រាជធានីភ្នំពេញ ៖ ក្រសួងអប់រំយុវជន និងកីឡាបានប្រកាសច្រានចោលចំពោះលិខិតមួយច្បាប់ផ្សាយថា ការប្រឡងសញ្ញាបត្របឋមភូមិ និងទុតិយភូមិឆ្នាំ២០២១-២០២២ ជាប់ជាស្ថាពរ នោះមិនពិតនោះទេ ។ យោងតាមលិខិតរបស់ក្រសួងអប់រំយុវជន…
រាជធានីភ្នំពេញ ៖ ក្រសួងអប់រំយុវជន និងកីឡាបានប្រកាសច្រានចោលចំពោះលិខិតមួយច្បាប់ផ្សាយថា ការប្រឡងសញ្ញាបត្របឋមភូមិ និងទុតិយភូមិឆ្នាំ២០២១-២០២២ ជាប់ជាស្ថាពរ នោះមិនពិតនោះទេ ។
យោងតាមលិខិតរបស់ក្រសួងអប់រំយុវជន និងកីឡា នៅថ្ងៃទី២៧ តុលា ឆ្នាំ២០២១ បានឲ្យដឹងថាលិខិតដែលចេញផ្សាយថា ការប្រឡងសញ្ញាបត្របឋមភូមិ (ឌីប្លូម) និងសញ្ញាបត្រទុតិយភូមិ (បាក់ឌុប) សម្រាប់ឆ្នាំ២០២១-២០២២ជាប់ជាស្ថាពរជាលិខិតក្លែងក្លាយ ។
យោងតាមលិខិតដែលចេញផ្សាយបានលើកឡើងថា លទ្ធផលនៃការប្រឡងសញ្ញាបត្រមធ្យមសិក្សាបឋមភូមិ និងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា ២០២១-២០២២ អនុវត្តតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាពាក់ព័ន្ធនឹងការប្រឡងសញ្ញាបត្រមធ្យមសិក្សាទុតិយភូមិ និងការប្រឡងសញ្ញាបត្រ រឿងកំណត់ឱ្យមធ្យមសិក្សាបឋមភូមិ ឆ្នាំសិក្សា២០២១-២០២២ ក្រសួងអប់រំយុវជន និងកីឡាកំណត់ឱ្យ «ជាប់ជាស្ថាពរ» ចំពោះ «បេក្ខជនទាំងអស់ ដែលបានចុះឈ្មោះប្រឡងដោយគ្មានកំណត់និទ្ទេស ។
ក្នុងលិខិតថា សេចក្តីដូចបានជម្រាបជូនខាងលើពីសិទ្ធិកយយុវជន និងកីឡា រាជធានី ខេត្ត គណៈគ្រប់គ្រង គ្រឹះស្ថានសិក្សា បុគ្គលិកអប់រំ មាតាបិតាអណាព្យាបាល សិស្សានុសិស្សគ្រប់រូប មេត្តាជ្រាបជាព័ត៌មាន ៕
ចែករំលែកព័តមាននេះ