UCL ៖ Ronaldo តែតបញ្ចូលទីចុងម៉ោងជួយ Man Utd វាយបកឈ្នះ Atalanta
អង់គ្លេស ៖ ក្រុមបិសាចក្រហម Manchester United បានវាយបកយកឈ្នះលើក្រុមភ្ញៀវ Atalanta ដោយលទ្ធផល ៣-២ យ៉ាងភ្ញាក់
អង់គ្លេស ៖ ក្រុមបិសាចក្រហម Manchester United បានវាយបកយកឈ្នះលើក្រុមភ្ញៀវ Atalanta ដោយលទ្ធផល ៣-២ យ៉ាងភ្ញាក់
អង់គ្លេស ៖ ក្រុមបិសាចក្រហម Manchester United បានវាយបកយកឈ្នះលើក្រុមភ្ញៀវ Atalanta ដោយលទ្ធផល ៣-២ យ៉ាងភ្ញាក់ផ្អើលក្នុងកីឡដ្ឋាន Old Trafford បន្ទាប់ពីត្រូវគូប្រកួតនាំមុខមុន ២-០។ ខណៈខ្សែប្រយុទ្ធឆ្នើម Cristiano Ronaldo គឺជាអ្នកស្រោចស្រង់៣ពិន្ទុនៅក្នុងជំនួបមួយនេះ។
នាជំនួបវគ្គសន្សំពិន្ទុក្នុងពូល F នៃក្របខណ្ឌ UEFA Champions League កាលពីយប់មិញ ក្រុមភ្ញៀវមានឱកាសនាំមុខមុន២គ្រាប់នៅវគ្គទី១ ដែលរកបានដោយខ្សែបម្រើ Mario Pašalić នៅនាទី១៥ និងខ្សែការពារ Merih Demiral នាទី២៩។ ប៉ុន្តែលុះចូលវគ្គទី២ ក្រុមម្ចាស់ផ្ទះវាយបកយកឈ្នះតែម្តង ដែលសម្រេចបានដោយខ្សែប្រយុទ្ធ Marcus Rashford នៅនាទី៥៣ ខ្សែការពារ Harry Maguire នាទី៧៥ និងគ្រាប់ជ័យជម្នះដោយខ្សែប្រយុទ្ធ Cristiano Ronaldo នាទី៨១។
ឆ្លងកាត់៣ប្រកួតកន្លងមក Man Utd ឈរកំពូលតារាងមាន៦ពិន្ទុ តាមពីក្រោយដោយ Villarreal មាន៤ពិន្ទុស្មើគ្នាជាមួយ Atalanta ខណៈ Young Boys នៅបាតតារាងមាន៣ពិន្ទុ។
នេះគឺជាគ្រាប់បាល់ទី១៣៧ របស់ Cristiano Ronaldo នៅក្របខណ្ឌ Champions League ពីការបង្ហាញខ្លួនចំនួន ១៧៩ប្រកួតជាមួយក្លិប Man Utd (១៨គ្រាប់), Real Madrid (១០៥គ្រាប់) និង Juventus (១៤គ្រាប់)។
ទន្ទឹមនឹងនេះ គឺជាលើកទី២សម្រាប់ Ronaldo ដែលរកគ្រាប់វាយបកយកជ័យជម្នះជួយ Man Utd នៅ Champions League រដូវកាលនេះ។ ដោយកាលពីជំនួបយកឈ្នះក្រុម Villarreal លទ្ធផល ២-១ កាលពីចុងខែកញ្ញាកន្លងទៅ ខ្សែប្រយុទ្ធព័រទុយហ្គាល់រូបនេះ គឺជាអ្នកគ្រាប់វាយបកជ័យជម្នះនៅនាទី៩០+៥៕
ចែករំលែកព័តមាននេះ