ហ្វីលីពីននឹងស៊ើបអង្កេតករណីសម្លា.ប់មនុស្សរាប់ពាន់នាក់ក្នុងសង្គ្រាមគ្រឿងញៀ.ន
ហ្វីលីពីន ៖ ក្រសួងយុត្តិធម៌ភីលីពីននឹងធ្វើការពិនិត្យឡើងវិញលើករណីសម្លា.ប់មនុស្សរាប់ពាន់នាក់ក្នុងសង្គ្រាមប្រឆាំងគ្រឿងញៀ.
ហ្វីលីពីន ៖ ក្រសួងយុត្តិធម៌ភីលីពីននឹងធ្វើការពិនិត្យឡើងវិញលើករណីសម្លា.ប់មនុស្សរាប់ពាន់នាក់ក្នុងសង្គ្រាមប្រឆាំងគ្រឿងញៀ.
ហ្វីលីពីន ៖ ក្រសួងយុត្តិធម៌ហ្វីលីពីននឹងធ្វើការពិនិត្យឡើងវិញលើករណីសម្លា.ប់មនុស្សរាប់ពាន់នាក់ក្នុងសង្គ្រាមប្រឆាំងគ្រឿងញៀ.នរបស់លោកប្រធានាធិបតី Rodrigo Duterte ។ នេះបើតាមការបញ្ជាក់របស់រដ្ឋមន្ត្រីយុត្តិធម៌នៅថ្ងៃពុធនេះ។
ក្រសួងយុត្តិធម៌បានបញ្ចេញព័ត៌មានលំអិតនៅថ្ងៃពុធនេះអំពីការសម្លា.ប់មនុស្ស ៥២នាក់ដោយប៉ូលីស ក្នុងយុទ្ធនាការប្រឆាំងគ្រឿងញៀ.ន ដែលរហូតមកទល់ពេលនេះមានអាយុកាល៥ឆ្នាំ។
ភីលីពីនរងសម្ពាធយ៉ាងខ្លាំងពីអង្គការសហប្រជាជាតិដើម្បីឲ្យមានការស៊ើបអង្កេតលើករណីសម្លា.ប់ជាប្រព័ន្ធលើជនសង្ស័យរាប់ពាន់នាក់ ហើយកាលពីពេលថ្មីៗនេះ តុលាការឧក្រិ.ដ្ឋកម្មអន្តរជាតិ (ICC) បានប្រកាសថា ខ្លួននឹងធ្វើការស៊ើបអង្កេតយុទ្ធនាការបង្ហូរឈា.មរបស់លោកប្រធានាធិបតី Rodrigo Duterte។
នៅពេលសួរដោយទីភ្នាក់ងារសារព័ត៌មាន Reuters ថាតើហ្វីលីពីននឹងពង្រីកការស៊ើបអង្កេតរបស់ខ្លួនលើករណីសង្គ្រាមប្រឆាំងគ្រឿងញៀ.នឬយ៉ាងណា រដ្ឋមន្ត្រីក្រសួងយុត្តិធម៌ Menardo Guevarra បានថ្លែងដូច្នេះថា «ពេលវេលា និងធនធានអនុញ្ញាតិ ក្រសួងយុត្តិធម៌នឹងធ្វើការពិនិត្យឡើងវិញលើករណីរាប់ពាន់នេះផងដែរ»។
ការចេញផ្សាយព័ត៌មានលំអិតបែបនេះបញ្ជាក់ពីការទទួលស្គាល់ដ៏កម្ររបស់ភីលីពីនដែលថា មានការរំលោ.ភបំពានអាចកើតមានឡើងនៅក្នុងយុទ្ធនាការប្រឆាំងគ្រឿងញៀ.ន។
លោកស្រី Michelle Bachelet ប្រធានផ្នែកសិទ្ធិមនុស្សរបស់អង្គការសហប្រជាជាតិកាលពីខែនេះ បានជុំរិញឲ្យភីលីពីនផ្សព្វផ្សាយពីការរកឃើញអំពី ៥២ករណី ដូច្នេះការងាររបស់រដ្ឋាភិបាលភីលីពីន អាចត្រូវបានវាយតម្លៃ។
នៅក្នុងករណីជាច្រើនដែលក្រសួងយុត្តិធម៌បានអង្កេត មនុស្សជាច្រើនដែលត្រូវបានសម្លា.ប់មិនមានដានរំសេវនៅលើដៃរបស់ពួកគេឡើយ ឬក៏ពួកគេមិនមានកាំភ្លើងទាំងអស់។
ក្រសួងយុត្តិធម៌ក៏បាននិយាយផងដែរថា ប៉ូលីសបានប្រើប្រាស់កម្លាំងហួសហេតុ បា.ញ់ជនសង្ស័យនៅចំងាយជិត ហើយកំណត់ត្រាវេជ្ជសាស្ត្រ និងកំណត់ត្រាពាក់ព័ន្ធរបស់ប៉ូលីសបានបាត់។ ករណីទាំងនោះនឹងត្រូវឆ្លងកាត់ការស៊ើបអង្កេតបន្ថែម និងករណីសាងសំណុំរឿងដើម្បីអាចចោទប្រកាន់ប្រឆាំងនឹងមន្ត្រីប៉ូលីស។
សូមរម្លឹកថា កាលពីពេលថ្មីៗនេះ ប្រធានាធិបតីភីលីពីន Rodrigo Duterte បានប្រកាសថាលោកចូលនិវត្តន៍ពីឆាកនយោបាយ និងមិនឈរឈ្មោះក្នុងការបោះឆ្នោតឆ្នាំក្រោយឡើយ។
បន្ទាប់ពីឡើងកាន់តំណែងនៅខែមិថុនា ឆ្នាំ ២០១៦ លោកបានប្រកាសសង្គ្រាមប្រឆាំងគ្រឿងញៀ.ន បណ្តាលឲ្យជនសង្ស័យរាប់ពាន់នាក់បានស្លា.ប់ និងជាច្រើននាក់ត្រូវចាប់ខ្លួន។
បើយោងតាមអង្គការសិទ្ធិមនុស្សអន្តរជាតិ Amnesty International មនុស្សជាង ៧.០០០នាក់ត្រូវបានសម្លា.ប់ ដោយប៉ូលីស ឬជនប្រដាប់អាវុធ ក្នុងអំឡុងរយៈពេល ៦ខែដំបូងនៃការកាន់អំណាចរបស់លោក។
នៅក្នុងខែមិថុនាកន្លងទៅ ព្រះរាជអាជ្ញាតុលាការព្រហ្មទណ្ឌអន្តរជាតិ (ICC) បានដាក់ពាក្យធ្វើការស៊ើបអង្កេតពេញលេញមួយទាក់ទងនឹងសង្គ្រាមគ្រឿងញៀ.នដែលសម្លាប់មនុស្សរាប់ពាន់នាក់នៅភីលីពីន ដោយមានការលើកឡើងថាអាចជាឧក្រិ.ដ្ឋកម្មប្រឆាំងមនុស្សជាតិ៕ (យោងតាមប្រភព៖ Bangkok Post)
ចែករំលែកព័តមាននេះ