អាមេរិកអប់រំអត្តពលិកខ្លួនពីបញ្ហាសិទ្ធិមនុស្ស មុនអូឡាំពិកក្រុងប៉េកាំងឆ្នាំ ២០២២
សហរដ្ឋអាមេរិក ៖ គណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក (USOPC) បានបញ្ជាក់នៅពេលថ្មីៗនេះថា នឹងផ្តល់
សហរដ្ឋអាមេរិក ៖ គណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក (USOPC) បានបញ្ជាក់នៅពេលថ្មីៗនេះថា នឹងផ្តល់
សហរដ្ឋអាមេរិក ៖ គណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក (USOPC) បានបញ្ជាក់នៅពេលថ្មីៗនេះថា នឹងផ្តល់អាទិភាពលើការអប់រំអត្តពលិកខ្លួនអំពីបញ្ហាជាសកលពេលបច្ចុប្បន្ន មុនទៅចូលរួមប្រកួតព្រឹត្តិការណ៍អូឡាំពិករដូវរងាទីក្រុងប៉េកាំងឆ្នាំ ២០២២ ខាងមុខ ដែលជាកន្លែងត្រូវបានគេពិភាក្សាអំពីបញ្ហារំលោ.ភបំពា.នសិទ្ធិមនុស្សរបស់ប្រទេសចិន។
អង្គការសិទ្ធិមនុស្ស និងក្រុមអ្នកតស៊ូមតិនៅតែទាមទារដល់គណៈកម្មាធិការអូឡាំពិក និងប៉ារ៉ាឡាំពិកអន្តរជាតិដកសិទ្ធិម្ចាស់ផ្ទះចិន ក្នុងការរៀបចំព្រឹត្តិការណ៍នាឆ្នាំ ២០២២ ខាងមុខ។ ចំពេលប្រទេសមហាអំណាចសេដ្ឋកិច្ចមួយនេះ កំពុងរងការចោទប្រកាន់លើបញ្ហាបំពា.នសិទ្ធិមនុស្សធ្ងន់ធ្ងរ ជាពិសេសជុំវិញការគាបសង្កត់ធ្វើបាបជនជាតិភាគតិចអ៊ុយហ្គឺ (Uighur) នៅតំបន់ស្វយ័តស៊ីនជាំង។ ខណៈចិនបានច្រានចោលទាំងស្រុងចំពោះការចោទប្រកាន់នេះ។
USOPC លើកឡើងថា អត្តពលិកខ្លួនត្រូវបានលើកទឹកចិត្តឱ្យគាំទ្រដល់តម្លៃនៃចលនាស្មារតីអូឡាំពិកដែលរួមមាន ការមិនរើសអើង និងសមភាពសម្រាប់ទាំងអស់គ្នា។
ជាមួយគ្នានោះ លោកស្រី Susanne Lyons ប្រធាន USOPC បានថ្លែងក្នុងកិច្ចប្រជុំកំពូលថា អូឡាំពិកទីក្រុងប៉េកាំងនឹងផ្តល់ឱកាសឱ្យកីឡានិយាយអំពីបញ្ហាសកលនានា ដើម្បីសាមគ្គីភាព សន្តិភាព និងសិទ្ធិរបស់ប្រជាជននៅជុំវិញពិភពលោក។
លោកស្រីបញ្ជាក់ដូច្នេះថា « យើងគ្មានឱកាសទេ ដោយសារយើងមិនមែនជារដ្ឋាភិបាល ដើម្បីមានឥទ្ធិពលលើច្បាប់ បទប្បញ្ញត្តិប្រទេសមួយផ្សេងទៀត និងការប្រព្រឹត្តចំពោះប្រជាជនក្នុងប្រទេសពួកគេ។ ប៉ុន្តែប្រាកដណាស់អត្តពលិកយើងនឹងមានទស្សនៈអំពីរឿងនោះ ហើយវាជាការងាររបស់យើងក្នុងការធានាថា ពួកគេអាចបញ្ចេញមតិបាន ប៉ុន្តែក៏ត្រូវធានាសុវត្ថិភាពពួកគេផងដែរ»។
គួរបញ្ជាក់ថា តាមការគ្រោងទុក ព្រឹត្តិការណ៍អូឡាំពិករដូវរងាទីក្រុងប៉េកាំងឆ្នាំ ២០២២ នឹងចាប់ផ្តើមនាថ្ងៃទី៤ ខែកុម្ភះ រហូតដល់ថ្ងៃទី២០ ខែកុម្ភៈ។ ស្របពេលព្រឹត្តិការណ៍ប៉ារ៉ាឡាំពិកនឹងចាប់ផ្តើមនាថ្ងៃទី៤ ខែមីនា រហូតដល់ថ្ងៃទី១៣ ខែមីនា៕ (ដកស្រង់ចេញពី Reuters)
ចែករំលែកព័តមាននេះ