សារព័ត៌មាន «Shanghai East» កាលពីពេល ថ្មីៗកន្លងមកផ្សាយថា អ្នកស្រុកនៅតំបន់គ្រប់គ្រងពិសេសរបស់ជនអំបូរ «ជ័ង» និង «យ៉ៅ» នៅក្រុងឈីងយួន ខេត្តគ័ងទុង នាំគ្នាលក់ខ្យល់បរិសុទ្ធលើកំពូលភ្នំច្រកក្នុង
សារព័ត៌មាន «Shanghai East» កាលពីពេល ថ្មីៗកន្លងមកផ្សាយថា អ្នកស្រុកនៅតំបន់គ្រប់គ្រងពិសេសរបស់ជនអំបូរ «ជ័ង» និង «យ៉ៅ» នៅក្រុងឈីងយួន ខេត្តគ័ងទុង នាំគ្នាលក់ខ្យល់បរិសុទ្ធលើកំពូលភ្នំច្រកក្នុងស្បោងជូនអ្នកទេសចរ ។
អ្នកស្រុកនាំគ្នាច្រកខ្យល់បរិសុទ្ធនៅក្នុងស្បោងលក់ជូនអ្នកទេសចរដែលធ្វើដំណើរឡើងភ្នំ ដើម្បីទស្សនាផ្កា «ម៉ី» រីកស្គុសស្គាយ ។
ពួកគេបានដាក់ស្លាកលក់នៅជ្រលងភ្នំដែលមានកម្ពស់ជាង១៤០០ម៉ែត្រ ដោយមួយស្បោងតម្លៃ១០យាន់ ឬ១,៥ដុល្លារ ចំណែកស្បោងធំតម្លៃ៥ដុល្លារ ។ ក្រុមអ្នកលក់ព្យាយាមនិយាយបញ្ចុះបញ្ចូលអ្នកទេសចរថា ស្បោងខ្យល់បរិសុទ្ធជាមធ្យោបាយមួយនៃការយកខ្យល់បរិសុទ្ធពីលើកំពូលភ្នំចូលទៅទីក្រុងដែលពោរពេញដោយផ្សែង និងជាតិពុល ។
ប្រហែល៨៥%នៃខេត្តគ័ងទុងគឺជាតំបន់ព្រៃភ្នំ និងស្រុកលៀនសុន ជាតំបន់ពោរពេញដោយព្រៃឈើខៀវស្រងាត់ ។ មនុស្សជាច្រើនតែងតែធ្វើដំណើរឡើងភ្នំ ដើម្បីស្រូបយកខ្យល់អាកាសបរិសុទ្ធគេចពីជាតិពុលនៅទីក្រុង ។
ជនជាតិចិនរងការប៉ះពាល់ដោយសារអាកាសធាតុមានជាតិពុលអស់រយៈពេលជាច្រើនឆ្នាំមកហើយ ។ នៅឆ្នាំ២០១២ លោកឈើន គួងពៀវ មហាសេដ្ឋីមុខជំនួញលក់ខ្យល់បរិសុទ្ធថ្លែងថា ក្រុមហ៊ុនរបស់លោកបានលក់ «ខ្យល់បរិសុទ្ធច្រកកំប៉ុង» ច្រើនជាង១០លានដបក្នុងរយៈពេល១០ថ្ងៃ ។ ក្រៅពីនេះនៅក្នុងឆ្នាំ២០១៤ មានអ្នកជំនួញជនជាតិកាណាដា យកខ្យល់បរិសុទ្ធពីភ្នំ «Alberta» ដាក់ដបលក់ក្នុងតម្លៃ៤០០យាន់ ឬប្រហែល៦០ដុល្លារ ៕
ចែករំលែកព័តមាននេះ