លោក ឃួង ស្រេង ចូលខ្លួនបង់ផាកពិន័យ រឿងបើកម៉ូតូ មិនពាក់មួកសុវត្ថិភាព
- ភ្នំពេញ
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅព្រឹកថ្ងៃទី២៧ ខែតុលា ឆ្នាំ២០២១នេះបានចូលខ្លួនទៅផាកពិន័យ នៅអធិការខណ្ឌដង្កោហើយ…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅព្រឹកថ្ងៃទី២៧ ខែតុលា ឆ្នាំ២០២១នេះបានចូលខ្លួនទៅផាកពិន័យ នៅអធិការខណ្ឌដង្កោហើយ…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នៅព្រឹកថ្ងៃទី២៧ ខែតុលា ឆ្នាំ២០២១នេះបានចូលខ្លួនទៅផាកពិន័យ នៅអធិការខណ្ឌដង្កោហើយ បន្ទាប់ពីលោកបានជិះម៉ូតូមិនពាក់មួកសុវត្ថិភាព ក្នុងពេលកំពុងចុះអន្តរាគមន៍ត្រួតពិនិត្យស្ថានភាពទឹកជំនន់តាមសណ្តរស្ទឹងព្រែកត្នាត ។
ចំពោះការផាកពិន័យអភិបាលរាជធានីភ្នំពេញ ខាងលើនេះដែរ ខាងកម្លាំងនគរបាលចរាចរណ៍ផាកពិន័យចំនួន៦០០០រៀល ព្រោះរូបលោកត្រូវបានប្រព្រឹត្តល្មើសមាត្រា ៦ នៃអនុក្រឹត្យលេខ ៣៩ ចុះថ្ងៃទី ១៧ ខែមីនា ឆ្នាំ២០២១ គឺត្រង់ចំណុច បើកបរម៉ូតូមិនពាក់មួកសុវត្ថិភាព ។
ក្រៅពីលោក ឃួង ស្រេង ដែលត្រូវបានគេឃើញជិះម៉ូតូមិនពាក់សុវត្ថិភាព គេក៏ឃើញមាន ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានី បានជិះម៉ូតូដោយមិនពាក់មួកសុវត្ថិភាពផងដែរ ខណៈចុះត្រួតពិនិត្យទឹកជំនន់តាមសណ្តរស្ទឹងព្រែកត្នាត កាលពីថ្ងៃទី ២៦ ខែតុលា ម្សិលមិញនេះ ។
ដោយនៅព្រឹកថ្ងៃទី២៦ ខែតុលា ឆ្នាំ២០២១ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញអមដំណើរ លោក ឃួង ស្រេង អភិបាលនៃគណៈអភិបាលរាជធានីភ្នំពេញ ដើម្បីចុះត្រួតពិនិត្យមើលស្ថានភាពទឹកជំនន់នៅខណ្ឌដង្កោ រាជធានីភ្នំពេញ ។
មន្ត្រីរដ្ឋបាលរាជធានីភ្នំពេញបានអោយដឹងថា ៖ បន្ទាប់ពីមានការរិះគន់ លោក ឃួង ស្រេង អភិបាលរាជធានីភ្នំពេញ មិនពាក់មួកសុវត្ថិភាព ពេលបើកម៉ូតូនោះ នៅព្រឹកថ្ងៃទី ២៧ ខែ តុលា ឆ្នាំ ២០២១នេះ លោក ឃួង ស្រេង បានចូលខ្លួនទៅបង់ការផាកពិន័យចំពោះកំហុសឆ្គងអចេតនានេះរួចហើយ នៅអធិការដ្ឋាននគរបាលខណ្ឌដង្កោ ។
មន្ត្រីដដែលបានបញ្ជាក់ថា តាមការពិតទៅពេលនោះ លោកអភិបាលរាជធានីភ្នំពេញ ក៏បានយកមួកសុវត្ថិភាពមកពាក់ដែរ ប៉ុន្តែដោយកញ្ចក់ មួកសុវត្ថិភាពស្រអាប់ពេកពិបាកមើលផ្លូវ ម្យ៉ាងទៀតដោយមានការបន្ទាន់ចុះពិនិត្យមើលស្ថានភាពទឹកជំនន់ ដើម្បីរកដំណោះស្រាយជួយប្រជាជន លោកអភិបាលក៏បើកម៉ូតូទៅដោយមិនបានពាក់មួកសុវត្ថិភាព ។
ប៉ុន្តែទោះជាយ៉ាងណាក្ដី លោកអភិបាល ទទួលយកនូវមតិរិះគន់ដើម្បីស្ថាបនា ទើបនៅព្រឹកថ្ងៃទី២៧ តុលានេះ លោកអភិបាលក៏ចូលខ្លួនទៅអោយមន្ត្រីចរាចរណ៍ធ្វើការផាកពិន័យទៅតាមច្បាប់ សូមបងប្អូនមេត្តាយោគយល់ចំពោះកំហុសអចេតនានេះផង ។
ក្រោយពីបានចូលខ្លួនទៅបង់ការផាកពិន័យ នៅអធិការខណ្ឌដង្កោហើយ នៅថ្ងៃដដែលនោះដែរលោកឃួង ស្រេង អភិបាលរាជធានីភ្នំពេញ ក៏បានបន្តចុះទៅដឹកនាំ អាជ្ញាធរនិងកងកម្លាំងបន្តទៀតនៅខណ្ឌដង្កោ ដើម្បីសង្គ្រោះ ប្រជាពលរដ្ឋ ខណៈពេលរដ្ឋមានទុក្ខ ដោយគ្រោះទឹកជំនន់នេះ ៕
ចែករំលែកព័តមាននេះ