ម គឺ​នៅ​ឆ្ងាយ​ទៀត ដែល​អាច​អោយ​កម្ពុជា​រៀបចំ​បាន​ធំដុំ​ខ្លាំង​។ លោក​គូសបញ្ជាក់​ថា គោលដៅ​ចម្បង នៃ​ការ​ទទួល​ធ្វើ​ម្ចាស់ផ្ទះ​កីឡា​ទូកក្តោង​ថ្នាក់​តំបន់​ចុងឆ្នាំ​នេះ គឺ​ដើម្បី​អោយ​អន្តរជាតិ​ដឹង​ពី​កម្លាំង​របស់​កម្ពុជា និង ម្យ៉ាង​ដើម្បី​អោយ​កីឡាករ​ទូកក្ដោង​កម្ពុជា​កាន់តែ​មាន​ទឹកចិត្ត ព្រោះ​បាន​ធ្វើ​ជា​ម្ចាស់ផ្ទះ​។ ការ​រៀបចំ​នេះ ក៏​ជា​កិត្តិយស និង​កិត្យានុភាព​ជាតិ ក្នុង​នាម​ជា​ម្ចាស់ផ្ទះ​ផង​ដែរ ទើប​កម្ពុជា​រក្សា​ជំហរ​រៀបចំ បើ​ទោះជា​កូ​វីដ​នៅ​តែ​​ជា​បញ្ហា​​បារម្ភ​ក្តី​។

សម្រាប់​សមាសភាព​ថ្នាក់ដឹកនាំ​គណៈកម្មការ​រៀបចំ​ព្រឹត្តិការណ៍​ទូកក្ដោង​អាស៊ី​អាគ្នេយ៍​ខាងលើ​សម្រាប់​ភាគី​កម្ពុជា រួម​មាន លោក​បណ្ឌិត ថោ​ង ខុន ជា​ប្រធាន​,​ឯកឧត្តម វ៉ា​ត់ ចំរើន ជា​អនុប្រធាន​អចិន្ដ្រៃយ៍ រួម​ជាមួយ​អនុប្រធាន ៣​រូប​ទៀត គឺ​មាន​លោក ឈ​ន សុភាព​, លោក ថោ​ង រដ្ឋ​សក្ដិ និង​លោក ម៉ាង ស៊ី​ណេ​ត​។ រីឯ​សមាជិក​គណៈកម្មការ​មាន ៦​រូប រួម​មាន​លោក អ៊ុ​ក សិទ្ធិ​ជាតិ​, លោក គៀត ច័ន្ទ​ថា​រិ​ទ្ធ​, លោក ហ៊ឹ​ម យ៉ា​ន​, លោក អ៊ុ​ក សីហា និង​លោក សោម សុទ្ធ​រិ​ទ្ធិ​ពង្ស​។ ក្នុង​នោះ​ក៏​មានការ​បែងចែក​គណៈកម្មការ​ជំនាញ​ចំនួន ៦​ផ្សេង​ទៀត​ផង​ដែរ​ដែរ​។​

​លោក​ពន្យល់​ថា ការ​ប្រកួត​កីឡា​ទូកក្ដោង​ជើងឯក​អាស៊ី​អាគ្នេយ៍ ឆ្នាំ​២០២១ គ្រោង​រៀបចំ​ពី​ថ្ងៃ​ទី​១២-១៧ ខែធ្នូ ឆ្នាំ​២០២១ នៅ​ខេត្ត​ព្រះ​សីហ​នុ ក្រោម​កិច្ចសហការ​រៀបចំ​រវាង​សហព័ន្ធ​កីឡា​ទូកក្ដោង​កម្ពុជា និង​សិង្ហ​បុរី គ្រោង​មានការ​ចូលរួម​ពី​កីឡាករ ១៥០​នាក់ មក​ពី ៧​ប្រទេស​ ។ ​លោក​បញ្ជាក់​ទៀត​ថា សម្រាប់​ការ​ទទួល​ធ្វើ​ជា​ម្ចាស់ផ្ទះ​នេះ យើង​នឹង​ទទួល​ធ្វើ​ប​ដិ​ណ្ឋា​កិច្ច​ភ្ញៀវ​មក​ចូលរួម​ទាំង​៧​ប្រទេស​ឲ្យ​ទទួល​បាន​ជោគជ័យ និង​មាន​សុវត្ថិភាព ពី​ជំងឺ​កូ​វី​ដ​១៩ តាម​ស្តង់ដា (S O P)​។ ទីតាំង​ដែល​ត្រូវ​ជ្រើស​ជា​កន្លែង​ប្រកួត​ទូកក្តោង​ជើងឯក​អាស៊ី​អាគ្នេយ៍​លើក​ទី​១​នៅ​ទឹកដី​កម្ពុជា​នេះ គឺ​ឆ្នេរ​អូ​ឈើទាល​ដែល​ជាទី​ប្រជុំជន​ធំ​តែ​ម្ដង​៕

Picture
Picture
Picture
Picture
Picture
Picture