នៅថ្ងៃសៅរិ៍នេះ ប្រទេសកូរ៉េខាងជើងបានធ្វើការរិះគន់រដ្ឋបាលរបស់លោកប្រធានាធិបតី Joe Biden ថាបានបង្កើនភាពតានតឹងផ្នែកយោធាជាមួយចិនតាមរយៈការប្រកាសគាំទ្រតៃវ៉ាន់។ របបព្យុងយ៉ាងលើកឡើងថា វត្តមានយោធាអាមេរិកដែលកំពុងកើនឡើងក្នុងតំបន់គឺជាការគំរា.មកំហែងដល់ប្រទេសកូរ៉េខាងជើង។ ក្នុងការថ្លែងដែលចុះផ្សាយដោយសារព័ត៌មាន រដ្ឋកូរ៉េខាងជើង អនុរដ្ឋមន្ត្រីការបរទេសកូរ៉េខាងជើងលោក…
នៅថ្ងៃសៅរិ៍នេះ ប្រទេសកូរ៉េខាងជើងបានធ្វើការរិះគន់រដ្ឋបាលរបស់លោកប្រធានាធិបតី Joe Biden ថាបានបង្កើនភាពតានតឹងផ្នែកយោធាជាមួយចិនតាមរយៈការប្រកាសគាំទ្រតៃវ៉ាន់។ របបព្យុងយ៉ាងលើកឡើងថា វត្តមានយោធាអាមេរិកដែលកំពុងកើនឡើងក្នុងតំបន់គឺជាការគំរា.មកំហែងដល់ប្រទេសកូរ៉េខាងជើង។
ក្នុងការថ្លែងដែលចុះផ្សាយដោយសារព័ត៌មាន រដ្ឋកូរ៉េខាងជើង អនុរដ្ឋមន្ត្រីការបរទេសកូរ៉េខាងជើងលោក Pak Myong Ho បានធ្វើការរិះគន់អាមេរិកដែលបានបញ្ជូននាវាចំបាំងទៅចក្រសមុទ្រតៃវ៉ាន់ និងផ្តល់ប្រព័ន្ធអាវុ.ធទំនើប និងការបណ្តុះបណ្តាលយោធាដល់តៃវ៉ាន់ ។
លោកថ្លែងដូច្នេះថា «ការជ្រៀតជ្រែករបស់អាមេរិកចូលក្នុងបញ្ហាទាក់ទងនឹងតៃវ៉ាន់ ដែលកូរ៉េខាងជើងមើលឃើញថា ជាកិច្ចការផ្ទៃក្នុងរបស់ចិនទាំងស្រុង បានគំរា.មកំហែងធ្វើឲ្យស្ថានភាពកាន់តែធ្ង.ន់នៅឧបទ្វីបកូរ៉េ» ។
ការថ្លែងរបស់មន្ត្រីជាន់ខ្ពស់របស់កូរ៉េខាងជើងរូបនេះ កើតឡើងតែមួយថ្ងៃប៉ុណ្ណោះ ក្រោយពេលប្រធានាធិបតីអាមេរិក Joe Biden បានប្រកាសពីការប្តេជ្ញាចិត្តជួយការពារតៃវ៉ាន់ ប្រសិនមានការវា.យប្រហារពីចិន។
សូមរម្លឹកថា ចិន និងតៃវ៉ាន់បានបែកចេញពីគ្នាក្នុងក្នុងឆ្នាំ ១៩៤៩។ ទោះបីអាមេរិកនៅរក្សាទំនាក់ទំនងការទូតផ្លូវការជាមួយតែចិនក្តី អាមេរិកមានច្បាប់ដែលជួយធានា និងការពារតៃវ៉ាន់ពីគំរា.មកំហែងខាងក្រៅ។
មហាយក្សចិនតែងចាត់ទុកតៃវ៉ាន់ជាផ្នែកមួយនៃខេត្តរបស់ខ្លួន និងប្តេជ្ញាចិត្តរួបរួមជាមួយតៃវ៉ាន់វិញនៅថ្ងៃណាមួយ ប៉ុន្តែតៃវ៉ាន់ចាត់ទុកខ្លួនជារដ្ឋឯករាជ្យ និងបានប្រកាសធ្វើអ្វីៗគ្រប់យ៉ាងដើម្បីការពារសេរីភាព និងប្រជាជនខ្លួន៕ (យោងតាមប្រភព៖ Channel News Asia និង AP)
ចែករំលែកព័តមាននេះ