លោក ម៉ៅ ធនិន ជួបប្រជាពលរដ្ឋខេត្តកំពតជាលើកដំបូង ដើម្បីដោះស្រាយបញ្ហាចាំបាច់មួយចំនួន
ខេត្តកំពត ៖ លោក ម៉ៅ ធនិន អភិបាលនៃគណៈអភិបាលខេត្តកំពត នៅថ្ងៃទី១៨ ខែតុលា ឆ្នាំ២០២១ បានជួបជាមួយបងប្អូនប្រជាពលរដ្ឋក្នុងខេត្ត…
ខេត្តកំពត ៖ លោក ម៉ៅ ធនិន អភិបាលនៃគណៈអភិបាលខេត្តកំពត នៅថ្ងៃទី១៨ ខែតុលា ឆ្នាំ២០២១ បានជួបជាមួយបងប្អូនប្រជាពលរដ្ឋក្នុងខេត្ត…
ខេត្តកំពត ៖ លោក ម៉ៅ ធនិន អភិបាលនៃគណៈអភិបាលខេត្តកំពត នៅថ្ងៃទី១៨ ខែតុលា ឆ្នាំ២០២១ បានជួបជាមួយបងប្អូនប្រជាពលរដ្ឋក្នុងខេត្ត ដើម្បីស្វែងយល់ និងចូលរួមដោះស្រាយបញ្ហាប្រឈមមួយចំនួន ដែលជាតម្រូវការចាំបាច់ តាមការស្នើសុំរបស់ប្រជាពលរដ្ឋ នៅវេទិកាក្នុងសាលាខេត្តកំពត ។
សូមជម្រាបថានេះជាលើកទីមួយហើយ ដែលលោក ម៉ៅ ធនិន បានធ្វើវេទិកាដោះស្រាយបញ្ហាជូនបងប្អូនប្រជាពលរដ្ឋក្នុងខេត្ត បន្ទាប់ពីត្រូវបានប្រកាសតែងតាំងជាអភិបាលនៃគណៈអភិបាលខេត្តកំពត កាលពីថ្ងៃទី១៣ ខែតុលា ឆ្នាំ២០២១ កន្លងទៅ ។
កាលពីព្រឹកថ្ងៃចន្ទនេះ លោក ម៉ៅ ធនិន បានអញ្ជើញចុះសាកសួរសុខទុក្ខ ជាមួយអាជីវករ ផ្សារសាមគ្គីទីរួមខេត្តកំពត ក្នុងសង្កាត់កំពង់បាយ ក្រុងកំពត អមដំណើរដោយលោកស្នងការខេត្ត លោកអភិបាលក្រុង លោក,លោកស្រី ប្រធានមន្ទីរពាក់ព័ន្ធ មួយចំនួនទៀត ។
ក្នុងឱកាសនោះ លោកអភិបាលខេត្ត ក៏បានផ្តល់ជូនថវិកា មួយចំនួន ជូនដល់លោកតា លោកយាយ និងបានណែនាំដល់អ្នកទទួលម៉ៅការភាស៊ីទាំងអស់ មិនត្រូវយកភាស៊ីលើសការកំណត់ ដែលមានចែងនៅក្នុងសៀវភៅបន្ទុក ជាពិសេស មិនត្រូវយកភាស៊ីពីជនចាស់ជរា ដែលមានអាយុចាប់ពី៦០ឡើង ឬក្មួយតូចៗ ដែលលក់បន្លែបង្កា ត្រី បន្តិចបន្តួចនោះឡើយ ហើយលោកអភិបាលខេត្ត ក៏បានទទួលយកសូមណូមពរមួយចំនួនរបស់អាជីវករ ដើម្បីដោះស្រាយជូនពួកគាត់ផងដែរ ៕
ចែករំលែកព័តមាននេះ