ខុនដូ និងសណ្ឋាគារកំពុងរីកដុះដាលយ៉ាងខ្លាំងនៅកោះ Phu Quoc
ប្រទេសវៀតណាម ៖ សណ្ឋាគារ ខុនដូអាផាតមិន និងរីសត នៅកោះ Phu Quoc (កោះត្រល់) កំពុងតែទាក់ទាញវិនិយោគិនជាតិ និងអន្តរជាតិយ៉ាងខ្លាំងកាលពីពេលថ្មីៗនេះ ។
ប្រទេសវៀតណាម ៖ សណ្ឋាគារ ខុនដូអាផាតមិន និងរីសត នៅកោះ Phu Quoc (កោះត្រល់) កំពុងតែទាក់ទាញវិនិយោគិនជាតិ និងអន្តរជាតិយ៉ាងខ្លាំងកាលពីពេលថ្មីៗនេះ ។
ប្រទេសវៀតណាម ៖ សណ្ឋាគារ ខុនដូអាផាតមិន និងរីសត នៅកោះ Phu Quoc (កោះត្រល់) កំពុងតែទាក់ទាញវិនិយោគិនជាតិ និងអន្តរជាតិយ៉ាងខ្លាំងកាលពីពេលថ្មីៗនេះ ។
ប្រភពពីខាងវិស័យអចលនទ្រព្យបានឲ្យដឹងថា អគារខុនដូត្រូវបានពិចារណាឡើងសម្រាប់ការវិនិយោគ ដោយសារតែមានទីតាំងភូមិសាស្ត្រអំណោយផលបំផុត និងមានអ្នកអភិវឌ្ឍន៍ដែលមានកេរ្តិ៍ឈ្មោះល្បីល្បាញ ។
ក្រៅពីជាគោលដៅទេសចរណ៍ដ៏មានប្រជាប្រិយភាពពីប្រទេសរុស្ស៊ី សិង្ហបុរី ម៉ាឡេស៊ី និងថៃ កោះPhu Quocក៏បានស្វាគមន៍ភ្ញៀវទេសចរមកពីសហគមន៍អឺរ៉ុបផងដែរ ។ មិនតែប៉ុណ្ណោះ មានក្រុមហ៊ុនអាកាសចរណ៍បរទេសជាច្រើនបានបង្កើត និងពង្រីកជើងហោះហើរកាន់តែច្រើនមកកាន់កោះដ៏ស្រស់ស្អាតមួយនេះផងដែរ ចាប់តាំងពីហេដ្ឋារចនាសម្ព័ន្ធទេសចរណ៍ត្រូវបានកែប្រែឲ្យប្រសើរឡើងមក ជាពិសេស ការបង្កើតកន្លែងស្នាក់នៅដូចជា សណ្ឋាគារ ជាដើម ។
កាលពីដើមខែនេះ ក្រុមហ៊ុនអាកាសចរណ៍ TUI Nordic Jetliner បានដឹកភ្ញៀវទេសចរជាង១០០នាក់មកពីសហគមន៍អឺរ៉ុប ។ អ្នកតំណាងក្រុមហ៊ុននេះនិយាយថា ៖ « ខ្លួននឹងបង្កើតជើងហោះហើរមកកាន់កោះនេះជារៀងរាល់សប្តាហ៍នៅដំណាច់ឆ្នាំ២០១៦ » ។
ក្នុងនោះដែរ ក្រុមហ៊ុនអភិវឌ្ឍន៍អចលនទ្រព្យ Sun Group បានធ្វើសន្និសីទកាសែតមួយនៅប្រទេសសិង្ហបុរី ដើម្បីស្វែងរកការវិនិយោគសាងសង់គម្រោងនៅលើកោះ Phu Quoc នេះយ៉ាងជោគជ័យ ។
យោងតាមវិនិយោគិនសិង្ហបុរីមួយរូបបានឲ្យដឹងថា ៖ « ភ្ញៀវទេសចរសិង្ហបុរីបានធ្វើដំណើរមកកាន់បណ្តាប្រទេសនៅក្នុងអាស៊ីអាគ្នេយ៍ជាទៀងទាត់ ។ ពួកគេបានជួលអាផាតមិនដើម្បីស្នាក់នៅសម្រាប់លំហែកាយអស់ជាងរាប់ពាន់ដុល្លារក្នុងមួយខែៗ ហើយពួកគេស្ម័គ្រចិត្តនឹងចំណាយប្រាក់បន្ថែមដើម្បីធ្វើជាម្ចាស់សណ្ឋាគារខុនដូនៅតំបន់មាត់សមុទ្រទៀតផង » ។
នៅសិង្ហបុរី សណ្ឋាគារខុនដូដែលមានបន្ទប់គេង៣ មានតម្លៃក្នុងចន្លោះពី៥០០.០០០ដុល្លារ ទៅ៨៤០.០០០ដុល្លារ ខណៈដែលសណ្ឋាគារខុនដូនៅកោះ Phu Quoc មានតម្លៃត្រឹមតែ២៥%ប៉ុណ្ណោះ ។ ដូច្នេះហើយបានជាវិនិយោគិនជ្រើសរើសបោះទុនវិនិយោគសាងសង់ជាសណ្ឋាគារ ខុនដូនៅលើកោះ Phu Quoc ជាទីតាំងដ៏ស្រស់បំព្រងនេះ ។
លោក Leong Boon Hoe អគ្គនាយកទូទៅនៃក្រុមហ៊ុនអភិវឌ្ឍន៍អចលនទ្រព្យសិង្ហបុរី ថ្លែងថា ៖ « មានកត្តា៣យ៉ាងដែលធ្វើឲ្យអចលនទ្រព្យនៅវៀតណាមអាចទាក់ទាញវិនិយោគិនសិង្ហបុរីបាន ពោលគឺដោយសារមានតម្លៃប្រកួតប្រជែងទីតាំងល្អ និងមានក្រុមហ៊ុនអភិវឌ្ឍន៍ដ៏ល្បីល្បាញ » ។
ចំណែកលោក Jonathan Tizzard អគ្គនាយកស្រាវជ្រាវ និងវាយតម្លៃប្រចាំក្រុមហ៊ុន បានលើកឡើងថា ៖ « កោះ Phu Quoc មិនត្រឹមតែទាក់ទាញវិនិយោគិនសិង្ហបុរីប៉ុណ្ណោះទេ ប៉ុន្តែក៏បានទាក់ទាញចំណាប់អារម្មណ៍ជាខ្លាំងពីសំណាក់វិនិយោគិនបរទេសផ្សេងទៀតផងដែរ។ ជាពិសេស វិស័យសណ្ឋាគារ គឺកំពុងតែទាក់ទាញវិនិយោគិនមកពីជុំវិញពិភពលោក ។ កោះ Phu Quoc គឺជាទីតាំងទាក់ទាញវិនិយោគិនខ្លាំងជាងគេក្នុងចំណោមកន្លែងដទៃទៀត » ។
ក្រុមហ៊ុនដែលបានអភិវឌ្ឍន៍ផ្នែកសណ្ឋាគារខុនដូនៅលើកោះនេះឲ្យដឹងថា ទីផ្សារសណ្ឋាគារខុនដូកំពុងតែមានការទាក់ទាញវិនិយោគិន ពីព្រោះវាមានទីតាំងនៅជិតមាត់សមុទ្រ ជាមួយនឹងដើមឈើជុំវិញ និងធ្វើឲ្យវាក្លាយជាសណ្ឋាគារលំដាប់ផ្កាយ៥ ។ លើសពីនេះទៀត ក្រុមហ៊ុនបានប្តេជ្ញាចិត្តផ្តល់ប្រាក់ចំណេញយ៉ាងហោចណាស់៩% ក្នុងមួយឆ្នាំសម្រាប់រយៈពេល៩ឆ្នាំ ដោយផ្តល់ការស្នាក់នៅមិនគិតថ្លៃសម្រាប់អ្នកបញ្ជាទិញសណ្ឋាគារខុនដូនេះ ។
គួរបញ្ជាក់ថា ដោយមើលឃើញពីសក្តានុពលវិនិយោគដ៏ខ្លាំងក្លានេះ ក្រុមហ៊ុនអភិវឌ្ឍន៍អចលនទ្រព្យដទៃទៀតដូចជា ក្រុមហ៊ុន Vingroup និងក្រុមហ៊ុន LDG Group ក៏បានសាងសង់សណ្ឋាគារខុនដូនៅលើកោះដ៏ស្រស់ស្អាតនេះផងដែរ ។ ដូច្នេះ ការអភិវឌ្ឍសណ្ឋាគារខុនដូ ត្រូវបានគេរំពឹងថា នឹងវាយលុកទីផ្សារនៅក្នុងឆ្នាំនេះហើយ ៕
ចែករំលែកព័តមាននេះ