ប្រទេសជប៉ុន ៖ បណ្តាក្រុមហ៊ុន និងពលរដ្ឋជប៉ុនបានរក្សាទុកប្រាក់របស់គេនៅក្នុងត្រីមាសទី៤ ឆ្នាំ២០១៥ ដែលជាហេតុធ្វើឲ្យមានការគាំទ្រស្តួចស្តើងសម្រាប់សេដ្ឋកិច្ចជាតិ ខណៈក្រុមអ្នកវិភាពមួយចំនួនបានព្យាករពីហានិភ័យ
ប្រទេសជប៉ុន ៖ បណ្តាក្រុមហ៊ុន និងពលរដ្ឋជប៉ុនបានរក្សាទុកប្រាក់របស់គេនៅក្នុងត្រីមាសទី៤ ឆ្នាំ២០១៥ ដែលជាហេតុធ្វើឲ្យមានការគាំទ្រស្តួចស្តើងសម្រាប់សេដ្ឋកិច្ចជាតិ ខណៈក្រុមអ្នកវិភាពមួយចំនួនបានព្យាករពីហានិភ័យនៃការធ្លាក់ចុះជាថ្មីម្តងទៀត ។
យោងតាមលំហូរនៃទិន្នន័យរបស់មូលនិធិ ដែលចេញផ្សាយដោយធនាគាររបស់ជប៉ុនកាលពីថ្ងៃសុក្រ ឱ្យដឹងថា ទ្រព្យសកម្មរបស់ក្រុមហ៊ុនជាសាច់ប្រាក់ និងប្រាក់បញ្ញើមានចំនួន២,២ទ្រីលានដុល្លារ ដែលបានកើនឡើងសម្រាប់ត្រីមាសទី២៩ ។ ចំណែកទ្រព្យសកម្មរបស់ពលរដ្ឋបានកើនឡើងដល់៩០២ទ្រីលានយេន ដែលវាគឺជាតួលេខខ្ពស់បំផុតក្នុងរយៈពេល៩ឆ្នាំជាប់ៗគ្នា ។
ក្នុងនោះដែរ ទិន្នន័យនេះបានបង្កើនការព្រួយបារម្ភក្នុងចំណោមអ្នកសេដ្ឋកិច្ចថា ការស្ទុះងើបឡើងនៃសេដ្ឋកិច្ចជប៉ុននៅតែបន្តចុះខ្សោយ បន្ទាប់ពីបានធ្លាក់ចុះនៅត្រីមាសទី៤ ។ រីឯក្រុមហ៊ុនវិញមានការស្ទាក់ស្ទើរក្នុងការវិនិយោគ ខណៈសេដ្ឋកិច្ចសកលមានភាពមិនប្រាកដប្រជា ។
សេដ្ឋវិទូប្រចាំនៅ Dai-ichi Life Research Institute លោក Hideo Kumano បានលើកឡើងថា ៖ « ការវិវត្តនៃសេដ្ឋកិច្ចរបស់ប្រទេសជប៉ុននៅតែមានសភាពខ្សោយ ហើយខ្ញុំរំពឹងថា វានឹងរើបឡើងវិញតិចតួចបុ៉ណ្ណោះនៅក្នុងត្រីមាសនេះ » ៕
ចែករំលែកព័តមាននេះ