ប្រទេសប៉េកាំង ៖ ដើម្បីឆ្លើយតបនឹងការព្រួយបារម្ភនៃសេដ្ឋកិច្ចសកល ចិនគ្រោងនឹងកំណត់កំណើនសេដ្ឋកិច្ចក្នុងចន្លោះ៦,៥% ទៅ៧%ប៉ុណ្ណោះនៅឆ្នាំនេះ ដោយសារតែមានសញ្ញាមួយចំនួនថា សេដ្ឋកិច្ចចិននៅតែបន្តធ្លាក់ចុះ ។
ប្រទេសប៉េកាំង ៖ ដើម្បីឆ្លើយតបនឹងការព្រួយបារម្ភនៃសេដ្ឋកិច្ចសកល ចិនគ្រោងនឹងកំណត់កំណើនសេដ្ឋកិច្ចក្នុងចន្លោះ៦,៥% ទៅ៧%ប៉ុណ្ណោះនៅឆ្នាំនេះ ដោយសារតែមានសញ្ញាមួយចំនួនថា សេដ្ឋកិច្ចចិននៅតែបន្តធ្លាក់ចុះ ។
ការកំណត់គោលដៅសេដ្ឋកិច្ចក្រោមអត្រា៧%នេះ គឺតាំងពីប្រទេសចិនបានធ្វើកំណែទម្រង់នៅចុងទសវត្សរ៍៧០មកម្ល៉េះ ។ នេះក៏ជាលើកដំបូងផងដែរក្នុងរយៈពេល២ទសវត្សរ៍ ដែលចិនកំណត់កំណើនសេដ្ឋកិច្ចក្នុងអត្រាចន្លោះ ជាជាងកំណត់ក្នុងអត្រាជាក់លាក់ណាមួយ ដែលបានឆ្លុះបញ្ចាំងពីការចាប់អារម្មណ៍នៃព្រឹទ្ធសភា ខណៈពួកគេកំពុងតែជំរុញការធ្វើកំណែទម្រង់សេដ្ឋកិច្ចរយៈពេលវែង ។
« ការកំណត់កំណើនសេដ្ឋកិច្ចក្នុងអត្រាចន្លោះនេះ គឺជាការរំពឹងទុករបស់ទីផ្សារ និងធានាឲ្យបាននូវស្ថិរភាព ក៏ដូចជារក្សាតុល្យភាពនៃភាពមានការងារធ្វើផងដែរ ។ មិនតែប៉ុណ្ណោះ ការធ្លាក់ចុះនៃកំណើនសេដ្ឋកិច្ចចិនត្រឹមអត្រា៦,៩% ដែលមិនធ្លាប់មានក្នុងរយៈពេល២៥ឆ្នាំ បានធ្វើឲ្យចិនជួបនឹងការលំបាកជាខ្លាំង ខណៈដែលតម្រូវការសកល និងការវិនិយោគធ្លាក់ចុះ »។ នេះបើយោងតាមប្រសាសន៍របស់លោក Li Keqiang អ្នកដឹកនាំរដ្ឋាភិបាលបានឲ្យដឹងក្នុងកិច្ចប្រជុំសភាជាតិ ។
លោក Li Keqiang បន្ថែមថា ៖ « នៅឆ្នាំនេះ ការអភិវឌ្ឍសេដ្ឋកិច្ចរបស់ចិនបានប្រឈមនឹងផលវិបាកជាខ្លាំង ដូច្នេះគ្រប់គ្នាគួរតែត្រៀមខ្លួនតស៊ូដើម្បីជម្នះឲ្យបាន » ។ទោះជាយ៉ាងណា លោកមិនបានកំណត់គោលដៅជាក់លាក់ណាមួយនៃអត្រាកំណើនសេដ្ឋកិច្ចឡើយ ។
ក្រុមអ្នកវិភាគនិយាយថា វាអាចបង្កដោយសារតែមានផលវិបាកក្នុងការព្យាករចំនួន ឬគោលដៅនៅឆ្នាំមុន ដែលបានកំណត់អត្រា៦% ដែលនេះគឺជាតួលេខខ្ពស់កប់ពពក។ គួរបញ្ជាក់ថា ការនាំចូលរបស់ចិនបានធ្លាក់ចុះ១៤,២% ចំណែកការនាំចេញវិញ បានធ្លាក់ចុះ២,៨% កាលពីឆ្នាំមុន ។
មិនតែប៉ុណ្ណោះ ចិនកំពុងព្រួយបារម្ភពីបញ្ហាអត្រាអត់ការងារធ្វើ និងការកើនឡើងនៃអស្ថិរភាពសង្គម ខណៈចិនបានកាត់បន្ថយក្រុមហ៊ុនរបស់រដ្ឋដែលគ្មានប្រសិទ្ធភាព និងក្រុមហ៊ុនដែលបានបញ្ឈប់បុគ្គលិក ។ ជាក់ស្តែង អត្រាអត់ការងារធ្វើនៅក្នុងទីក្រុងស្មើនឹង៤,៥% ។
ជាមួយគ្នានេះ ឱនភាពរបស់ចិនមានទឹកប្រាក់ចំនួន៤៦០ប៊ីលានដុល្លារនៅឆ្នាំនេះ ស្មើនឹងអត្រា៣% នៃផលិតផលក្នុងស្រុកសរុប បើធៀបនឹងឱនភាពឆ្នាំមុន មានអត្រាតែ២,៤% ប៉ុណ្ណោះ ។
ទោះជាយ៉ាងណា លោក Li Keqiang លើកឡើងថា ៖ « សេដ្ឋកិច្ចចិននឹងជួយពង្រឹងដល់ការបង្កើនជំនាញ និងអប់រំពលកក្នុងការឈានជើងចូលឧស្សាហកម្មបច្ចេកវិទ្យាខ្ពស់ និងតម្លៃកាន់តែខ្ពស់ផងដែរ » ។
ផែនការថ្មីរបស់ចិន ដើម្បីឈានទៅសម្រេចគោលដៅរបស់ខ្លួននៅឆ្នាំ២០២០ គឺត្រូវយកឱ្យបានអត្រា៦,៥% នៃកំណើនជាមធ្យមអប្បបរមា ៕
ចែករំលែកព័តមាននេះ