ស្ត្រីម្នាក់ដែលគេអះអាងថា ជាអ្នករកស៊ីចង.ការបានមានទំនាស់គ្នា និងធាក់ស្ត្រីម្នាក់ទៀតជាកូនបំណុលចំនួន២ជើង បណ្តាលឱ្យចំថ្ងាស់ (តម្រង់នោម) ធ្វើឱ្យចុកពោះ រហូត
រាជធានីភ្នំពេញ ៖ ស្ត្រីម្នាក់ដែលគេអះអាងថា ជាអ្នករកស៊ីចងការបានមានទំនាស់គ្នា និងធាក់ស្ត្រីម្នាក់ទៀតជាកូនបំណុលចំនួន២ជើង បណ្តាលឱ្យចំថ្ងាស់ (តម្រង់នោម) ធ្វើឱ្យចុកពោះ រហូតដេកស្លា.ប់នៅលើគ្រែ ក្នុងបុរីរុងរឿងតែម្តង បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៤រសៀលថ្ងៃទី២៦ ខែតុលា ឆ្នាំ២០២១ នៅចំណុចនៅលើគ្រែ មុខបន្ទប់លេខ១ ៩-3K ជាន់ទី៣ ស្ថិតក្នុងភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
ស្ត្រីជាជនសង្ស័យដែលប្រើហិ.ង្សារូបនោះ មានឈ្មោះ លី សុភាព ភេទស្រី អាយុ៤០ឆ្នាំ មុខរបររកស៊ីចងការប្រាក់ ស្នាក់នៅភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បានរត់គេចខ្លួនបាត់ស្រមោល។ ចំណែកជនរងគ្រោះឈ្មោះ អៀង អេង ភេទស្រី អាយុ៤២ឆ្នាំ មានលំនៅកន្លែងកើតហេតុខាងលើ ។
បើតាមព័ត៌មានបានអោយដឹងថា នារីរងគ្រោះ និងស្ត្រីជាជនដៃដល់ធ្លាប់មានទំនាស់នឹងគ្នាជារឿយៗ រឿង លុយ ដែលចងការ។ ហើយនៅមុនពេលកើតហេតុ ជនដៃដល់បានទៅអង្គុយលេងជាមួយអ្នកក្បែរនោះ ដើម្បីរង់ចាំទារប្រាក់ ខណៈពេលនោះនារីរងគ្រោះក៏បានដើរចេញពីផ្ទះ ហើយនិយាយឌឺដង ជាមួយជនដៃដល់ដែលជាម្ចាស់បំណុលក៏កើតទៅជាទំនាស់នឹងគ្នា ហើយជនរងគ្រោះក៏បានយកស្បែរជើងគប់ជនដៃដល់ ចំណែកជនដៃដល់វិញ ក៏បានទាញកៅអីប្រុងវាយ តែត្រូវអ្នកជិតខាងឃាត់ទាន់។
ប្រភពដដែលបន្តថា លុះក្រោយមក ជនដៃដល់ក៏បានធាក់ជនរងគ្រោះចំនួន២ជើងចំ.ពោះ បណ្តាលអោយចុកពោះរត់ចូលទៅក្នុងផ្ទះ រួចជនដៃដល់ក៏បានគេចខ្លួនបាត់ស្រមោលតែម្តង។
តាមអ្នកជិតខាងបានអោយដឹងទៀតថា លុះក្រោយមក ជនរងគ្រោះក៏បានដើរចេញពីផ្ទះមកវិញ ហើយប្រាប់ថា «ឈឺក្បាល» ហើយជនរងគ្រោះក៏បានសុំថ្នាំប៉ារ៉ាមួយគ្រាប់លេប រួចក៏បានដេកនៅលើគ្រែមុខផ្ទះ លុះមួយសន្ទុះក្រោយមកជនរងគ្រោះក៏បានដាច់ខ្យល់ស្លា.ប់តែម្តង។
បើតាមឈ្មោះ ឈុំ ឆន អាយុ៤៨ឆ្នាំ ត្រូវជាប្តីរបស់ស្ត្រីរងគ្រោះ បានអោយសមត្ថកិច្ចដឹងថា ប្រពន្ធរបស់គាត់មានជំងឺប្រចាំកាយ ខូចតម្រង់នោម។ កន្លងមក ក៏ធ្លាប់មានទំនាស់គ្នាជាមួយនឹងជនដៃដល់ជាច្រើនលើកមកហើយ។
បន្ទាប់ពីស្ត្រីរងគ្រោះក៏ចុកពោះរហូតដេកស្លា.ប់ ហើយនគរបាលមូលដ្ឋានក៏បានចុះទៅកន្លែងកើតហេតុ ហើយក៏បានទាក់ទងនគរបាលជំនាញ ដើម្បីចុះទៅត្រួតពិនិត្យសាកស.ពជនរងគ្រោះនោះវេលាក្បាលព្រលប់។
តាមសមត្ថកិច្ចបានធ្វើការសន្និដ្ឋានថា ស្ត្រីរងគ្រោះស្លា.ប់ដោយសារគាំងបេះដូង ក្រោយពេលរងការប្រើហិ.ង្សា ដោយធាក់ចំតម្រង់នោម ។ ក្រោយពេលកើតហេតុ សាកស.ពជនរងគ្រោះត្រូវបានសមត្ថកិច្ច ប្រគល់អោយក្រុមគ្រួសារយកធ្វើបុណ្យតាមប្រពៃណី។ ចំណែកជនដៃដល់ដែលបានគេចខ្លួននោះ សមត្ថកិច្ចកំពុងតែស្រាវជ្រាវ ដើម្បីចាប់ខ្លួនយកមកផ្តន្ទាទោសតាមច្បាប់៕
ចែករំលែកព័តមាននេះ