កម្ពុជាលត់ហុងកុង៤-២ ក្នុងវគ្គជម្រុះ AFC U23 Asian Cup Qualifiersនៅជប៉ុន
ជប៉ុន ៖ ក្រុមជម្រើសជាតិអាយុក្រោម២៣ឆ្នាំ កម្ពុជាបានយកឈ្នះលើក្រុមជម្រើសជាតិអាយុក្រោម២៣ឆ្នាំ ហុងកុងក្នុងលទ្ធផល
ជប៉ុន ៖ ក្រុមជម្រើសជាតិអាយុក្រោម២៣ឆ្នាំ កម្ពុជាបានយកឈ្នះលើក្រុមជម្រើសជាតិអាយុក្រោម២៣ឆ្នាំ ហុងកុងក្នុងលទ្ធផល៤-២ក្នុងវគ្គជម្រុះនៃព្រឹត្តិការណ៍AFC U23 Asian Cup Qualitiersដែលបានធ្វើឡើងនៅលើទីលានj-Vilage ប្រទេសជប៉ុន កាលពីវេលាម៉ោង១១ថ្ងៃត្រង់ ថ្ងៃសៅរ៍ ទី២៣ តុលា ។
សម្រាប់ការប្រកួតបើកឆាកតង់ទី១ កីឡាករខ្សែប្រយុទ្ធឆ្នើមសៀង ចន្ធា ជាអ្នករកគ្រាប់បាល់ឲ្យកម្ពុជាបាន១គ្រាប់នាំមុខមុននៅនាទី៤០ បន្ទាប់ពីទទួលបានបាល់ពីស្លាបដែលបោះឲ្យដោយកីឡាករលឹម ពិសុទ្ធ ។
តាមពិតទៅកីឡាករខ្សែបម្រើលឹម ពិសុទ្ធ ក៏មានឱកាសសុតបាល់បញ្ចូលទីក្នុងតង់ទី១បានមួយគ្រាប់ដែរ តែគ្រាប់បានហោះផុតរបាទី។ ចូលដល់តង់ទី២ សៀង ចន្ធា ធ្វើសម្រេចបាន១គ្រាប់នៅនាទី៥៤ បន្ទាប់ទទួលបានបាល់យ៉ាស្អាតពីកីឡាករញាន សូស៊ីដាន មុនពេលដែលកីឡាករស៊ិន កក្កដា ធ្វើបានសម្រេចគ្រាប់ទី៣នៅនាទី៥៧ តាមរយៈការបញ្ជូនបាល់ពីខ្សែប្រយុទ្ធសៀង ចន្ធា ។ រំលងបាន៦នាទី កីឡាករមិន រតនះ បន្ថែមគ្រាប់ទី៤ នៅមុខប្រអប់គ្រោះថ្នាក់ក្នុងចម្ងាយជាង២០ម៉ែត្រ ដែលបានបោះឲ្យដោយកីឡាករខ្សែបម្រើញាន សូស៊ីដាន ។ ខណៈនៅចុងម៉ោងតង់ទី២ ក្រុមជម្រើសជាតិហុងកុងតាមសងបាន២គ្រាប់វិញ។
ព្រឹត្តិការណ៍AFC U23 Asian Cup Qualitiers នេះកម្ពុជាស្ថិតនៅក្នុងពូលKជាមួយជប៉ុននិងហុងកុង ។ កម្ពុជាត្រូវប៉ះជាមួយម្ចាស់ផ្ទះជប៉ុននៅថ្ងៃទី២៦ តុលា ម៉ោង១១ថ្ងៃត្រង់ ។ ក្នុវគ្គជម្រុះនេះទៀតមានប្រទេសចំនួន៤០ចូលរួមប្រកួតចែកចេញ១១ពូល ចាប់ពីពូលAដល់ពូលK ខណៈពូលF I និងk មានតែ៣ប្រទេសប៉ុណ្ណោះដែលត្រូវតទល់គ្នា។
រីឯពូលHមានតែ២ក្រុមប៉ុណ្ណោះ បន្ទាប់ពីប្រទេសចិននិងប្រុយណេ ប្រកាសដកខ្លួនចេញ ។ ក្រៅពីនោះមាន៤ក្រុមពេញក្នុងមួយពូល ហើយសម្រាប់ការប្រកួតនេះទៀតចម្រាញ់យកតែ១៥ក្រុមប៉ុណ្ណោះឡើងទៅប្រកួតនៅវគ្គបន្តនៅលើទឹកដីប្រទេសអូប៉េគីស្ថាន គឺយកតែក្រុមជាប់លេខ១ក្នុងចំណោម១១ពូលហើយ សម្រាប់៤ក្រុមទៀតយកក្រុមលេខ២ដែលមានពិន្ទុល្អជាងគេ៕
ចែករំលែកព័តមាននេះ